Opnum dyrnar meira

Smári McCarthy segir það bjánaskap að hafna því fólki sem vill koma til Íslands. Það er hatramt og sturlað og beinlínis gegn hagsmunum Íslendinga.

Auglýsing

Um 24,5% Grikkja eru atvinnu­laus­ir. Um 21,4% Spán­verja. Í Kýpur er tæp­lega 16% atvinnu­leysi, 13% í Króa­tíu, 12% í Portú­gal, 10% í Aust­ur­ríki, 8% í Finn­landi. Allir borg­arar þess­arra ríkja hafa rétt á því að flytja til Íslands og starfa hér. Þó eru ekki tugir þús­unda Grikkja, Spán­verja, Kýp­ur­búa, Króata, Portú­ga­la, Aust­ur­rík­is­manna og Finna að flæða inn á vinnu­mark­að­inn hérna. Það koma ein­hverjir til Íslands frá ein­hverjum löndum í leit að nýju lífi til lengri eða skemmri tíma, en yfir­gnæf­andi meiri­hluti þeirra 500 milljón manna sem mega koma til Íslands og starfa hér án þess að upp­fylla sér­stök skil­yrði gera það ekki.

Þrátt fyrir þessi sann­indi er til­hneig­ingin á Íslandi að líta svo á að allir sem komi hingað séu sjálf­krafa byrði á kerf­inu; að þetta séu vamm­lausir aum­ingjar sem þurfi ölm­usu sem við erum ekki endi­lega til­búin til að veita. Atvinnu­leysi á Íslandi var 1% í júlí 2017, og lík­lega mun lægra í reynd þar sem kerfið okkar neyðir marga öryrkja til að skrá sig á atvinnu­leys­is­skrá í veikri von um minni­háttar hluta­starf, sem aldrei fæst, til að drýgja tekjur sín­ar.

Ergj­andi þenslan

Við þurfum fleira fólk. Það eru jú ein­hverjir atvinnu­lausir á Íslandi, að ein­hverju leyti vegna þess að störf sem eru í boði eru ekki við hæfi og að ein­hverju leyti vegna þess að störfin eru ekki á sama stað og fólk­ið, eða eru ekki aðlað­andi, eða eitt­hvað, en atvinnu­leysi á Íslandi er með því lægra sem þekk­ist. Slíkt skapar spennu.

Þegar stjórn­mála­menn og hag­fræð­ingar tala um að þensla sé svo og svo mikil þá meina þeir að hag­kerfið sé að þenj­ast út, sem er að ein­hverju leyti vegna fram­leiðslu­spennu. Fram­leiðslu­spenna orsakast af því að það er ekki hægt að gera jafn mikið og þörf er á. Oft vegna skorts á tækj­um, oft vegna skorts á fólki. Allir sem hafa reynt að ráða ein­hvern í vinnu und­an­farin ár vita hversu ergj­andi fram­leiðslu­spenna er.

Annar þáttur í þenslu er hús­næð­is­skort­ur. Hag­kerfið er ekki bara að þenj­ast út af því að það er svo mikið að gera, heldur vegna þess að það er ekki nóg af ein­hverju og þá hækkar það í verði, sem eykur magn pen­inga sem þvæl­ast fram og til baka. Hæg­lega gengur að leysa hús­næð­is­skort­inn, að hluta til vegna þess að fram­leiðslu­spennan er svo mik­il: það fæst ekki nógu mikið af fólki til að byggja ný hús. Allir sem hafa reynt að ráða iðn­að­ar­mann upp á síðkastið vita hversu ergj­andi þensla er.

