Reykjavík ynni samkeppnina – ef um væri að ræða keppni

Frambjóðandi Kvennahreyfingarinnar segir að Reykvíkingar geti verið stoltir af því að vera með bestu félagsþjónustuna á höfuðborgarsvæðinu, þó vissulega þurfi að gefa enn betur í.

Auglýsing

Í þess­ari kosn­inga­bar­áttu hefur hug­takið sam­keppn­is­hæfni skotið oftar en einu sinni upp koll­inum í sam­heng­inu að Reykja­vík eigi að vera sam­keppn­is­hæf, stundum við önnur sveit­ar­fé­lög, stundum við aðrar borgir heims­ins. Þetta er orð­tak úr við­skipta­líf­inu og skapar því þannig hug­renn­inga­tengsl, ekki síst frá góð­ær­inu mikla þegar ofur­laun voru einatt rétt­læt með því að laun þyrftu að vera sam­keppn­is­hæf því það væri svo mikil eft­ir­spurn eftir banka­stjór­unum okkar og öðrum við­skipta­mó­gúl­u­m. 

Þessa áherslu á sam­keppn­is­hæfni borg­ar­innar má sjá t.d. í lækkun fast­eigna­skatts, en þar eru sveit­ar­fé­lögin á höf­uð­borg­ar­svæð­inu búin að vera í keppni um það hver gæti lækkað mest. Þannig lækk­aði Reykja­vík­ fast­eigna­skatts­hlut­fall­ið úr 0,2 % í 0,18% af fast­eigna­mati nú um ára­mót og Sel­tjarn­ar­nes úr 0,235% í 0,175%. Fast­eigna­skatt­ur­inn og útsvarið eru helstu tekju­lindir sveit­ar­fé­lag­anna en í lögum um tekju­öflun sveit­ar­fé­lag­anna er kveðið á um það á hvaða bili þessar álögur mega vera. Reykja­vík­ur­borg hefur um ára­skeið verið með hámarks­út­svar en til­tölu­lega lágan fast­eigna­skatt á lands­vísu og líka sé miðað við nágranna­sveit­ar­fé­lög­in. 

Auglýsing

Við Í Kvenna­hreyf­ing­unni erum hlynntar því að þjón­usta sveit­ar­fé­lags­ins sé greidd af heild­inni fremur en af þjón­ustu­þeg­um, og að þjón­ustu­gjöld séu þar að auki tekju­tengd hvar sem því er við komið svo að breiðu bökin taki stærri hluta. Þar sem fast­eigna­skattur er tengdur fast­eigna­mati, auk þess sem leyfi­legt er að veita tekju­lágum líf­eyr­is­þegum afslátt (eins og er nú þegar gert í Reykja­vík), er þessi teg­und skatt­heimtu fremur sann­gjörn að fyr­ir­komu­lagi.

Hvað er fast­eigna­skatt­ur?

Fast­eigna­skattur er skattur sem allir fast­eigna­eig­endur í sveit­ar­fé­lag­inu greiða og er eins og fyrr segir núna 0,18% af fast­eigna­mati. Hafi fast­eigna­mat eignar í Reykja­vík verið 40 millj­ónir í fyrra greiddi eig­and­inn þar með 80.000 í fast­eigna­skatt það árið en að því gefnu að fast­eigna­matið hald­ist eins, greiðir sami eig­andi 72.000 nú. 

Fyrir venju­legt heim­ili breytir lækkun eða hækkun fast­eigna­skatts­ins um 10% því afar litlu, auk þess sem taka verður til­lit til að þjón­ustu­gjöld hafa hækkað á móti, t.d. ­skóla­mált­ið­irn­ar og strætófar­gjald­ið. Þegar litið er til heild­ar­inn­ar, inn­komu sveit­ar­fé­lags­ins í gegnum fast­eigna­skatt, þýðir 10% lækkun hins vegar tekju­fall um hund­ruð millj­óna en fyrir þær mætti t.d. hækka laun leik­skóla­starfs­fólks. 

Fólk vill búa í Reykja­vík

Reykja­vík­ur­borg þarf ekki að keppa við önnur sveit­ar­fé­lög um íbúa. Fólk vill búa í Reykja­vík og við Reyk­vík­ingar getum verið stolt af því að vera með bestu félags­þjón­ust­una á höf­uð­borg­ar­svæð­inu, þó vissu­lega þurfi að gefa enn betur í. Við vinnum sam­keppn­ina alltaf.

Þess vegna þurfum við ekki að taka þátt í popúl­ískri keppni við hin um lægri skatta ef þátt­taka í þeirri keppni leiðir svo til þess að þurfa enn á ný að útskýra fyrir for­eldrum hvers vegna ekki er hægt að veita börnum þeirra dag­vist­un. Við í Kvenna­hreyf­ing­unni viljum frekar for­gangs­raða því að veita íbú­unum þá bestu þjón­ustu sem völ er á, og verði það best gert með því að hækka fast­eigna­skatt með­al­heim­ilis um tíu pró­sent þá er það að okkar mati ásætt­an­legt.

Höf­und­ur sit­ur í sjö­unda sæti Kvenna­hreyf­ing­ar­innar í Reykja­vík.

CRIPSRi notað til að skoða erfðamengi baktería
Hvaða gen eru það sem bakteríur nýta sér til að verjast sýklalyfjum?
Kjarninn 19. janúar 2019
Viðar Freyr Guðmundsson
Máttlaus áhrif lækkunar hámarkshraða
Leslistinn 19. janúar 2019
Jóhann Bogason
Skömm sé Háskóla Íslands
Kjarninn 19. janúar 2019
Þolendur eiga ekki að þurfa að sitja undir Klausturmönnum
Helga Vala Helgadóttir, formaður stjórnskipunar- og eftirlitsnefndar, segir að Ágúst Ólafur Ágústsson muni ekki koma aftur til starfa í næstu viku. Hún veit ekkert um hvort Bergþór Ólason eða Gunnar Bragi Sveinsson ætli að gera það.
Kjarninn 19. janúar 2019
Koma svo!
Koma svo!
Koma svo - Fyrirgefðu en má ég vera til?
Kjarninn 19. janúar 2019
Tæknispá 2019
Þroskaðra sprotaumhverfi, Elon Musk í kringum tunglið, mannlegar hliðar tækni, hæpheiðar og -dalir og frú Sirrý á íslensku. Þetta er meðal þess sem fram kemur í árlegri tæknispá Hjálmars Gíslasonar.
Kjarninn 19. janúar 2019
Jón Baldvin: Ásakanir „hreinn uppspuni“ eða „skrumskæling á veruleikanum“
Jón Baldvin hefur verið sakaður um kynferðislega áreitni af fjölda kvenna að undanförnu.
Kjarninn 19. janúar 2019
Andlát og skilnaður valda titringi í Seattle-hagkerfinu
Ævintýraleg auðsöfnun stofnenda verðmætustu fyrirtækja heimsins, Microsoft og Amazon, hefur haft mikil áhrif á Seattle svæðið. Skyndilegt andlát Paul Allen og skilnaður Jeff Bezos, hafa valdið titringi í hagkerfi borgarinnar.
Kjarninn 18. janúar 2019
Meira úr sama flokkiAðsendar greinar