Frelsið til að kvelja

Kristján Andri Jóhannsson leggur til að Íslendingar hvetji stjórnvöld til að gefa ekki aftur út hvalveiðileyfi, hætti hvalveiðum og sýni að þeir séu fyrirmynd þegar kemur að því að vera friðelskandi þjóð.

Auglýsing

Fátt virð­ist kljúfa íslensku þjóð­ina jafn mikið og við­horf okkar til hval­veiða. 34% Íslend­inga eru hlynnt hval­veið­um, 34% and­víg og 31% eru hvorki hlynnt né and­víg.

And­staða við hval­veiðar hefur farið vax­andi og mót­mæli auk­ist en dökk mynd var dregin upp af veið­unum í heims­press­unni í sum­ar. Á sama tíma virð­ist sem stuðn­ingur ákveð­ins hóps við veið­arnar sé að styrkj­ast sam­an­ber nýleg frels­is­verð­laun sem Krist­ján Lofts­son for­maður Hvals Hf hlaut frá ungum sjálf­stæð­is­mönn­um.

Er verið að ganga á okkar rétt?

Í svari Krist­jáns Þórs Júl­í­us­sonar sjáv­ar­út­vegs­ráð­herra við fyr­ir­spurn Þor­gerðar Katrínar um áfram­hald­andi hval­veiðar má finna þau meg­in­rök sem við Íslend­ingar höfum haldið okkur við til stuðn­ings hval­veið­um. Það er að hvalir séu eins og hver önnur lif­andi auð­lind sem við eigum rétt á að nýta á sjálf­bæran hátt innan okkar lög­sögu.

Auglýsing

Er kom­inn tími til að líta í eigin barm?

Í rann­sókn frá árinu 2014 á drápum á 50 lang­reyðum við Íslands­strendur kom í ljós að 16% þeirra sem veiddir voru börð­ust í löngu sárs­auka­fullu dauða­stríði sem ent­ist að með­al­tali um 8 mín­útur og allt upp í 15 mín­út­ur.

Hér þurfum við að staldra við því að nið­ur­stöður þess­arar rann­sóknar vekja upp fjölda sið­ferði­legra spurn­inga sem við getum ekki litið fram hjá.

Allt tal um sjálf­bærar veiðar og rétt­inn til þess að nýta auð­lindir verður merk­ing­ar­laust þegar horft er til þess hve grimmi­leg drápin á hvölum eru.

Hvernig getur grimmdin við drápin farið fram hjá okk­ur?

Til þess að geta rætt um sið­ferði hval­veiða þurfum við að passa að láta ekki tungu­málið blekkja okk­ur.

Við erum ekki að tala um veiðar á lif­andi auð­lind­um, við erum að tala um veiðar á lang­reyðum og hrefnum sem eru spen­dýr sem hafa með­vit­und, upp­lifa og forð­ast sárs­auka á svip­aðan hátt og við. Flestir hafa upp­lifað að sjá gælu­dýr sitt ganga í gegnum sárs­auka, af hverju þykir okkur það í lagi að veita lang­reyðum í sjónum margra mín­útna sárs­auka í dauða­stríði að óþörfu? Við þurfum ekki kjötið þeirra, eft­ir­spurnin er nán­ast engin og vist­kerfið í haf­inu sér um sig sjálft.

Að skjóta sprengju­skutli í spen­dýr vit­andi það að hluti þeirra mun þjást svo mín­útum skiptir getur ekki kall­ast veiðar eða nýt­ing. Það er grimmi­legt dráp.

Að vera á móti hval­veiðum hefur stundum verið kallað öfga­fullt. En hvað er öfga­fullt við það að velja að valda öðrum sem minnstum skaða? Hvað með að kvelja hvali ekki að óþörfu? ber það með sér merki um öfga eða hóf­semi?

Fylgjum ekki menn­ingu okkar í blindni

Við getum lifað líf­inu á þann veg að við berj­umst fyrir frels­inu til þess að gera það sem við erum vön að gera. Mann­kyns­sagan er full af fólki sem elti fjöld­ann, fylgdi gömlum hefðum í blindni og staðn­aði.

Berðu það undir þína eigin sann­fær­ingu hvort þér þyki betra að kjósa að valda sem minnstum skaða og hætta hval­veiðum eða að berj­ast fyrir rétt­inum til þess að veiða hvali og kvelja að óþörfu.

Finnst þér í lagi að drepa að óþörfu þegar þú getur valið um ann­að?

Ég myndi segja að það sé rangt að drepa að óþörfu þegar þú getur valið um annað og borðað úr jurta­rík­inu en ég skil að mörg okkar sjá það ekki enn þá. Það er svo á allt öðru plani að bæði drepa og kvelja að óþörfu. Dráps­að­ferðin á hvölum myndi vera talin óásætt­an­leg fyrir öll hús­dýr og villt dýr á land­i. Hvetjum stjórn­völd til að gefa ekki aftur út hval­veiði­leyfi, hættum hval­veiðum og sýnum að við erum fyr­ir­mynd þegar kemur að því að vera frið­elsk­andi þjóð.