Auglýsing

Einn og einn og einn

Stað­reynd­irnar tala sínu máli: flóð­gátt­irnar eru opn­ar. Það gætu 500 milljón manns flutt hing­að, lög­lega, á morg­un. En það ger­ist ekki. Í stað­inn birt­ist einn og einn frá Pól­landi, Lit­háen og öðrum Evr­ópu­lönd­um. Svo koma nokkrir frá öðrum lönd­um. Í ein­hverjum til­fellum kemur það frá löndum þar sem er mikil neyð: Sýr­landi, Írak, Suður Súdan og víð­ar. Í ein­hverjum til­fellum kemur fólkið frá löndum þar sem það er í lífs­hættu af ein­hverjum ástæð­um: Níger­íu, Alban­íu, Afganistan og víð­ar. Í ein­hverjum til­fellum er það frá löndum þar sem ekk­ert gríð­ar­lega aðkallandi er að, en því langar til að vera ann­ars staðar vegna þess að ill­menni ræður ríkjum í heima­land­inu, eða því langar bara að ferð­ast og sjá heim­inn: Banda­rík­in, Ind­land, Indónesía.

Það sem er líkt með þessu fólki öllu og fólk­inu frá Evr­ópu er að það eru ekki tug­þús­undir manna að flæða inn, heldur einn og einn. Mun­ur­inn er sá að við leyfum það ekki.

Fyrir vikið er tveggja ára stelpa á Íslandi, sem hefur hvergi rík­is­fang og getur því ekki ferð­ast með for­eldrum sín­um. Fyrir vikið er hér hámennt­aður maður frá Banda­ríkj­unum sem hefur búið hér í mörg ár, en þarf stöðugt að standa í end­ur­nýjun á land­vist­ar­leyfi. Fyrir vikið er búið að varpa heilli fjöl­skyldu úr landi, sem upp­lifir martraðir dag­lega á flótta en vildi bara fá að vera dug­leg á Íslandi. Fyrir vikið eru tvær ell­efu ára stelpur sem verða bráðum reknar á flótta fyrir engar sakir aðrar en að hafa ekki náð að brjót­ast í gegnum hjarta­lausa inn­flytj­enda­stefnu Íslands.

Regl­urnar okkar eru ekki bara ómann­úð­leg­ar, þær eru líka efna­hags­lega fárán­leg­ar. Þær ganga gegn allri skyn­semi.

Ef Ísland væri skyn­samt ríki, þá myndum við auð­velda fólki að koma hingað sem gæti verið gagn­legt. Við gætum til dæmis tekið upp þá reglu að bjóða fólki með hald­bæra menntun eða starfs­reynslu ótíma­bundið land­vist­ar­leyfi; það er hrein­lega aug­ljóst að það er gagn­legt fólk, sem kann hluti. Einnig gætum við farið að taka mark á fólki sem sýnir fram á þekk­ingu og færni. Það er baga­legt hvers konar hæfi­leikum við erum að sóa vegna þess að við neitum að sam­þykkja góða menntun frá fjar­lægum lönd­um.

Ýmis­legt gætum við gert og orðið betri fyrir vik­ið.

Bjána­skapur og sturlun

Á dög­unum lak skýrsla innan úr breska stjórn­kerf­inu, þar sem skegg­rætt var á 83 blað­síðum hvernig skyldi búa um inn­flytj­end­ur, jafn­vel frá Evr­ópu, eftir að Brexit ætti sér stað. Hug­myndin virð­ist fyrst og fremst vera sú að fæla alla burt sem ekki eru aldir upp á tei og skons­um. Efna­hags­lega er þessi hug­mynda­fræði stór­kost­lega heimsku­leg.

Fullt af bráð­snjöllu og vel mennt­uðu fólki er á flótta í dag, af ýmsum ástæð­um, og fullt af bráð­efni­legu fólki er að leita að nýju heim­ili. Sumir flýja raun­veru­lega ánauð, aðrir flýja for­heimskaða ein­angr­un­ar­stefnu og enn aðrir eru bara að flýja leið­indi og hvers­dags­leik­ann. En allt þetta fólk á það sam­eig­in­legt að vilja gott líf. Allt þetta fólk á það sam­eig­in­legt að skilja mik­il­vægi dugn­að­ar. Allt þetta fólk vill hjálpa sam­fé­lag­inu okk­ar.

Hvers konar bjána­skapur er það að hafna þeim? Alveg burt­séð frá því hversu hat­ramt það er og sturl­að, þá er það líka bein­línis gegn okkar eigin hags­mun­um. Dyrnar eru opnar upp á gátt í dag, en fáir koma í gegn. Við þurfum ögn fleiri, og það eru fleiri sem vilja koma. Verum vit­ur. Opnum þær ögn meir.

