Opið bréf til þeirra sem neita flóttafólki um vernd

Elínborg Harpa Önundardóttir segir að þú berir ábyrgð á öllum þeim þjáningum sem Mohammad, Abbas og allt flóttafólk sem þú hefur neitað um vernd mun upplifa héðan af.

Auglýsing

„no one lea­ves home until home is a sweaty voice in your ear

say­ing-

lea­ve,

run away from me now

i dont know what i’ve become

but i know that anywhere

is safer than her­e.“

Brot úr ljóð­inu Home eftir Warsan Shire

Ein­stak­lingar bera ábyrgð á ákvörð­unum sín­um. Til dæmis berð þú ábyrgð á öllum þeim þján­ingum sem Mohammad, Abbas og allt flótta­fólk sem þú hefur neitað um vernd mun upp­lifa héðan af. Kannski ekki þú ein/n/tt en ábyrgð þín er jafn­mikil fyrir því. Ef þau deyja í aðstæð­um, sem þau hefðu ekki lent í hefðu þau hlotið vernd, þá berð þú ábyrgð á dauða þeirra. Þetta er svona ein­falt.

Auglýsing
Að öllum lík­indum ertu strax kom­in/n/ð í vörn og finnst þetta afar ósann­gjarnt. Það finnst flestum í sam­fé­lag­inu okkar þegar það er beðið um að axla ábyrgð. Hugs­aðu þig samt um. Hver ber ábyrgð­ina? Flótta­fólkið sjálft fyrir að eiga ekki rétta teg­und vega­bréfs? fyrir að vera rík­is­fangs­laust? fyrir að hag­ræða sann­leik­anum örlítið því það heldur að það eigi kannski meiri mögu­leika á lífi? Eða berð þú og öll þau sem taka þátt í ákvörð­unum um að neita fólki um vernd ábyrgð­ina?

Kannski seg­ist þú ein­ungis vera að fram­fylgja lög­um, en sú afsökun hefur aldrei dugað til að losa fólk undan þeirri ábyrgð sem fylgir vali okkar og athöfn­um. Vegna þess að til­vist okkar fylgir frelsi og frelsi fylgir ábyrgð. Þú ert til, þú ert frjáls og þú átt ekki annað val en að axla ábyrgð á sjálfum þér og því sem þú ger­ir.

Og þetta er það sem þú ger­ir:

Þú ert einn af þeim aðilum sem tekur ákvörðun um að senda börn og full­orðna í aðstæður þar sem þau þurfa raun­veru­lega að ótt­ast um líf sitt. Þú ert einn af þeim aðilum sem tekur ákvarð­anir um líf ann­arra sem þú myndir aldrei taka um þitt eigið líf eða um líf þeirra sem þér þykir vænt um.

Þú ert enn ein hindr­unin á leið fólks til örugg­ara lífs: þú ert vél­byssan í höndum landamæra­varð­ar­ins,

þú ert gadda­vírs­girð­ing­in,

kylfan,

veg­tálm­inn,

jarð­sprengj­an.

Þú ert lög­reglu­mað­ur­inn sem lemur fólk sem hleypur yfir ósýni­leg mörk með aleig­una á bak­inu og litla hönd í lófa. Þú ert stoð­deildin sem rekur hjarta­veikt barn og fjöl­skyldu út af heim­ili þeirra hér, í land þar sem þau eiga nær enga mögu­leika á nauð­syn­legri heil­brigð­is­þjón­ustu.

Þú ert enn einn full­trúi ríkj­anna sem hafa skotið sprengjum í garða fólks­ins sem þú neitar um vernd. Þú ert enn einn full­trúi fyrrum nýlendu­herra sem þótt­ust eiga rétt á að draga ósýni­legar línur á jörð­ina, línur mark­aðar af pen­ingum og olíu. Þú ert enn ein mann­eskjan sem þyk­ist búa yfir rétt­mætu valdi til að taka ákvarð­anir um líf ann­arra.

Það neyðir þig eng­inn til að gegna þessu starfi, það neyðir þig eng­inn til að taka þessar ákvarð­an­ir. Þú berð ábyrgð, því er ekki hægt að neita sama hvaða reglu­verk eða stofn­anir þú reynir að fela þig á bak­við til að rétt­læta störf þín.

Hættu að vera tölva, rifj­aðu upp hvað það þýðir að vilja lifa, að gleðjast, að syrgja, að finna fyrir von, að vera úrkula von­ar, að hræðast, að syrgja.