Hvalir eru ekki lif­andi auð­lind heldur ein­stak­lingar og eiga að hafa rétt til þess að vera frjálsir í haf­inu.

Höf­undur er mark­aðs­fræð­ing­ur.

Heim­ild­ir:

Alþingi, svar: sjáv­ar­út­vegs- og land­bún­að­ar­ráð­herra við fyr­ir­spurn frá Þor­gerði K. Gunn­ars­dóttur um hval­veið­ar.

Kill­ing effici­ency in the Icelandic fin whale hunt 2014 Report to the Direct­orate of Fis­heries in Iceland, ­Febru­ary 19, 2015 By Dr. Egil Ole Øen.

Skoð­ana­könnun MMR.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Talið er að hátt í 200 þúsund manns hafi atkvæðisrétt í formannsslag Íhaldsflokksins, eða sem nemur 0,3 prósentum af bresku þjóðinni.
Núll komma þrjú prósent sem öllu ráða
Eftir tæpan mánuð kemur í ljós hver verður næsti forsætisráðherra Bretlands. Liz Truss hefur forystu í skoðanakönnunum. Hópurinn sem hefur atkvæðisrétt í formannskjöri Íhaldsflokksins er nokkuð frábrugðinn hinum almenna kjósanda, að meðaltali.
Kjarninn 10. ágúst 2022
Bjarni Benediktsson, fjármála- og efnahagsráðherra og formaður Sjálfstæðisflokksins.
Erfitt að gera stjórnarsáttmálann – Hélt á einum tímapunkti að viðræðum yrði hætt
Formaður Sjálfstæðisflokksins sér ekkert sem ráðuneyti hans hefði getað gert öðruvísi við sölu á hlut ríkisins í Íslandsbanka. Hann vill halda áfram með söluna og selja hlut í Landsbankanum þegar uppgjöri við skýrslu Ríkisendurskoðunar er lokið.
Kjarninn 10. ágúst 2022
Þrír sóttu um að verða dómari við MDE – Oddný sú eina sem sótti um aftur
Nefnd á vegum forsætisráðherra mat þrjá umsækjendur um dómaraembætti við Mannréttindadómstól Evrópu hæfa fyrr á þessu ári. Tveir drógu umsókn sína til baka og auglýsa þurfti embættið aftur.
Kjarninn 10. ágúst 2022
Dagur B. Eggertsson, borgarstjóri í Reykjavík, Gunnar Einarsson, formaður framkvæmdanefndarinnar, og Ásmundur Einar Daðason, mennta- og barnamálaráðherra.
Fyrrverandi bæjarstjóri Garðabæjar formaður framkvæmdanefndar um þjóðarhöll
Ný þjóðarhöll í innanhúsíþróttum á að rísa í Laugardal fyrir lok árs 2025. Framkvæmdanefnd hefur verið skipuð og tók til starfa í dag. Höllin á að stórbæta umgjörð landsliða og tryggja Þrótti og Ármann „fyrsta flokks aðstöðu.“
Kjarninn 10. ágúst 2022
Sólveig Anna Jónsdóttir.
Sólveig Anna segir uppsögn Drífu tímabæra og að hún hafi myndað blokk með efri millistétt
Formaður Eflingar segir uppruna, bakland og stuðningshópa Drífu Snædal hafa verið í stofnana-pólitík og í íhaldsarmi verkalýðshreyfingarinnar. Vinnubrögð hennar hafi verið lokuð, andlýðræðisleg og vakið gagnrýni, langt út fyrir raðir VR og Eflingar.
Kjarninn 10. ágúst 2022
Drífa Snædal, forseti ASÍ.
Drífa Snædal segir af sér embætti forseta ASÍ
Forseti ASÍ segir að átök innan sambandsins hafi verið óbærileg og dregið úr vinnugleði og baráttuanda. „Þegar við bætast ákvarðanir og áherslur einstakra stéttarfélaga sem fara þvert gegn minni sannfæringu er ljóst að mér er ekki til setunnar boðið.“
Kjarninn 10. ágúst 2022
Þórður Snær Júlíusson
Að yfirgefa niðurrifsstjórnmálin til að hlusta á þá sem hugsa ekki eins
Kjarninn 10. ágúst 2022
Katrín Jakobsdóttir, formaður Vinstri grænna og forsætisráðherra.
Kjósendur Vinstri grænna hafa miklar áhyggjur af samþjöppun í sjávarútvegi
Skiptar skoðanir eru um aukna samþjöppun í sjávarútvegi hjá kjósendum stjórnarflokkanna. Fleiri kjósendur Sjálfstæðisflokks og Framsóknar hafa minni áhyggjur en meiri af henni.
Kjarninn 10. ágúst 2022
Meira úr sama flokkiAðsendar greinar