2016 - Ár fjölmiðlanna

Kjarninn birtir pistla eftir fulltrúa þeirra stjórnmálaflokka sem eiga sæti á Alþingi í lok ársins 2016. Björn Valur Gíslason er varaformaður Vinstri grænna.

Auglýsing

Árið 2016 hefur ein­kennst að stórum hluta af póli­tískri óreiðu. Það hófst með ára­móta­ávarpi Ólafs Ragn­ars Gríms­son­ar, þáver­andi for­seta Íslands, sem sagð­ist þá ætla að draga sig í hlé en þó samt ekki, í það minnsta ekki að fullu. Hann kvaðst myndu taka sér stöðu á hlið­ar­lín­unni sem þátt­tak­andi í stjórn­mál­um, háð hans eigin vilja og óbundið af þeim skorðum sem for­seta­emb­ættið setur hon­um, eins og það var orð­að. Það fór þó á end­anum þannig að Ólafur Ragnar gaf aftur kost á sér til emb­ætt­is­ins þar sem hann mat það sem svo að ekki væru þá komnir fram nægi­lega hæfir fram­bjóð­endar til að hann gæti afhent þeim keflið. Hann dró síðan fram­boð sitt til baka og hætti öðru sinni við að bjóða sig fram, ann­ars vegar vegna upp­lýs­inga sem hann varð­aði í Panama­skjöl­unum en ekki síður þegar ljóst var að Davíð Odds­son, rit­stjóri Morg­un­blaðs­ins, gaf kost á sér til emb­ættis for­seta Íslands. Framboð rit­stjór­ans sem áður hafði sett svo djúp og sár spor í sam­fé­lagið sem ráð­herra og Seðla­banka­stjóri varð síðan ekki til að auka hróður hans eða varpa ljóma á póli­tíska arf­leifð hans. Það má þó segja að í það sinn hafi þjóðin haft betur gegn úrsér­gengnum póli­tískum brellum hins gamla for­ingja sjálf­stæð­is­flokks­ins og hafn­aði honum með afger­andi hætti.

Rík­is­stjórn sjálf­stæð­is­flokks og fram­sókn­ar, sem tók við völdum vorið 2013 og bjó við góðan meiri­hluta á Alþingi, lið­að­ist svo í sundur og féll á vor­dögum 2016. Bana­mein hennar var spill­ing. Þrír af fjórum ráð­herrum evr­ópskra landa sem nefndir voru í Panama­skjöl­unum voru ráð­herrar þess­arar rík­is­stjórn­ar. Ný rík­is­stjórn var reist á rústum þeirrar sem féll eftir að einn þre­menn­ing­anna, sjálfur for­sæt­is­ráð­herra lands­ins, var neyddur af eigin flokks­mönnum til að segja af sér í kjöl­far stærstu mót­mæla sög­unnar framan við Alþing­is­hús­ið. Hinir tveir sitja enn. For­sæt­is­ráð­herr­ann fyrr­ver­andi var svo end­ur­kjör­inn á þing með nokkrum ágætum í kosn­ing­unum í haust.

Nið­ur­staða kosn­ing­anna í lok októ­ber varð svo enn til að auka á óreið­una sem þó var nokkur fyr­ir. Sam­kvæmt nið­ur­stöðum þeirra var úti­lokað að mynda rík­is­stjórn færri en þriggja flokka. Aðeins tveir mögu­leikar á meiri­hluta­stjórn voru í stöð­unni, rík­is­stjórn fimm flokka án sjálf­stæð­is­flokks­ins eða rík­is­stjórn með sjálf­stæð­is­flokki. For­maður Við­reisn­ar, stærð­fræð­ing­ur­inn Bene­dikt Jóhann­es­son, reikn­aði sig því strax í lyk­il­stöðu með því að merkja sér fjóra þing­menn Bjartrar fram­tíð­ar. Þannig varð vægi Við­reisnar í íslenskum stjórn­málum langt umfram fylgi og flokk­ur­inn hefur síðan flakkað á milli stjórn­ar­mynd­un­ar­við­ræðna og virð­ist láta sig litlu varða hver við­mæl­and­inn er hverju sinni. Sam­kvæmt úrslitum kosn­ing­anna styrktu hægriöflin heldur stöðu sína, fengu 40 þing­menn kjörna á móti 10 þing­mönnum vinstri­manna. Aðrir eru svo að hálfu beggja vegna eftir því hvernig vind­arnir blása.

