Kjarninn í íslenskunni

Nichole Leigh Mosty segist vera eilíflega þakklát fyrir að geta sagst vera íslenskur ríkisborgari sem talar íslensku. Ísland sé land alvöru tækifæra þar sem fyrsta kynslóð innflytjenda getur menntað sig, unnið sig upp í fagstétt og ratað inn á Alþingi.

Auglýsing

Tungu­málið er okkar mik­il­væg­asta tæki til boð­skipta. Það tengir okkur saman og eflir sam­kennd milli manna. Tungu­málið er án efa einn mik­il­væg­asti þátt­ur­inn í að varð­veita menn­ingu þjóða og þjóð­ar­brota. Íslenskan “okk­ar” tengir saman for­tíð, nútíð og jafn­vel mótar fram­tíð­ina. Þess vegna er mik­il­vægt að hlúa að íslenskri tungu og tryggja að allir sem hér dvelja hafa jafnan aðgang að íslenskunni, óháð upp­runa.

Haustið 2016 í miðri ­kosn­inga­bar­átt­u til Alþingis var ég beðin um að hlaupa í skarðið á pall­borðs­fundi með Sam­tökum ferða­þjón­ust­unn­ar. Ég fékk um það bil klukku­tíma til að und­ir­búa mig. Þegar ég kom í hús voru Katrín Jak­obs­dótt­ir, Guð­laugur Þór Þórð­ar­son, Birgitta Jóns­dótt­ir, Öss­ur Skarp­héð­ins­son og Þor­steinn Víglunds­son þegar kom­in. Fólk sem ég hafði fram að þessu bara séð í sjón­varp­inu. Ég við­ur­kenni að þessi staða var stressandi fyrir mig en ég var vel nestuð og brjóst­kass­inn fullur af hug­rekki. Ég óð því í verk­ið, lifði fund­inn af og var reynsl­unni rík­ari. Tveimur dögum seinna var ég að kíkja á Face­book og fann þar mynd­band frá fund­in­um, sem vinur minn, sem einnig er af erlendum upp­runa hafði sett inn, undir yfir­skrift­inni „Go Nichole“. 

Það var í sjálfu sér mjög skemmti­legt en það sem sló mig var að íslensk eig­in­kona hans stóð fyrir aftan hann og hló að mér og sagði á ensku að allt sem ég segði væri rangt og það væri pín­legt. Þar átti hún ekki við inni­hald­ið, heldur íslensk­una sjálfa. Hags­muna­að­ilar  sem sátu í salnum og náði inni­hald­inu í því sem ég sagði á fund­in­um, baul­uðu reyndar á mig fyrir mínar skoð­anir um að ekki væri lengur ástæða til að halda úti skattaí­viln­unum til grein­ar­innar því rík­is­sjóður þyrfti tekjur til að ráð­ast í öfl­uga inn­viða­upp­bygg­ingu og mæta kröfum um vel menntað starfs­fólk í ferða­þjón­ust­una. Reyndar benti Fjár­mála­ráð á það sama í umsögn sinni við fjár­laga­frum­varpið sem nýlega var sam­þykkt á Alþingi og ég stend við þá skoðun mína, óháð því hvað hags­muna­að­ilum finnst og þrátt fyrir að ég komi ekki öllu frá mér á lýta­lausri íslensku. Enn þá. 

Auglýsing

Ástæðan fyrir því að ég rifja upp þessa litlu sögu er að ég vil hvetja fólk til þess að skoða sög­una í sam­hengi. Sam­hengi sem er ólitað af póli­tík, heldur frekar sam­fé­lags­þró­un, stöðu inn­flytj­enda og fram­tíð íslenskrar tungu. Við ættum ekki að hlæja að vel mennt­uðum inn­flytj­endum sem þora að koma fram opin­ber­lega með þjóð­þekktum Íslend­ingum og tala á þeirra tungu­máli um mik­il­væg og flókin mál­efni. Alla vega ekki þegar þeir setja skoð­anir sínar fram óbrenglaðar og rök­studd­ar, jafn­vel þó íslenskan sé ekki full­kom­in. Og inn­flytj­endur sem glíma við íslensku­nám munu lík­lega ekki flýta sér að ræða málin upp­hátt og opin­ber­lega þegar þeirra nán­ustu gera lítið úr íslensku­kunn­áttu þeirra og hæð­ast að vinum þeirra fyrir bjag­aða fram­setn­ingu á þessu fal­lega máli.

