Auglýsing

Það er bjart yfir nýja for­set­anum okkar og fjöl­skyldu hans. Loks­ins börn, vor og líf á Bessa­stöðum og drengi­leg mann­eskja í emb­ætt­inu sem fólk er upp til hópa ánægt með – að minnsta kosti enn sem komið er – líka margir sem kusu ein­hvern annan en Guðna, eins og þessir sjö, vinir og fjöl­skyldu­með­lim­ir, sem ég hitti á sunnu­dag­inn og kváð­ust allir hafa kosið ein­hvern annan en væru samt hæstá­nægðir með Guðna. Reyndar er svo­lítið gaman að þessu dálæti fólks á honum – Guðna sín­um. 

Við mæðginin röltum að heim­ili Guðna og Elizu á sunnu­dag­inn þar sem fólk fagn­aði fjöl­skyld­unni og ein­hver hafði á orði að nú vant­aði sár­lega lúðra­sveit. En þó að þarna væri engin lúðra­sveit þá sveif fal­lega alþýð­legur hátíð­leiki yfir vötnum og fimm ára sonur minn vand­aði sig við að lag­færa hip­stera­hatt­inn á hausnum áður en hann klapp­aði ákaft fyrir fram­tíð­inni, eins og allir hin­ir. 

Ýmsar raddir

Síð­asta spöl­inn í kosn­inga­bar­átt­unni voru ýmsir (m.a. und­ir­rit­uð) farnir að hafa á orði þeim þætti Guðni óþarf­lega passív­ur, hann færi jafn­vel dult með skoð­anir sínar og stein­inn tók úr síð­asta kvöldið fyrir kosn­ingar þegar mörgum þótti hann fara heldur ein­dregið jákvæðum orðum um Brex­it. Aðrir bentu á að Guðni hefði þurft að sæta ómak­legri gagn­rýni Dav­íðs Odds­sonar út af Evr­ópu­sam­band­inu og svarið hefði átt að snúa upp á þá gagn­rýn­i. 

Auglýsing

Þeir voru líka ófáir sem bentu á bækur hans og fræði­manna­störf til marks um að þarna færi engin skoð­ana­dula. Og strax dag­inn eftir að úrslitin í for­seta­kosn­ing­unum urðu ljós voru ein­hverjir Face­book-vinir á því að þarna væri Guðni aftur kom­inn í sitt reffi­lega frum­el­em­ent; orð­inn gamli, góði Guðn­i. 

Hvernig verða næstu kosn­ing­ar?

Það verður for­vitni­legt að fylgj­ast með Guðna í þessu starfi sem allir hafa skoð­anir á. Hann virð­ist vera vand­aður og hóg­vær maður með bein í nef­inu og jafn­vel þó að maður hefði viljað sjá hann grípa bolt­ann á lofti og ræða ýmis mál sem lúta að brýnum umhverf­is­málum við Andra Snæ og að sama skapi bera á borð marg­þætt­ari grein­ingu á Brex­it, sem hefur meðal ann­ars verið knúið áfram af var­huga­verðum þjóð­ern­is­öflum sem eiga rætur sínar í hættu­lega öflugri undir­öldu í stjórn­málum Evr­ópu, þá er kannski ómak­legt að bauna á fólk á síð­ustu metr­unum í kosn­inga­bar­áttu sem náði aldrei því marki að verða mál­efna­lega djúp. 

Kannski af því að það voru svo margir í fram­boði en þó helst vegna þess að það er eng­inn þáttur helg­aður stjórn­málum í sjón­varp­inu, þáttur þar sem ein spurn­ing leiðir af sér þá næstu – og svo fram­veg­is. Þar sem við­mæl­endur þurfa að taka for­tíð­ina með í reikn­ing­inn þegar þeir tala um fram­tíð­ina, kafa á djúpið í svörum sínum og spila rök­ræðu­borð­tennis við aðra við­mæl­end­ur.  

Nú líður (von­andi) senn að alþing­is­kosn­ing­um, þeir sem ég hef spurt síðan ég kom til lands­ins virð­ast nokkuð vissir í sinni sök að það verði kosin ný rík­is­stjórn í haust. En maður spyr sig. Á að blása aftur til kosn­inga án þess að for­svars­menn Rík­is­sjón­varps­ins fari á stúf­ana til að finna hæft fólk til að stýra alvöru þætti um stjórn­mál? 