Höf­undur er þing­maður Pírata.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ekki yfirgefa kettina ykkar ef þeir veikjast, segir höfundur rannsóknarinnar. Hugsið enn betur um þá í veikindunum en gætið að sóttvörnum.
Staðfest: Köttur smitaði manneskju af COVID-19
Teymi vísindamanna segist hafa staðfest fyrsta smit af COVID-19 frá heimilisketti í manneskju. Þeir eru undrandi á að það hafi tekið svo langan tíma frá upphafi faraldursins til sanna að slíkt smit geti átt sér stað.
Kjarninn 29. júní 2022
Cassidy Hutchinson fyrir framan þingnefndina í gær.
Það sem Trump vissi
Forseti Bandaríkjanna reyndi með valdi að ná stjórn á bíl, vildi að vopnuðum lýð yrði hleypt inn á samkomu við Hvíta húsið og sagði varaforseta sinn eiga skilið að hrópað væri „hengið hann!“ Þáttur Donalds Trump í árásinni í Washington er að skýrast.
Kjarninn 29. júní 2022
Óskar Guðmundsson
Hugmynd að nýju launakerfi öryrkja
Kjarninn 29. júní 2022
Þau Auður Arnardóttir og Þröstu Olaf Sigurjónsson hafa rannsakað hvaða áhrif kynjakvóti í stjörnum hefur haft á starfsemi innan þeirra.
Kynjakvóti leitt til betri stjórnarhátta og bætt ákvarðanatöku
Rannsókn á áhrifum kynjakvóta í stjórnum fyrirtækja bendir til að umfjöllunarefnin við stjórnarborðið séu fjölbreyttari en áður. Stjórnarformenn eru almennt jákvæðari í garð kynjakvóta en almennir stjórnarmenn.
Kjarninn 29. júní 2022
KR-svæði framtíðarinnar?
Nágrannar töldu sumir þörf á 400 bílastæðum í kjallara undir nýjum KR-velli
Íþróttasvæði KR í Vesturbænum mun taka stórtækum breytingum samkvæmt nýsamþykktu deiliskipulagi, sem gerir ráð fyrir byggingu hundrað íbúða við nýjan knattspyrnuvöll félagsins. Nágrannar hafa sumir miklar áhyggjur af bílastæðamálum.
Kjarninn 29. júní 2022
Landsvirkjun áformar að stækka þrjár virkjanir á Þjórsár-Tungnaársvæðinu: Sigölduvirkjun, Vatnsfellsvirkjun og Hrauneyjafossvirkjun.
Landsvirkjun afhendir ekki arðsemismat
Landsvirkjun segir að þrátt fyrir að áformaðar stækkanir virkjana á Þjórsársvæði muni ekki skila meiri orku séu framkvæmdirnar arðbærar. Fyrirtækið vill hins vegar ekki afhenda Kjarnanum arðsemisútreikningana.
Kjarninn 29. júní 2022
Húsnæðiskostnaður er stærsti áhrifaþátturinn í hækkun verðbólgunnar á milli mánaða, en án húsnæðisliðsins mælist verðbólga nú 6,5 prósent.
Verðbólgan mælist 8,8 prósent í júní
Fara þarf aftur til októbermánaðar árið 2009 til þess að finna meiri verðbólgu en nú mælist á Íslandi. Hækkandi húsnæðiskostnaður og bensín- og olíuverð eru helstu áhrifaþættir hækkunar frá fyrri mánuði, er verðbólgan mældist 7,6 prósent.
Kjarninn 29. júní 2022
Raddir margbreytileikans
Raddir margbreytileikans
Raddir margbreytileikans – 26. þáttur: Stjórnvaldstækni ríkisvaldsins og „vofa“ móðurinnar móta karlmennskuvitund ungra flóttamanna
Kjarninn 29. júní 2022
Meira úr sama flokkiAðsendar greinar