Við sem flytjum hingað erum gjarnan spurð hvaðan við komum og hversu lengi við höfum dvalið hér. Við­brögðin eru ýmist mats­kennt sam­þykki eða við skömm­uð. Ýmist er okkur sagt að við tölum fína íslensku og það væri gott ef fleiri væru jafn dug­legir að læra málið eða að fólk skilji ekki hvernig fólk geti búið hér á landi án þess að læra íslensku. Ég hef orðið vitni að því að inn­flytj­end­um, sem búið hafa á Íslandi í átta ár eða lengur var neitað um túlka­þjón­ustu. 

Það sem slær mig út af lag­inu aftur og aftur eru spurn­ing­arnar um það hversu vel inn­flytj­endur eiga að geta talað íslensku, hve mörg tæki­færi þeir hafa til þess lær­dóms og hvert aðgengið að þjálfun í notkun tungu­máls­ins er. Sam­kennd með inn­flytj­endum ætti ekki að fel­ast í því að tala við okkur á ensku. Sum okkar tala ekki einu sinni ensku. Gefið okkur frekar svig­rúm, leyfið okkur að tala hægar og gera mis­tök. Við munum læra á end­an­um. Leið­réttið okkur þegar þess þarf því þannig varð­veitum við íslenska tungu og það er líka liður í því að vald­efla okkur sem mann­eskj­ur. Ég hef margoft þurft að biðja fólk að tala við mig á íslensku, jafn­vel eftir að ég var komin á Alþingi.  Það er engin þörf á að kynna og tala við 4. vara­for­seta þings­ins á ensku.

En aftur að tæki­færum sem inn­flytj­endum bjóðast, eða bjóð­ast ekki, í sam­fé­lag­inu til að efla íslensku­kunn­áttu sína. Hversu margir vinnu­staðir ætli bjóði inn­flytj­endum upp á ís­lensku­kennslu ­sem nýt­ist þeim í vinn­unni og sam­fé­lag­inu öllu? Hversu margir vinnu­staðir ætli gefi starfs­mönnum sínum tæki­færi til að mæta á íslensku­nám­skeið án þess að skerða laun þeirra. Eða greiði nám­skeiðs­gjaldið sem nemur 43.900 kr. á önn. 

Þegar ég var leik­skóla­stjóri lagði ég  mikla áherslu á að brúa bilið milli íslensk­unnar og móð­ur­máls nem­end­anna, heim­il­anna og skól­ans og á milli inn­flytj­end­anna og sam­fé­lags­ins sem ég þjón­aði. Í lýð­ræð­is­sam­fé­lagi þurfa allir að njóta tæki­færa til virkar þátt­töku. Tungu­málið er brú sem við veljum oft­ast að nota til að auka virkni fólks. Fólk skortir almennt ekki vilja til að læra íslensku. Hindr­an­irnar eru dýr nám­skeið á óraun­hæfum tíma þar sem fólk fær almennt ekki leyfi frá störfum til að sinna nám­inu. Á kvöldin þarf að sinna börn­unum og heim­il­inu. Nú ætla ég ekki að ætla inn­fæddum það að vilja ekki að inn­flytj­endur læri tungu­málið af ótta við að „betri“ störf séu frá þeim tekin en stað­reyndin er að hér á landi er mýgrútur af vel mennt­uðu fólki sem hefur ekki tæki­færi til að nýta menntun sína á vinnu­mark­aði þar sem íslensku­kunn­átta stendur því fyrir þrif­um. Og þar stendur alla jafna ekki upp á inn­flytj­end­urna. Þeim eru hins vegar ekki gefin mörg tæki­færi.

