Auglýsing

Ég elska þennan árs­tíma. Ljósa­skiptin eru löng og það er bjart þegar ég vakna. Myrkrið er kær­kom­inn félagi sem býður upp á kerta­ljós og melankól­íska tón­list. Sum­ar­man­ían er að syngja sitt síð­asta hjá þjóð­inni og myrkrið ekki orð­inn sá óvinur sem það verður óum­flýj­an­lega í nóv­em­ber. Skóla­sökn­uð­ur­inn gerir aðeins vart við sig. Það er van­metið að vera áskrif­andi að skipu­lagðri rútínu­breyt­ingu tvisvar á ári.

Íslend­ingar eru í grunn­inn bípólar - manískir á sumrin og þung­lyndir á vet­urna. Í man­í­unni er nauð­syn­legt að afstýra sól­ar­sam­visku­bit­inu með því að hend­ast beint í næstu sund­laug eftir vinnu og elta veðrið í sum­ar­frí­inu með felli­hýsið bros­andi í eft­ir­dragi. Vetr­inum þarf svo ekki að lýsa.

Feg­urðin liggur því í þessum örfáu vik­um, síð­sum­ars, á haustin og vor­in, milli­leik­ur­inn sem allir líta fram hjá. Tím­inn þegar allt breyt­ist. Þess vegna er ein­hvern veg­inn við­eig­andi að bjóða upp á próf­kjör og kosn­ingar á þessum tíma. Tíma fyrir breyt­ing­ar.

Auglýsing

Það er samt eins og það sé ekki mikil stemn­ing fyrir breyt­ing­ar. Fram­bjóð­endur í próf­kjöri Sam­fylk­ing­ar­innar reynd­ust færri en sætin sem átti að kjósa í með bind­andi hætti og Pírat­ar, flokk­ur­inn sem und­an­farið ár hefur haft öll tögl og hagldir og lof­aði góðu, virð­ist eiga í bölv­uðu basli með að halda próf­kjör svo vel.

Sjálf­stæð­is­menn eru í senn ugg­andi yfir nýlegum leik­manna­kaupum Við­reisnar og þunnum lista fram­bjóð­enda í Reykja­vík­ur­kjör­dæm­unum tveim­ur, en aðeins fimmtán gefa kost á sér, sam­an­borið við sextán í krag­an­um. Vissu­lega eru mjög sterkir fram­bjóð­endur í boði h Sjálf­stæð­is­flokknum í Reykja­vík, þó svo að mis­jafn sauður leyn­ist í mörgu fé. Þrátt fyrir það virð­ist aldrei hafa verið betri tími fyrir nýliða til að ryðja sér til rúms, því á þriðja tug sitj­andi þing­manna hafa lýst því yfir að þau sæk­ist ekki eftir end­ur­kjöri. Áhugi á þing­sætum virð­ist því fara dvín­andi, þrátt fyrir að áhugi fólks á stjórn­málum virð­ist síður en svo fara dvín­andi.

Staða Sjálf­stæð­is­flokks­ins í kom­andi kosn­ingum er að mörgu leyti sér­stök. Flokknum hefur vegnað til­tölu­lega vel und­an­farin ár. Góður árangur í rík­is­fjár­málum kemur þar fyrst upp í hug­ann á mönnum eins og mér, sem hlýt að vera með þýskt sparn­að­ar­blóð ein­hvers staðar aft­ar­lega í ætt­um. Skuldir rík­is­sjóðs námu í júlí 2014 75% af lands­fram­leiðslu en 50% á sama tíma í ár. Áhrif betri skulda­stöðu og lægri vaxta­greiðslna rík­is­sjóðs eru ótrú­lega jákvæð. Gall­inn er hins vegar að í kosn­inga­bar­áttu dettur engum í hug að tala um skulda­stöðu hins opin­bera. Heil­brigð­is­kerf­ið, hús­næð­is­vandi ungs fólks og fjölgun ferða­manna eru lík­legri til að vera í sviðs­ljós­inu, án þess þó að gera lítið úr mik­il­vægi þeirra mála. En það vinnur eng­inn kosn­ingar á rík­is­fjár­mál­unum einum sam­an, sama hversu góður árang­ur­inn er.