Auglýsing

Staðan á Alþingi, þegar þessi grein er skrif­uð, er þannig að fjár­mála­ráð­herra fall­innar rík­is­stjórnar hefur lagt fram fjár­laga­frum­varp sitt og tekju­öfl­un­ar­frum­vörp fyrir næsta ár. Málin eru til umfjöll­unar í tveimur þing­nefnd­um; fjár­laga­nefnd og efna­hags- og við­skipta­nefnd. Fyrri nefnd­inni er stýrt af þing­manni sjálf­stæð­is­flokks­ins. Þeirri síð­ari stýrir hægri­mað­ur­inn og stærð­fræð­ing­ur­inn Bene­dikt Jóhann­es­son, for­maður Við­reisn­ar. Í þessu ljósi er ekki að vænta mik­illa breyt­inga á fjár­laga­frum­varp­inu. Að öðru leyti starfar Alþingi ekki.

Framundan eru gríð­ar­lega krefj­andi tímar fyrir íslenska stjórn­mála­menn. Ákvarð­anir þeirra í efna­hags­málum á næstu dögum og vikum geta haft mikil áhrif á kjör lands­manna allra. Það er því mik­il­væg­ara nú en oft­ast áður að land­inu verði stjórnað af ábyrgð og festu í stað laus­ungar og ábyrgð­ar­leys­is. Því verður for­ystu­fólk okkar í stjórn­málum hvar í flokki sem það er að taka hlut­verk sitt alvar­lega og tryggja land­inu sem fyrst starf­hæf stjórn í stað stjórn­leysis og óreiðu. Enn mik­il­væg­ara er það þó að land­inu verði stjórnað af fólki sem ber almanna­hag sér fyrir brjósti í stað sér­hags­muna. Of margir stjórn­mála­menn láta sér þessi mál í léttu rúmi liggja og hafa helgað sig dæg­ur­þras­inu enda er það oft til meiri vin­sælda fall­ið. Það á samt ekki við um alla og á það fólk setjum við allt okkar traust.

Ráð­herrar og þing­menn frá­far­andi rík­is­stjórnar hafa gagn­rýnt fjöl­miðla mjög hart á und­an­förnum árum. Sumir þeirra hafa snið­gengið fjöl­miðla og grafið undan trú­verð­ug­leika þeirra með aðferðum sem ekki hafa tíðkast í vest­rænu lýð­ræð­is­ríki til þessa. Þetta hefur samt, og sem betur fer, ekki orðið til þess að draga mátt­inn úr óháðum fjöl­miðlum sem hafa fjallað um ólík sam­fé­lags­leg mál­efni með gagn­rýnum en um leið mál­efna­legum hætti. Þannig var það vegna margra mán­aða rann­sókn­ar­vinnu fjöl­miðla sem upp komst um aflands­fé­lög þriggja íslenskra ráð­herra og leiddi til falls rík­is­stjórn­ar­innar og kosn­inga. Fjöl­miðlar flettu síðan ítrekað ofan af stór­felldu svindli gegn neyt­endum í land­inu og ber mál­efni MS eða Brú­neggja­svind­lið þar hæst. Fjöl­miðlar hafa einnig kafað dýpra og fjallað með  gagn­rýnni hætti um stjórn­mál en oft áður að mínu mati og þannig upp­lýst okkur almenn­ing um mál­efni sem varðar okkur öll og við eigum að taka afstöðu til. Það væri verð­ugt verk­efni fyrir nýkjörið þing þegar það kemur saman að styrkja laga- og rekstr­ar­um­hverfi frjálsra fjöl­miðla. Það þarf að koma upp sér­stökum sjóði sem fjöl­miðlar geti sótt í til að sinna nauð­syn­legri rann­sókn­ar­vinnu og það verður að skapa þeim umhverfi sem styrkir fjár­hags­legt sjálf­stæði þeirra.

