Þegar ég krassaði

Auður Jónsdóttir rithöfundur deilir með lesendum sínum reynslu síðustu daga og fjallar um það þegar nútímamanneskjan missir tökin og verður algjörlega ófær um nokkurn hlut.

Auglýsing

Fyrir nokkrum dögum krass­aði ég. Og það kom mér í opna skjöldu. Ég fann fyrir stig­vax­andi kvíða og á ein­hverjum tíma­punkti heltók hann mig með þeim afleið­ingum að ég fraus úr hræðslu og brast síðan í óstöðv­andi grát í sunnu­dags­boði hjá pabba mínum og um stund virt­ist allt óyf­ir­stíg­an­legt. Nokkrum dögum seinna hitti ég lækni sem vildi meina að ástand mitt mætti rekja til álags.

Nú er það alls ekki svo að mér finn­ist dags dag­lega að lífið sé erfitt. Þvert á móti er oft­ast mikið fjör; ég lifi góðu lífi, get gert flest sem mig langar og er umvafin frá­bæru fólki. En ég er ein af þessum nútíma­mann­eskj­um. Öllum stundum með nokkur sam­töl í gangi á Face­book, stans­laus erindi í tölvu­póst­in­um, sjálf­stæð móð­ir, fríl­ans­ari með reglu­lega skila­fresti, stundum fleiri en einn á sama tíma. Og með fólk á launum við að reka líf mitt; end­ur­skoð­anda, lög­fræð­ing og sál­fræð­ing.

Flestir hafa krassað

Síðan þetta gerð­ist hef ég reynt að hægja á sam­skiptum í raf­rænum heimum og fara frekar í sund en svara tölvu­póstum stans­laust. Kvíð­inn vætlar út úr kerf­inu, smám sam­an, en ég finn að í fyrsta skipti á ævinni þarf ég að fara gæti­lega til að verj­ast hon­um. Og kannski að gæti­lega sé ekki rétta orð­ið, kannski frekar að ég reyni að finna ein­hvers konar eðli­leika. Andrána eins og hún var einu sinni. Þegar ég var ekki orðin þessi algjöra nútíma­mann­eskja.

Auglýsing

Það merki­lega er að nán­ast flestir sem ég hef sagt frá þessu hafa upp­lifað eitt­hvað svipað eða eru að verj­ast kvíða, kulnun eða ofþreytu. Fyrr í vetur upp­lifði ég ofþreytu, fannst ég í nokkra daga ekki hafa orku­dreitil aflögu til að koma minnstu athöfnum í verk og þá hváði kunn­ingja­kona mín, nán­ast hneyksl­uð: Ertu virki­lega að upp­lifa þetta í fyrsta skipti!

Sannar klisjur

Við lifum á flóknum líf­um, mörg hver. Fólk er í flóknu fjöl­skyldumunstri, skiptir um maka og blandar saman börn­um, vinnur flókin verk­efni á degi hverj­um, venur sig á að vera undir stöð­ugu áreiti, ræður mann­eskjur í vinnu til að skilja eigin skatt­fram­töl, lifir með hinum ýmsu nútíma­sjúk­dómum og reynir að halda haus í lífs­gæða­kapp­hlaupi. Og ekk­ert við því að segja, svona er nútím­inn.

Þetta eru auð­vitað allt klisjur – en klisjur eru klisjur af því þær eru sannar og meira að segja sú setn­ing er orðin klisja.

Nú gæti ein­hver sagt að málið væri að breyta um lífstakt. Það er hæg­ara sagt en gert ef maður ætlar að þríf­ast í sam­fé­lagi nútím­ans. Eina sem maður getur gert er að draga úr notkun á sam­fé­lags­miðl­um, mæta í jóga­tíma, reyna að fók­usera á einn dag í einu og lifa sem heil­brigð­ustu lífi. En gang­verk hins dag­lega lífs heldur samt sem áður áfram að vera flók­ið.