Ég vona að þig skorti ekki sam­kennd og ég vona að þú sért fær um að setja þig í spor ann­arra. Stundum hugsa ég til Páls Skúla­sonar og velti því fyrir mér hvort þú hafir ein­fald­lega aldrei sest niður og hugsað yfir­vegað um hvað það þýðir að vera frjáls og axla ábyrgð. Og ef þú hefur aldrei gert það þá er tími til kom­inn. Ef þú hefur gert það, svar­aðu þá núna af ein­lægni og frá eigin hjarta, ein­föld­ustu spurn­ing­unni, sem jafn­framt er sú mik­il­vægasta: hvers vegna mega þau ekki vera hér?

Svar­aðu án þess að vitna í lög og vega­bréf. Svar­aðu líkt og þú stæðir augliti til auglitis við mann­eskju sem grát­biður þig um að fá að vera.

Þú hefur engu að tapa en allt að vinna.



Við­bót: 3. júní 2018 fór höf­undur ásamt vin­konu heim til dóms­mála­ráð­herra, for­set­is­ráð­herra, for­manns Útlend­inga­stofn­unar og flestra þeirra sem sitja í núver­andi Kæru­nefnd útlend­inga­mála og afhenti þeim bréf þetta per­sónu­lega. Með því að fara á heim­ili fólks­ins, en ekki skila bréf­inu á skrif­stofur þeirra, vill höf­undur leggja áherslu á valda­ó­jafn­vagið sem felst í því að þau taka afger­andi ákvarð­anir um líf fólks á milli 9-16 á virkum dög­um, en fólkið þarf að bera afleið­ingar þess­arra ákvarð­ana neyð­ast til að gera svi allan sól­ar­hring­inn, alla daga, allt sitt líf. Einnig vitum við flest að nær ómögu­legt er að tala um sið­fræði og ábyrgð inni á skrif­stof­um, þar sem tölvu­stýrt skrifræði ræður ríkjum (í bók­staf­legri merk­ing­u). Mann­eskjan sem mætir á skrif­stof­una er ekki önnur og ótengd þeirri sem fer heim til sín á kvöld­in. Hún er ekki önnur og ótengd þeirri mann­eskju sem neitar öðru fólki um heim­ili.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Jóhannes: Þeim er velkomið að reyna að villa um fyrir fólki
Jóhannes Stefánsson, fyrrverandi starfsmaður Samherja og uppljóstrari í málum fyrirtækisins í Namibíu, var í viðtali við Kastljós í kvöld.
Kjarninn 11. desember 2019
Molar
Molar
Molar – 2020 verði ár tollastríðsins
Kjarninn 11. desember 2019
Jóhannes Stefánsson
Rannsaka ítrekaðar tilraunir til að ráða Jóhannes af dögum
Lögreglan í Namibíu rannsakar nú ítrekaðar tilraunir til að ráða Jóhannes Stefánsson uppljóstrara í Samherjamálinu af dögum.
Kjarninn 11. desember 2019
Þórhildur Fjóla Kristjánsdóttir
Jörðum jarðefnaeldsneytið 2035 og verum fyrirmynd
Kjarninn 11. desember 2019
Oddný Harðardóttir
Vilja að embætti skattrannsóknarstjóra verði veitt ákæruvald
Lögð hefur verið fram þingsályktunartillaga þar sem lagðar eru til breyt­ingar á emb­ætti skatt­rann­sókn­ar­stjóra rík­is­ins í þá veru að emb­ætt­inu verði veitt ákæru­vald og heim­ild til sak­sóknar í þeim málum sem það rann­sak­ar.
Kjarninn 11. desember 2019
Greta Thunberg manneskja ársins hjá TIME
Tímaritið TIME Magazine hefur valið manneskju ársins frá árinu 1927 og þetta árið varð loftslagsaktívistinn Greta Thunberg fyrir valinu.
Kjarninn 11. desember 2019
Herdís sótti um að verða næsti útvarpsstjóri
Fyrrverandi forsetaframbjóðandinn Herdís Kjerulf Þorgeirsdóttir er á meðal þeirra 41 sem sóttu um stöðu útvarpsstjóra RÚV.
Kjarninn 11. desember 2019
Íslandi gert að breyta skilyrðum um búsetu framkvæmdastjóra og stjórnarmanna
Samkvæmt Eftirlitsstofnun EFTA þarf Ísland að breyta reglum sem skylda stjórnarmenn og framkvæmdastjórn félaga til þess að vera ríkisborgarar eða búsettir í EES ríki.
Kjarninn 11. desember 2019
Meira úr sama flokkiAðsendar greinar