Pólitískar vetrarsólstöður

Helgi Már Friðgeirsson, sem tók virkan þátt í sögulegu starfi Pírata á árinu, fjallar um hvernig Píratar stilltu saman strengi í aðdraganda kosninga.

Auglýsing

Ég lít um öxl yfir ár sem gjörvallt internetið virðist sammála um að sé eitt það versta á þessari öld, þótt þar sé full djúpt í árinni tekið.

Við misstum ótal hetjur á sviði tón- og leiklistar, stjórnmál tóku skarpa öfgahægri dýfu allt frá Ameríku til Indónesíu, með stuttri viðkomu í Austurríki. Enn veit enginn hvað Bretar eru að spá í alvörunni, síst af öllu Bretar sjálfir. Á Íslandi kom í ljós að þrír ráðherrar, þar af forsætisráðherra sjálfur, ættu leynilega reikninga í gegnum lögmannsstofur sem aðstoða við skattsvik. Við þetta bætast öfgafullar aðgerðir Útlendingastofnunar, sem halda áfram sama hvað tautar eða raular. Inn í þennan heim steig ég mín fyrstu skref í pólitík.

Ég, líkt og aðrir, fékk alveg upp í kok í kringum Panamaskjölin. Með eldmóð og réttlátri reiði fylgdist ég með Kastljósi og Reykjavík Media, í samvinnu við stóran hóp blaðamanna víðs vegar að úr heiminum, fletta ofan af viðbjóðnum sem þrífst í skugga meðvirks fjármálakerfis og vanhæfra eftirlitsstofnana. Nú var komið nóg, eitthvað varð að gera og mætti ég á mín fyrstu mótmæli þetta ár. Ég hafði verið skráður í Pírata í um tvö ár og kosið þá síðast en þó aðallega vegna þess að ég þekkti til Helga Hrafns og vissi að hann væri ótrúlega skarpur og vel gerður maður. Eftir að hafa kynnt mér flokkinn betur fann ég algeran samhljóm við stefnu þeirra um gegnsæi og mannréttindi sem styrkti álit mitt á þeim. Þegar stefndi í að þingi yrði slitið snemma og gengið til kosninga sló ég til og skráði mig í prófkjör, hugsandi að ég þyrfti að tryggja að þarna væri nú nóg af fólki með viti ef eitthvað ætti að gera.

Auglýsing

Ekki leist mér á blikuna þegar i ljós kom að um hundrað manns hefðu skráð sig í framboð í prófkjörinu og hélt ég á fund sem ætlaður var til að frambjóðendur gætu kynnt sig og kynnst öðrum. Ég hef aldrei verið eins ánægður með ofmat á eigin ágæti og á þessum fyrsta fundi. Í kringum mig stóð stór hópur af flinkara, greindara og færara fólki en ég verð nokkurn tíma og ég sá að hér myndi verða til mjög góður listi. Sem varð svo raunin og vermdi ég á endanum neðri part lista Pírata í Reykjavíkurkjördæmi -Suður í 15. sæti. Daginn eftir var ég kosinn sem varamaður í stjórn Pírata í Reykjavík (PíR).

Þá byrjaði ballið fyrir alvöru. Við í PíR stóðum fyrir “Pólitískum Ómöguleikum”, þar sem framboðslistar höfuðborgarsvæðisins þreyttu kappi í ýmsum misgáfulegum keppnisgreinum og við hristum saman liðsheildina með miklu fjöri um kvöldið. Ég var farinn að sjá að þarna ætti ég heima, hlutfallið milli snillinga og hálfvita töluvert betra en almennt gerist. Vinnan í kringum kosningarnar var mikil. Við bárum út bæklinga, héldum fundi svo að frambjóðendur gætu kynnt sig í hverfunum og ýmislegt fleira. Þetta endaði á rúmlega tuttugu tíma vinnudegi á kjördag þar sem ég sinnti eftirliti með kosningunum ásamt hörkuduglegum Svía að nafni Tomas Kronvall, en hann kom ásamt fríðu föruneyti frá bræðrum okkar í Svíþjóð; alls voru Píratar frá um ellefu þjóðum komnir til að leggja hönd á plóg í sjálfboðavinnu. Kvöldið endaði á heljarinnar húllumhæi á Bryggjan Brugghús sem fór fram án mín og annara eftirlitsmanna, sem fylgdum talningu atkvæða inn í nóttina.