Árið 2016 var ár fjöl­miðl­anna.

Höf­undur er vara­for­maður Vinstri grænna.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Skýringarmynd af brú á Bárðardalsvegi eystri yfir frárennslisskurð við Kálfborgará miðað við virkjunartilhögun B.
Ekki hafi verið sýnt fram á brýna nauðsyn röskunar eldhrauns við Skjálfandafljót
Ljóst er að með tilkomu fyrirhugaðrar Einbúavirkjunar verður um að ræða inngrip í vatnafar Skjálfandafljóts sem hefur í för með sér neikvæð áhrif á fljótið á tilteknum kafla. Þetta kemur fram áliti Skipulagsstofnunar á matsskýrslu um virkjunina.
Kjarninn 12. ágúst 2020
Icelandair búið að ná samkomulagi við Boeing, og alla hina kröfuhafana
Icelandair Group er búið að ná samkomulagi við alla kröfuhafa sína. Félagið fær að falla frá kaupum á fjórum Boeing vélum sem það hafði skuldbundið sig til að kaupa.
Kjarninn 11. ágúst 2020
Biden velur Harris sem varaforsetaefni
Demókrataflokkurinn hefur valið varaforsetaefni sitt fyrir komandi forsetakosningar. Hún er svört kona sem er líka af asísku bergi brotin og heitir Kamala Harris.
Kjarninn 11. ágúst 2020
Þórður Snær Júlíusson
Stríðsrekstur fyrirtækis gegn nafngreindu fólki og gagnrýnum fjölmiðlum
Kjarninn 11. ágúst 2020
Höfuðstöðvar Ríkisútvarpsins í Efstaleiti.
Félag fréttamanna gagnrýnir myndband Samherja harðlega
Stjórn Félags fréttamanna, stéttarfélag fréttafólks á Ríkisútvarpinu, segir ómaklega veist að Helga Seljan fréttamanni í myndbandi sem Samherji birti í dag. Áhyggjuefni sé að reynt sé að gera fréttamann tortryggilegan í stað þess að svara spurningum.
Kjarninn 11. ágúst 2020
Víðir Reynisson á upplýsingafundi almannavarna í dag.
Víðir: Getum ekki sest í hægindastólinn og slakað á
Þrátt fyrir að útlit sé fyrir að árangur sé að nást af hertum sóttvarnaaðgerðum innanlands og tilslakanir séu framundan er ekki kominn til að hætta að huga að smitvörnum. Sá tími kemur ekki á meðan að veiran er til staðar, segir Víðir Reynisson.
Kjarninn 11. ágúst 2020
Þórólfur Guðnason sóttvarnalæknir á fundinum í dag.
Þórólfur segir útlit fyrir að við séum að ná tökum á stöðunni
Sóttvarnalæknir segir að lítill fjöldi nýsmita allra síðustu daga bendi til þess að faraldurinn hér innanlands sé að verða viðráðanlegur. Hann lagði til tilslakanir innanlands og reifaði valkosti um aðgerðir á landamærum í minnisblaði til ráðherra.
Kjarninn 11. ágúst 2020
Helgi Seljan var borin þungum sökum í myndbandi Samherja
RÚV og Helgi Seljan hafna ásökunum Samherja
„Ný viðmið í árásum stórfyrirtækis á fjölmiðla og einstaka fréttamenn,“ segir í yfirlýsingu frá Helga Seljan og Þóru Arnórsdóttur sem þau sendu frá sér vegna myndbands Samherja. Myndbandið var birt á YouTube rás Samherja fyrr í dag.
Kjarninn 11. ágúst 2020
Meira úr sama flokkiAðsendar greinar
None