Ótta­stjórnun

Um dag­inn hitti ég mann­eskju sem er vel kunnug inn­an­búð­ar­málum í Efstaleitinu og spurði við­kom­andi út í þennan átak­an­lega skort á þætti í öfl­ug­asta fjöl­miðl­inum um það sem þó ræður lífs­kjörum okkar og fram­tíð: stjórn­mál bæði hér heima og á alþjóða­vett­vang­i. 

Þessi ágæti aðili setti upp kynd­ugan svip og lækk­aði eilítið róm­inn þegar hann svar­aði eitt­hvað á þessa leið: Það verður bara að segj­ast eins og er, að það er svo mik­ill ótti hér inn­an­húss við enn eina árás­ina á Rík­is­út­varpið að mönnum finnst ekki á það hætt­andi að byrja núna með slíkan þátt. 

Ef satt skal segja hef ég aldrei heyrt brýnni ástæðu fyrir slíkum þætti. Því hvað er eggið og hvað er hæn­an? Ef stjórn­völd þagga óbeint niður í allri alvöru umræðu í Rík­is­út­varp­inu hver á þá að standa vörð um ólíkar en gagn­rýnar raddir þjóðar og pall­borð þeirra? Áger­ist þá ekki bara ótta­stjórnun yfir­valda þangað til sér ekki fyrir end­ann á henn­i? 

En sem betur fer eru kosn­ingar í haust – og við erum loks­ins búin að fá nýjan for­seta sem markar enda­lok tíma­bils þar sem gamlir kóngar virt­ust öllu ráða – svo ég ætla að leyfa mér að vera von­glöð. 

Stærsta gjöfin

Samt, á sama tíma, von­ast ég svo inni­lega til þess að þeir sem fara með stjórn­ina í Rík­is­út­varp­inu rífi sig úr viðjum hinnar ósýni­legu rit­skoð­un­ar, kalli til sitt hæf­asta fólk, bæði utan stofn­un­ar­innar og innan henn­ar, og búi til nýjan þátt um stjórn­mál til að senda út að minnsta kosti einu sinni í viku, bæði fyrir og eftir kosn­ing­ar. Öðru­vísi verða þessar kosn­ingar aldrei vit­rænar og það er ekki seinna vænna en að byrja núna.

Rík­is­út­varpið hefur þá einu skyldu að þjóna þjóð­inni og þetta er stærsta gjöfin sem það getur gefið henni, hlut­laus vett­vangur þar sem ólíkar raddir kryfja allt sem við­kemur lífs­kjörum hennar og sam­bandi við umheim­inn.

Þeir sem vita ekki betur en að saka rödd­ina okk­ar, Rík­is­út­varp­ið, um hlut­drægni afhjúpa fátæk­lega heims­mynd. Þeir hinir sömu ættu að gefa því séns að nýta fleiri tungu­mál í dag­legu lífi og venja sig á að hlusta á umræðu í skand­in­av­ískum, þýskum og breskum sjón­varps­þátt­um. Vit­rænar umræður sem þaul­reyndir spyrlar leiða og leyfa þá öllum röddum að heyr­ast og afhjúpa sig um leið.

Gall­inn er bara sá að í hvert skipti sem maður horfir á góð­an  umræðu­þátt á danskri eða þýskri sjón­varps­stöð hellist yfir mann eymsla­til­finn­ing yfir því að Íslend­ingar skuli vera sviknir um annað eins. 

Við höfum nóg af vatni og fiski til að vera heil­brigð en við þurfum líka að vera heil­brigð í hugsun og til þess að vera það þurfum við að lifa við upp­lýsta, líf­lega, djarfa, leit­andi, fjöl­breytta, hug­aða, marg­slungna og lýð­ræð­is­lega umræðu alla daga, alltaf. 