Eftir kosningar lít ég bara frekar björtum augum á lífið, þó nóttin sé vissulega löng. Þingflokkur Pírata hefur rúmlega þrefaldast og framganga hans í stjórnarmyndunarviðræðum hefur gert jarm afturhaldsíhaldsseggja í eigu fjármagnsafla um óstjórntækan eins málefnis flokk enn hjákátlegra en áður. Þó ekki hafi tekist að mynda fimm flokka stjórn í þessari lotu gengur þingflokkurinn keikur frá verkinu. Samstaða náðist á mörgum sviðum og það er margt sem þarf að gera inni á Alþingi þessa dagana, sem senn fara að lengjast. Sama hvort Píratar verða í ríkistjórn eða ekki þá munu þessar pólitísku vetrarsólstöður brátt heyra sögunni til og ég hef trú á að þá muni birta yfir Íslandi. Og kannski heiminum.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Anna Dóra Antonsdóttir
Útskýring – leikrit í einum þætti
Kjarninn 14. maí 2021
Byggingar ratsjárstöðvarinnar á Heiðarfjalli hafa að mestu leyti verið jafnaðar við jörðu. Þó er enn mikið magn spilliefna á svæðinu.
Ríkið ráðist í hreinsun spilliefna við ratsjárstöð Bandaríkjahers á Heiðarfjalli
Á Heiðarfjalli er að finna í jörðu úrgangs- og spilliefni frá þeim tíma sem eftirlitsstöð Bandaríkjahers var í rekstri á fjallinu. Landeigendur hafa um áratuga skeið reynt að leita réttar síns vegna mengunarinnar.
Kjarninn 14. maí 2021
DV hefur ráðið nýjan ritstjóra til starfa.
Björn Þorfinnsson ráðinn ritstjóri DV
Blaðamaðurinn Björn Þorfinnson hefur tekið við starfi ritstjóra DV. Tobba Marinós lét nýverið af störfum sem ritstjóri miðilsins, sem er hættur að koma út á pappír.
Kjarninn 14. maí 2021
Drífa Snædal, forseti ASÍ.
„Af nógu að taka áður en höggvið er í sama knérunn um að laun séu of há“
Forseti ASÍ leggur til nokkrar lausnir áður en ráðamenn og fyrirtækjaeigendur hér á landi fara að gagnrýna slagorð verkalýðshreyfingarinnar „það er nóg til“.
Kjarninn 14. maí 2021
Ráðherrarnir Guðlaugur Þór Þórðarson og Bjarni Benediktsson eru stundum sagðir standa í stafni fyrir þær ólíku fylkingar sem rúmast innan Sjálfstæðisflokks og bítast þar um völd og áhrif.
Sjálfstæðismenn á höfuðborgarsvæðinu komnir í prófkjörsham
Tekist hefur verið á um grundvallaráherslur Sjálfstæðisflokksins á óvenjulega opinberum vettvangi að undanförnu. Fulltrúar ólíkra sjónarmiða innan flokksins keppast nú um að koma þeim að í aðdraganda prófkjöra á höfuðborgarsvæðinu.
Kjarninn 14. maí 2021
Innviðir á leiðinni út
Sýn og Nova hefur nýlega hafið sölu á fjarskiptainnviðum sínum auk þess sem Síminn hefur íhugað að gera slíkt hið sama. Aðskilnaður á innviðum og þjónustu þótti hins vegar ekki ráðlegur þegar einkavæða átti Landssímann fyrir 20 árum síðan.
Kjarninn 14. maí 2021
Auglýsingin sem birt var í Morgunblaðinu í gær var nafnlaus, en hafði yfirbragð þess að hún væri á vegum Lyfjastofnunar. Það var hún ekki.
Morgunblaðið biðst velvirðingar á birtingu auglýsingar þar sem efast er um bólusetningar
Konan sem keypti heilsíðuauglýsingu í Morgunblaðinu þar sem varað var við aukaverkunum vegna bólusetningar gegn COVID-19 segist ekki skammast sín. Lyfjastofnun segir auglýsinguna villandi hræðsluáróður.
Kjarninn 14. maí 2021
Tæknivarpið
Tæknivarpið
Tæknivarpið – Aur lumar á góðri lífslausn
Kjarninn 14. maí 2021
Meira úr sama flokkiAðsendar greinar
None