Und­an­farin ár hafa nefni­lega þrátt fyrir allt verið Íslandi frekar góð. Frá­sögnin af unga fólk­inu sem ætlar að yfir­gefa Ísland af því að hér er of dimmt og of bjart, og við­brögðin við þeirra frá­sögn, segir kannski allt sem segja þarf. Ein­hver þarf að segja þeim að í Dan­mörku sé líka rík­is­út­varp. Öfgarnar eru svo farnar að læð­ast aftur inn um bak­dyrn­ar. Bón­us­greiðslur sem nema einum Barna­spít­ala, hjól­hýsi sem hægt er að stjórna með fjar­stýr­ingu og lána­full­trúar í bönkum með langa reynslu sem lýsa ástand­inu sem ekki ólíku sem það var 2005. Öfgarnar eru því kannski ekki bara í árs­tíð­unum og birt­unni heldur líka í litlu þjóð­arsál­inni. Þótt fram undan sé vetur virð­ist bull­andi mið­næt­ur­sól í hag­kerf­inu. Og alveg eins og með árs­tíð­irnar þá verðum við flest bara að dansa með hag­sveifl­unni á þeim takti sem henni hent­ar. Á meðan ætla ég bara að njóta ljósa­skipt­anna yfir Snæ­fells­nes­inu og hlusta á Tom Waits.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Víðir Reynisson yfirlögregluþjónn hefur ekki áhyggjur af því að almenningur sé orðin ónæmur eða hættur að hlusta þegar almannavarnastig er sett á.
„Almannavarnir lýsa ekki yfir almannavarnarstigi af léttuð“
Víðir Reynisson yfirlögregluþjónn telur að almenningur taki yfirlýsingu neyðarástands vegna COVID-19 ekki af meiri léttúð, þrátt fyrir að neyðarástandi hafi verið lýst yfir fjórum sinnum á síðustu tveimur árum.
Kjarninn 19. janúar 2022
Engin starfsemi hefur verið í kísilverksmiðjunni í Helguvík í rúmlega fjögur ár.
Bæjarstjórnin skorar á Arion banka að hætta við áform um endurræsingu kísilversins
Bæjarstjórn Reykjanesbæjar skorar á Arion banka að falla frá áformum um endurræsingu kísilversins í Helguvík og hefja viðræður við sveitarfélagið um aðrar og grænni leiðir.
Kjarninn 19. janúar 2022
Willum Þór Þórsson heilbrigðisráðherra.
Hraðpróf í tengslum við smitgát úr sögunni og fólk í einangrun má fara í stutta göngutúra
Heilbrigðisráðherra hefur staðfest reglugerð þess efnis að þeir sem eru í smitgát þurfi ekki lengur að fara í hraðpróf, heldur einungis að fara gætilega. Einnig er rýmkað fyrir útiveru þeirra sem eru í einangrun.
Kjarninn 19. janúar 2022
Tómas A. Tómasson þingmaður Flokks fólksins.
„Það er ósanngjarnt að reka fólk heim þegar það getur unnið“
Þingmaður Flokks fólksins gerði málefni eldri borgara að umtalsefni á þinginu í dag.
Kjarninn 19. janúar 2022
Bólusetning með bóluefni Pfizer er hafin í Nepal.
Meira en milljarður skammta loks afhentur í gegnum COVAX
Markmið COVAX-samstarfsins náðust ekki á síðasta ári. Þó er komið að þeim áfanga að milljarður skammta hefur verið afhentur í gegnum samstarfið. Mun betur má ef duga skal.
Kjarninn 19. janúar 2022
Launafólk í verri stöðu en fyrir ári síðan
Þrátt fyrir mikinn hagvöxt í fyrra hefur fjárhagsstaða og andleg heilsa launafólks versnað töluvert á milli ára, samkvæmt nýrri skoðanakönnun frá Vörðu. Tæpur helmingur innflytjenda segist nú eiga erfitt með að ná endum saman.
Kjarninn 19. janúar 2022
Þórólfur Guðnason sóttvarnalæknir.
Vísar gagnrýni um samráðsleysi til föðurhúsanna
Sóttvarnalæknir vísar á bug gagnrýni um að hann hafi aðeins samráð við sjálfan sig. Hann á ekki von á því að leggja fram nýtt minnisblað þar til gildandi samkomutakmarkanir renna út. Til greina kemur að stytta einangrun smitaðra.
Kjarninn 19. janúar 2022
Fyrrverandi bæjarstjóri í Hafnarfirði ráðin sem aðstoðarmaður ráðherra
Guðmundur Ingi Guðbrandsson, félagsmála- og vinnumarkaðsráðherra og varaformaður Vinstri grænna, hefur ráðið tvo aðstoðarmenn. Annar var einu sinni bæjarstjóri og síðar framkvæmdastjóri ASÍ um árabil.
Kjarninn 19. janúar 2022
Meira úr sama flokkiSleggjan
None