Full­nægja hug­ans

Reyndar er nóg af fólki hér á landi til­búið til að segja að það hafi heyrt allt sem það þurfti að heyra í nýliðnum kosn­ing­um, sam­tín­ing úr hinum og þessum miðl­um, og að það fái ábyggi­lega að heyra nóg fyrir næstu. Við allt það ofur nægju­sama fólk vil ég segja: Þið vitið ekki af hverju þið missið! Hug­ur­inn fær ekki full­nægju nema upp­lifa örvun úr ólíkum áttum á sama augna­blik­inu, nokkuð sem sjón­varpið getur miðlað á ein­stakan hátt.

En, nóg um tuð, við státum af glæ­nýjum for­seta, íslenska karla­lands­liðið í fót­bolta er búið að fanga und­urfagrar stjörnur á him­in­hvolf­inu sem engan óraði fyrir að væru innan seil­ing­ar, bráðum verður ný rík­is­stjórn kos­in, úti er fal­leg­asti tím­inn á árinu og fugl­arnir vekja okkur – það vantar bara bita­stæðan þátt um stjórn­mál í Rík­is­út­varp­in­u. 

Og það sem allra fyrst, því nú eru nýir tím­ar. Vor á Bessa­stöð­um.

Fasteignamarkaður á tímamótum
Uppgangstíma á fasteignamarkaði er ekki lokið, sé horft til þess að mikill fjöldi nýrra eigna er nú að koma inn á markaðinn. Ólíklegt er hins vegar að markaðurinn muni einkennast af verðhækkunum. Frekar er líklegt að lækkanir verði raunin.
Kjarninn 25. júní 2019
Benedikt Gíslason.
Benedikt Gíslason ráðinn bankastjóri Arion banka
Benedikt Gíslason, sem hefur setið í stjórn Arion banka fyrir hönd Kaupþings, hefur verið ráðinn nýr bankastjóri bankans.
Kjarninn 25. júní 2019
Launakostnaður 61 prósent af heildargjöldum Íslandspósts
Í skýrslu Ríkisendurskoðunar um starfsemi Íslandspósts kemur fram að laun og launatengd gjöld hafi hækkað verulega á síðustu árum hjá fyrirtækinu. Laun forstjóra Íslandspósts hækkuðu tvisvar í fyrra og um 43 prósent á innan við ári.
Kjarninn 25. júní 2019
Fjárfestingar Íslandspósts of miklar í fyrra
Fjárhagsvandi Íslandspósts stafar af of kostnaðarsamri dreifingu pakkasendinga frá útlöndum og samdrætti í bréfasendingum hjá fyrirtækinu. Vandi þess stafar þó einnig af of miklum fjárfestingum í fyrra miðað við greiðslugetu fyrirtækisins.
Kjarninn 25. júní 2019
Skúli Eggert Þórðarson
Ræddu framtíðarsýn Íslandspósts
Ríkisendurskoðandi fundaði með fjárlaganefnd og stjórnskipunar- og eftirlitsnefnd í morgun, en fulltrúar fjármálaráðuneytisins og samgöngu- og sveitarstjórnarráðuneytisins voru einnig viðstaddir, sem og stjórn Íslandspósts.
Kjarninn 25. júní 2019
Ójöfn fjölskylduábyrgð hefur áhrif á stöðu kvenna í atvinnulífinu
Konur bera enn meginábyrgð á heimilinu, bæði er kemur að börnum, heimilisstörfum og umönnun aldraðra foreldra.
Kjarninn 25. júní 2019
Stuðningur við ríkisstjórnina mestur hjá kjósendum Sjálfstæðisflokks
Fleiri væntanlegir kjósendur Vinstri grænna styðja ríkisstjórnina en þeir sem segjast ætla að kjósa Framsóknarflokkinn. Stuðningur við hana á meðal kjósenda Sjálfstæðisflokksins hefur aukist síðustu vikur.
Kjarninn 25. júní 2019
Tveir framkvæmdastjórar láta af störfum hjá Íslandspósti
Mikil hagræðing og kostnaðaraðhald er framundan hjá Íslandspósti. Framkvæmdastjórum fyrirtækisins hefur verið fækkað úr fimm í þrjá.
Kjarninn 25. júní 2019
Meira úr sama flokkiSleggjan
None