Hver inn­flytj­andi sem nær tökum á tungu­mál­inu og nær að fóta sig í íslensku sam­fé­lagi er sigur fyrir landið og íslenska tungu. Sam­kvæmt nýj­ustu tölum Hag­stof­unnar eru 13% mann­fjöld­ans af erlendum upp­runa. Það telur um 40.000 manns. Það er býsna stórt hlut­fall í litlu landi. Sigur Íslend­inga mun fel­ast í því að deila tungu sinni og menn­ingu með okkur sem hingað flytjum til að leggja okkar af mörkum til sam­fé­lags­ins. Sjálf verð ég eilíf­lega þakk­lát fyrir að geta sagst vera íslenskur rík­is­borg­ari sem talar íslensku því Ísland er land alvöru tæki­færa. Þar getur fyrsta kyn­slóð inn­flytj­enda menntað sig, unnið sig upp í fag­stétt og jafn­vel ratað alla leið inn á Alþingi Íslend­inga innan 16 ára. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Jeff Bezos forstjóri Amazon
Metfjórðungur hjá Amazon
Tekjur Amazon á síðustu þremur mánuðum voru rúmlega fjórum sinnum meiri en landsframleiðsla Íslands í fyrra.
Kjarninn 30. október 2020
Guðni Bergsson er formaður KSÍ.
Íslandsmótið í knattspyrnu flautað af – efstu liðin krýnd Íslandsmeistarar
Valur er Íslandsmeistari í knattspyrnu karla og Breiðablik Íslandsmeistari kvenna.
Kjarninn 30. október 2020
Þríeykið og aðrir sérfróðir viðbragðsaðilar njóta yfirburðatrausts hjá Íslendingum – en á bilinu 94-96 prósenst segjast treysta því að fá áreiðanlegar upplýsingar um veirufjárann þaðan.
Íslendingar treysta sérfróðum yfirvöldum og fjölmiðlum vel í tengslum við COVID-19
Vinnuhópur þjóðaröryggisráðs um upplýsingaóreiðu í tengslum við COVID-19 hefur skilað af sér skýrslu. Þar kemur m.a. fram að traust til þríeykisins og annarra sérfróðra yfirvalda er afgerandi og traust til innlendra fjölmiðla sömuleiðis mjög mikið.
Kjarninn 30. október 2020
Katrín Jakobsdóttir forsætisráðherra kynnti hertar aðgerðir vegna útbreiðslu kórónuveirufaraldursins á blaðamannafundi fyrr í dag. Efnahagsaðgerðirnar eru afleiðing af þeirri stöðu.
Tekjufallsstyrkir útvíkkaðir, viðspyrnustyrkir kynntir og rætt um áframhald hlutabótaleiðar
Ríkisstjórn Íslands boðar enn einn efnahagspakkann. Sá nýjasti er sniðinn að mestu að þeim minni fyrirtækjum og einyrkjum sem þurfa að loka vegna kórónuveirufaraldursins.
Kjarninn 30. október 2020
Höfuðstöðvar Arion banka í Borgartúni
Segir umfram eigið fé ekki hafa tengingu við úrræði stjórnvalda
Bankastjóri Arion banka segir viðskiptavini sína hafið notið góðs af minni álagningum stjórnvalda á bankakerfið og litla tengingu vera á milli þess og umfram eigin fé bankans.
Kjarninn 30. október 2020
Frá aðalmeðferð málanna í Héraðsdómi Reykjavíkur í haust.
Seðlabankinn sýknaður af kröfum Samherja en þarf að borga Þorsteini Má persónulega
Héraðsdómur Reykjavíkur kvað í dag upp dóm í skaðabótamálum Samherja og Þorsteins Más Baldvinssonar forstjóra fyrirtækisins á hendur bankanum. Seðlabankinn var sýknaður af kröfu fyrirtækisins, en þarf að borga forstjóranum skaðabætur.
Kjarninn 30. október 2020
Þórólfur Guðnason sóttvarnalæknir.
Þetta eru áhyggjur Þórólfs
Þórólfur Guðnason sóttvarnalæknir tínir til margvísleg áhyggjuefni sín í minnisblaðinu sem liggur til grundvallar hertum samkomutakmörkunum sem eru þær ströngustu í faraldrinum hingað til.
Kjarninn 30. október 2020
Frá blaðamannafundi ríkisstjórnarinnar í dag.
Tíu manna fjöldatakmarkanir næstu vikur
Hertar sóttvarnaráðstafanir taka gildi strax á miðnætti og eiga að gilda til 17. nóvember. Einungis 10 mega koma saman, nema í útförum, matvöruverslunum, apótekum og almenningssamgöngum. Skólar verða áfram opnir.
Kjarninn 30. október 2020
Meira úr sama flokkiÁlit