Margir sem ég þekki reyna að til­einka sér núvit­und en meira að segja það er flókið í með­förum þegar augna­blikið krefst þess að maður leysi verk­efnin sín, van­ræki ekki barnið sitt, muni að reka öll erindin sem mega ekki bíða, drífi áfram rútínu heim­il­is­ins og sinni sínum nán­ustu.

Fall­valt heil­brigði

Nútíma­líf er sturluð upp­finn­ing. Skemmti­legt og upp­fullt af tæki­færum, nýj­ungum og ævin­týrum en þannig háttað að nauð­syn­legt er að standa með­vit­aðan vörð um heil­brigði sitt. Eina ráðið til þess er að setja vit­und­ina um fall­valt heil­brigði í fyrsta sæti.

En það þýðir líka að maður þarf að gefa ákveð­inn afslátt á skyldum og kurt­eisi. Stundum er nauð­syn­legt að segja við vin­gjarn­legu mann­eskj­una við hlið manns í heita pott­inum að maður hafi bara tutt­ugu mín­útur til að kjarna sig og geti ekki haldið uppi sam­ræð­um. Fá gálga­frest og segj­ast svara erind­inu í tölvu­póst­inum í betra næði. Semja við lána­drottna frekar en að vera eins og undin tuska í smá­verk­efn­um. Afboða sig í afmæl­is­veislu af því að maður þarf að ná stund með sjálfum sér. Blæða í sál­fræð­ing frekar en kvöld­stund á barn­um. Stela ein­staka brotum úr degi þar sem maður horfir út um glugg­ann og hlustar á tón­list.

Þetta flókna en stór­kost­lega nútíma­líf

En við vitum þetta öll. Ég hef lengi vitað allt þetta sem ég er nú búin að tyggja ofan í ykk­ur. Veit mik­il­vægi þess, búin að heyra það í ótelj­andi skipti. Samt virð­ist mér vera lífs­ins ómögu­legt að lifa eftir því nema nokkra daga í einu.

Kannski er það ástæðan fyrir því að ég skrifa þetta í pistil. Til að minna mig á alvöru þess. Því ef ég reyni að minnsta kosti ekki að taka þessar klisjur alvar­lega er hætt við að ég endi sjálf sem klisja. Nútíma­mann­eskja sem missti tökin og hrökk upp einn dag­inn ófær um nokkurn hlut, af því að hún ætl­aði fram að því að gera allt í einu.

Og ég skamm­ast mín ekki fyrir að segja það því ég veit nú, eftir að hafa deilt reynslu minni með vinum og kunn­ingjum síð­ustu daga, að ég er svo langt frá því ein um að vera á þessum stað.

Svo margir í kringum mig eiga það sam­eig­in­legt að lifa skemmti­legu lífi en vera samt að kikna. Af því að það er að svo mörgu að huga að hugur og til­finn­ingar hafa ekki við flóknu lífs­munstr­inu.

Bara mikil notkun á sam­fé­lags­miðlum ein og sér getur haft svo mikil áhrif á dag­legt líf að við skiljum kannski ekki einu sinni sjálf hvað við erum að útsetja okkur fyr­ir. Eða þá skatta- og líf­eyr­is­sjóðs­kerfið í lífi þeirra sem vinna sjálf­stætt. Allar litlu skyld­urnar sem mann­sæm­andi félags­líf nútíma­barns krefst. Óör­yggið á leigu­mark­aðnum fyrir þá sem búa við hann.

