Ein­hverjir hafa gagn­rýnt Face­book-aug­lýs­ingar Reykja­vík­ur­borgar að und­an­förnu. Ég hef ekki töl­urnar til að full­yrða að þær hafi verið óeðli­lega mikl­ar. En spurn­ingin að ofan er full­kom­lega eðli­leg og allir ættu að geta spurt hennar og fengið svar við henni án þess að í henni fælist aðdróttun um að óeðli­legt sé að borgin kaupi Face­book-aug­lýs­ingar til að aug­lýsa starf­semi sína eða að þær séu nú úr hófi fram.

En fyrst að búið er að opna fjár­mál Reykja­vík­ur­borgar þá ætti ég að geta kom­ist að þessu, ekki satt? Slóðin sem ég enda á eftir goog­le-­leit og röð til­vís­ana er þessi:

https://op­in­gogn.is/data­set/fjarmal-reykja­vik­ur­borgar

Þar má sjá eft­ir­far­andi gagna­sett:

Hér sjáum við stöð­una eins og hún er þegar þetta er skrifað þann 18. maí. Nýj­ustu upp­lýs­ing­arnar er sem sagt að finna í níu mán­aða upp­gjöri 2017 sem eru þá upp­lýs­ingar frá sept­em­ber 2017. Við höfum enn sem komið er ekki neinar upp­lýs­ingar um reikn­inga borg­ar­innar fyrir tíma­bilið frá októ­ber 2017. Bráðum fara raunar að líða fimm mán­uðir frá því að gögnin voru upp­færð síð­ast.

[adpsot]Því miður er heldur ekki nein auð­veld leið til að for­skoða gögnin og leita í þeim án þess að hlaða þeim öllum niður og vinna með þau í reikni­for­riti. En það er þó hægt að gera það, hreinsa gögnin og flokka þau. Það hefur verið gert hér, að ein­hverju leyti.

Þannig má kom­ast að því að árið 2017 voru Face­book-­út­gjöld Reykja­vík­ur­borg­ar, skipt eftir árs­fjórð­ung­um, eft­ir­far­andi:

Út frá þessum gögnum má sjá að Reykja­vík­ur­borg eyðir að með­al­tali 200 þús­und á mán­uði í Face­book-aug­lýs­ing­ar.

Mér er sagt að þetta eru ekki óeðli­legar upp­hæðir fyrir aðila eins og Reykja­vík­ur­borg. Borgin þarf að aug­lýsa störf, kynna við­burði og vekja athygli á þjón­ustu sinni, og Face­book er sá fjöl­mið­ill sem hvað flestir Íslend­ingar lesa.

Gegn­sæi dregur úr tor­tryggni. En til að mark­miðin um opin gögn náist að fullu þarf ákveðna lag­fær­ingar á því kerfi sem Reykja­vík­ur­borg hefur sett upp.

Í fyrsta lagi þarf að koma upp vina­legra við­móti til við­bótar við þann mögu­leika að hlaða niður hráum gögnum og vinna með þau í Excel. Venju­legt fólk verður að geta flett upp upp­lýs­ingum án djúprar kunn­áttu í gagna­vinnslu.

Í öðru lagi þurfa gögnin að birt­ast miklu fyrr. Sex til sjö mán­aða bið­tími er ekki góð­ur. Á  opn­ir­reikn­ing­ar.is, vef sem settur var upp í ráð­herra­tíð Bene­dikts Jóhann­es­son­ar, fyrrum for­manns Við­reisn­ar, eru gögnin að jafn­aði mán­að­ar­göm­ul. Eðli­legt væri ef Reyk­vík­ingar gætu líka fylgst með öllum útgjöldum sveit­ar­fé­lags­ins jafn­óðum og til þeirra er stofn­að.

Best væri ef þeir sem stjórna í Reykja­vík myndu ein­fald­lega bregð­ast við þeirri gagn­rýni sem sums staðar hefur komið fram með því að birta lista yfir allan kostnað vegna Face­book-aug­lýs­inga frá októ­ber 2017 og til dags­ins í dag. Það ætti ekki að vera mikið mál.

Höf­undur er í 2. sæti á fram­boðs­lista Við­reisnar fyrir kom­andi borg­ar­stjórn­ar­kosn­ing­ar.

Við­bót höf­undar

Höf­undi hefur verið bent á að vina­legt við­mót á fram­setn­ingu reikn­inga megi finna hér.

Athuga­semdin í pistl­inum leið­rétt­ist hér með um leið og slóð­inni er komið á fram­færi.