Iceland Geothermal klasa­sam­starfið hefur verið í stöð­ugum vexti frá stofnun þess í febr­úar 2013. Aðild­ar­fé­lög Iceland Geothermal, gjarnan kallað íslenski jarð­varma­klasinn, eru um 50 tals­ins: þjón­ustu­fyr­ir­tæki, orku­fram­leið­end­ur, vél­smiðj­ur, háskólar o.fl. Sam­starfið nær til heildar virð­is­keðju jarð­varma og orku­iðn­aðar á Ísland­i. 

Stuðn­ingur við nýsköpun

Stuðn­ingur við nýsköpun er ein af lyk­ilá­herslum Iceland Geothermal. Sem dæmi má nefna að aðild­ar­fé­lög klasans, líkt og Arion banki, Íslands­banki, Nýsköp­un­ar­mið­stöð Íslands, Lands­virkj­un, GEORG, HS Orka, OR og ON, styðja dyggi­lega við gras­rót­ina í þessum efn­um. Iceland Geothermal klasa­sam­starfið tekur einnig að sér að reka við­skipta­hrað­al­inn Startup Energy Reykja­vík (SER) í sam­stafi við Icelandic Startups sem nú er opinn til umsóknar fram til 14. ágúst nk., sjá nánar www.startupenergyreykja­vik.com.

SER hefur verið haldið tvisvar þ.e.a.s. 2014 og 2015. Fyr­ir­tækin 14 sem stofnuð hafa verið á þessu tveggja ára tíma­bili hafa aflað hluta­fjár og fjár­stuðn­ings sem nemur 700 millj­ónum króna. Til að skilja þennan góðar árangur er áhuga­vert að líta til fjöl­breyti­leika fyr­ir­tækj­anna sem SER hefur fjár­fest í. Á meðal fyr­ir­tækj­anna er að finna fjár­fest­ing­ar­fé­lag, þjón­ustu­fyr­ir­tæki, fram­leiðslu­fyr­ir­tæki, tvö verk­efni tengd orku­frekum iðn­aði, hug­bún­að­ar­fyr­ir­tæki og aðila sem þróa vél­búnað og kerfi. Hrað­all­inn er að fá til sín teymi sam­sett af reyndum aðilum úr atvinnu­líf­inu í bland við yngri ein­stak­linga. Við­skipta­hrað­all tengdur atvinnu­líf­inu og háskóla­sam­fé­lag­inu er lyk­ill­inn að þess­ari vel­geng­i. 

End­ur­skoða þarf áherslur atvinnu­lífs og rann­sókna

Það er stað­reynd að hvorki ein­stak­lingar né íslensk fyr­ir­tæki hafi sótt um einka­leyfi sem tengj­ast 100 ára þróun hita­veitu og upp­bygg­ingu jarð­varma­vera á Íslandi. Hvernig getur það verið að ein af fremstu þjóðum á sviði jarð­varma­nýt­ingar í heim­inum búi ekki yfir hug­verka­rétt­ar­varðri þekk­ingu á þessu sviði? Hvað þarf að gera til að efla sam­staf atvinnu­lífs og þeirra sem stunda jarð­varma- og orku­rann­sóknir þannig að verð­mæta­sköpun verði sýni­legri og skili sjálf­bærum vexti tengdum rann­sóknum og á þetta við um fyr­ir­tæki, skóla og rann­sókn­ar­stofn­an­ir?  

Mik­il­vægi stafs­reynslu og verkvits

Byggja þarf upp nýsköp­un­ar­um­hverfi þar sem háskóla­gráða er ekki álitin for­senda til þátt­töku. Ef mark­miðið er að auka verð­mæti og sér­stöðu afurða og selja lausnir og vörur til við­bótar við þá miklu þekk­ingu sem íslenskar verk­fræði­stofur búa yfir, verður að líta til fyr­ir­tækja eins og t.d. röra­verk­smiðj­unnar Set ehf. svo og vél­smiðja og renni­verk­stæða eins og Vél­vík, Héð­inn, VHE og Stál­smiðj­unar Fram­taks. Tækni­lausnir byggja ekki síst á verk­þekk­ingu og reynslu af smíði bún­að­ar, við­haldi hans og rekstri. Rétt er að árétta að hér er átt við að auka verður vægi fag­þekk­ingar en ekki er verið á nokkurn hátt að rýra mik­il­vægi háskóla­mennt­un­ar.  

Að lokum er mik­il­vægt að atvinnu­rek­endur hvetji að starfs­menn sína til að leggja stund á frjóa hugsun og nýsköp­un. Vanti sér­þekk­ingu til að koma hug­myndum áfram og í fram­kvæmd er hægt að leita til t.d. Nýsköp­un­ar­mið­stöðvar Íslands, Icelandic Startups og Iceland Geothermal til að fá upp­lýs­ingar um aðstoð við að þróa hug­myndir áfram.