Svona má enda­laust upp telja til marks um flækju­stigið við þetta bless­aða nútíma­líf. Sem er svo stór­kost­lega skemmti­legt, þrátt fyrir allt og allt, að maður prísar sig sælan að lifa akkúrat núna.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Á Fossvogsbletti 2 stendur einbýlishús og geymsluhúsnæði.
Borgin steig inn í 140 milljóna fasteignakaup í Fossvogsdal
Borgarráð Reykjavíkurborgar samþykkti á dögunum að nýta forkaupsrétt sinn að fasteignum á Fossvogsbletti 2. Fjárfestingafélag ætlaði að kaupa eignina á 140 milljónir og gengur borgin inn í þau viðskipti.
Kjarninn 27. júní 2022
Sífellt fleiri notendur kjósa að nálgast sjónvarpsþjónustu í gegnum aðrar leiðir en með leigu á myndlykli.
Enn dregst leiga á myndlyklum saman en tekjur vegna sjónvarps halda áfram að aukast
Tekjur fjarskiptafyrirtækja vegna sjónvarpsþjónustu hafa rokið upp á síðustu árum. Þær voru 3,8 milljarðar króna á árinu 2017 en 14,9 milljarðar króna í fyrra. Þorri nýrra tekna í fyrra var vegna sjónvarpsþjónustu.
Kjarninn 27. júní 2022
Hagstofan býst við að hagvöxtur verði enn kröftugri en spáð var í lok vetrar
Hagstofan býst við því að hagvöxtur verði 5,1 prósent á árinu og 2,9 prósent á næsta ári, samkvæmt nýrri þjóðhagsspá. Búist er við því að um 1,6 milljónir ferðamanna sæki landið heim í ár, en fyrri spá gerði ráð fyrir 1,4 milljónum ferðamanna.
Kjarninn 27. júní 2022
Þórdís Kolbrún Reykfjörð Gylfadóttir er utanríkisráðherra.
Telja að upplýsingar um fjölda sérstakra vegabréfa geti skaðað tengsl við önnur ríki
Utanríkisráðuneytið vill ekki segja hversu mörg sérstök vegabréf það hefur gefið út til útlendinga á grundvelli nýlegrar reglugerðar. Það telur ekki hægt að útiloka neikvæð viðbrögð ótilgreindra erlendra stjórnvalda ef þau frétta af vegabréfaútgáfunni.
Kjarninn 27. júní 2022
Bjarni Benediktsson, fjármála- og efnahagsráðherra og formaður Sjálfstæðisflokksins.
Fjármálaráðuneytið segist ekki hafa yfirlit yfir fjársópseignirnar sem seldar voru leynilega
Fjármála- og efnahagsráðuneytið segist ekki hafa komið að ákvörðunum um ráðstöfun eigna sem féllu íslenska ríkinu í skaut vegna stöðugleikasamninga við kröfuhafa föllnu bankanna.
Kjarninn 27. júní 2022
Frá brautarpalli við aðallestarstöðina í þýsku borginni Speyer. Ef til vill hafa einhverjir þessara farþega nýtt sér níu evru miðann.
Aðgangur að almenningssamgöngum í heilan mánuð fyrir níu evrur
Níu evru miðinn gildir í allar svæðisbundnar samgöngur í Þýskalandi til loka ágústmánaðar. Þetta samgönguátak er hluti af aðgerðapakka stjórnvalda vegna vaxandi verðbólgu og hækkandi orkuverðs en er einnig ætlað að stuðla að umhverfisvænni ferðavenjum.
Kjarninn 26. júní 2022
Steingrímur J. Sigfússon hætti á þingi í fyrrahaust. Síðan þá hefur hann verið skipaður til að leiða tvo hópa á vegum ríkisstjórnarinnar.
Steingrímur J., Óli Björn og Eygló skipuð í stýrihóp til að endurskoða örorkukerfið
Fyrrverandi formaður Vinstri grænna, þingmaður Sjálfstæðisflokks, fyrrverandi félagsmálaráðherra og aðstoðarmaður ríkisstjórnarinnar mynda stýrihóp sem á að endurskoða örorkulífeyriskerfið. Hópurinn á að skila af sér eftir tvö ár. Ingu Sæland er óglatt.
Kjarninn 26. júní 2022
Örn Bárður Jónsson
Veðurfræðingar án framtíðar!
Kjarninn 26. júní 2022
Meira úr sama flokkiÁlit