Umferðin mín og umferðin þín

Í opin­berri umræðu um umferð­ar­mál má skilja sem svo að helstu áhyggjur borg­ar­búa séu umferð­ar­tafir, of litlar götur og of lít­ill umferð­ar­hraði. Í störfum mínum fyrir Umhverf­is- og skipu­lags­ráð borg­ar­innar hitti ég fjölda íbúa vegna þeirra mála sem ráðið snerta. Ég get auð­veld­lega full­yrt að í þeim sam­tölum sem fram fara á íbúa­fundum eru allt önnur sjón­ar­mið uppi en ráða má af umræð­unni í fjöl­miðl­um. Þegar fólk ræðir um sitt nærum­hverfi, hverfið sitt, borg­ar­hlut­ann sinn þá eru það ekki umferð­ar­tafir sem liggja þyngst á íbú­um.

Hraðakstur

Fólk hefur áhyggjur af hraðakstri á göt­unum sem hindrar börn í að njóta til fulls ferða­frelsis án áhyggna for­eldr­anna. Aðgengi að íþróttum og öðrum tóm­stundum þykir víða skert því börn búa „öf­ugu megin við veg­inn“ og treysta sér síður yfir. Sú fram­kvæmd sem oft­ast er stungið upp á er hraða­hindr­un. Það er varla til sú gata í borg­inni þar sem íbúar hafa ekki tekið höndum saman og óskað eftir hraða­hindrun því þeim stendur uggur af hraðakstr­in­um.  Í svip­inn man ég ekki eftir hraða­hindrun sem sett hefur verið niður að frum­kvæði borg­ar­yf­ir­valda.  Að baki hverri þreng­ingu, öldu eða kodda er sam­an­tekin áskorun íbúa um að fara í stríð við hrað­ann í sínu hverfi.

Loft­mengun

Fólk hefur áhyggjur af loft­mengun og ekki að ástæðu­lausu. Bæði eitr­aðar loft­teg­undir og svifryk er mikil heilsu­far­sógn við alla borg­ar­búa. En ekki síst steðjar ógnin að þeim sem búa þar sem umferðin sker hverfið sund­ur, rétt utan við stofu­glugg­ann og þar sem leik­skól­arnir standa mitt á milli umferð­ar­æð­anna. Fólk getur farið í enda­lausar hár­tog­anir um upp­runa svifryks. Við þekkjum af rann­sóknum að hættu­leg­ustu agn­irn­ar, þær smæstu, koma úr vélum dísel­bíla. Bremsu­borðaryk er stór hluti ryks­ins sem og salt, aska, mold og mal­bik. En upp­runinn er samt alltaf bíla­um­ferð­in. Eftir því umferð­ing meiri því meira ryk og eftir sem umferðin er hrað­ari dreif­ist rykið víð­ar.

Auglýsing

Hávaði

Fólk hefur áhyggjur af og kvartar yfir hávaða af bíla­um­ferð­inni. Í hverfum þar sem áður var meiri rósemd áður en umferðin tók vaxt­ar­kipp er helsta áskor­unin sem við í for­svari fyrir umferð­ar­málin fáum að fjár­festa í hljóð­varn­ar­múr­um. Hávað­inn helst í hendur við fjölda bíla en aðal­lega helst hann í hendur við hrað­ann á göt­un­um. Fyrir utan hljóð­vegg­ina sem reistir hafa verið er fjöldi íbúa sem hefur fengið styrk til að bæta ein­angrun í glugg­um. Það er ekki að ástæðu­lausu því heilsu­far fólks og geta til að ein­beita sér að störfum sínum líður fyrir hávað­ann.

Túristar­útur

Fólk kvartar yfir því að túristar­útur þeysi um göt­urnar sínar dag og nótt með til­heyr­andi raski. Eitt algeng­asta umkvört­un­ar­efnið sem við fáum lýtur að þessum mál­um. Íbúum þykir rút­urnar ekki bara skapa hávaða og loft­mengun heldur fari þær illa með borg­ar­um­hverf­ið, stansi á miðjum götum og uppi á gang­stétt­um. Þegar reynt er að skapa rými fyrir rút­urnar heyr­ist oftar en ekki í almenn­ingi að betra væri að banna þær með öllu.

Að koma vanda sínum yfir á aðra

Það er ekki fyrr en við förum að tala um umferð­ina í öðrum hverfum eða á ótil­greindum stað í borg­inni sem er ekki nálægt hús­inu okk­ar, heldur nálægt heim­ilum ann­arra að umræðan fer að snú­ast upp í kvart­anir yfir að umferðin fái ekki nógu mikið pláss. Sem betur fer eru þó íbúa­fundir yfir­leitt um ástandið í því hverfi sem fólk býr í sjálft en ekki hvernig fólk myndi vilja sjá önnur hverfi þró­ast. Okkur sem sitjum í Umhverf­is- og skipu­lags­ráði er upp­álagt að hugsa fyrir almanna­hags­munum en ekki síður sjá til þess að ekki sé gengið á hlut borg­ar­búa í einu hverfi þegar íbúar í öðrum hverfum ásæl­ast lífs­gæðin og vilja breyta þeim í greiða umferð.

Höf­undur er verk­fræð­ingur og full­trúi Sam­fylk­ing­ar­innar í umhverf­is- og skipu­lags­ráði Reykja­vík­ur.

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Frá blaðamannafundinum í gær. Stefan Löfven, forsætisráðherra Svíþjóðar, er þriðji frá vinstri.
Sænska ríkisstjórnin í kröppum dansi
Ráðherrar innan sænsku ríkisstjórnarinnar hafa sætt harðri gagnrýni vegna aðgerðarleysi þrátt fyrir vitneskju um alvarleg brot á persónuverndarlögum.
25. júlí 2017
Chuck Schumer er leiðtogi demókrata á bandaríska þinginu.
Spáir því að flokkurinn snúist gegn Trump
Leiðtogi demókrata segist trúa því að þingmenn repúblikana muni ekki sitja hjá ef Trump náðar sjálfan sig eða fjölskyldu sína.
25. júlí 2017
Morðtíðni hefur aukist mikið í Mexíkó undanfarin misseri vegna innbyrðis átaka glæpagengja. Hér sjást íbúar smábæjar í landinu hylja andlit sín og undirbúa sig undir komu glæpagengis.
Þrjú morð á klukkustund: Eiturlyfjastríðið í Mexíkó verður blóðugra
Fleiri og smærri glæpagengi, aukin eftirspurn eftir ópíum og ríkisstjórabreytingar skýra meðal annars þriðjungs aukningu í fjölda morða í Mexíkó. Oddur Stefánsson fjallar um eiturlyfjastríðið.
24. júlí 2017
Alexis Tsipras, forsætisráðherra Grikklands, til hægri.
Grikkir gefa út skuldabréf að nýju
Grísk stjórnvöld tilkynntu að ríkisskuldabréf þeirra verði gefin út á morgun, í fyrsta skiptið í þrjú ár.
24. júlí 2017
Sérfræðingar eru áhyggjufullir yfir stöðu Bretlands
Bretland sé að verða „veiki maðurinn í Evrópu“
Efnahagshorfur hafa versnað í Bretlandi og Bandaríkjunum um leið og þær hafa batnað á Evrusvæðinu, samkvæmt nýrri skýrslu AGS.
24. júlí 2017
Svona lítur borðspilið út
Borðspil sem reynir á bragðlaukana
Nýtt borðspil úr smiðju Eggerts Ragnarssonar og konu hans Amanda Tyahur hefur litið dagsins ljós, en í því er keppt um þekkingu á mat og matarmenningu.
24. júlí 2017
Jared Kushner er einn helsti ráðgjafi Donalds Trump, forseta Bandaríkjanna. Kushner er giftur Ivönku Trump.
Segist ekki hafa verið í leynimakki með neinum
Tengdasonur og helsti ráðgjafi forseta Bandaríkjanna kemur fyrir þingnefnd bandaríska þingsins í dag.
24. júlí 2017
Björgvin Ingi Ólafsson
Er vit í að Ísland losni alveg við seðla og klink?
24. júlí 2017
Meira úr sama flokkiAðsendar greinar
None