Að lofa að svíkja!

Ragnar Þór Ingólfsson, formaður VR, spyr hvort það sé til of mikils ætlast að kjósendur og almennir borgarar geri þá kröfu um að stjórnmálamenn taki ábyrgð á gjörðum sínum og aðgerðarleysi og sýni langþráða ábyrgð.

Auglýsing

Í aðdrag­anda kosn­inga þurfa kjós­endur að velja á milli flokka sem lofa öllu fögru. Flokkar sem kúra hvað þétt­ast að vöngum sér­hags­muna eru í fjár­hags­legri stöðu til að yfir­taka umræð­una og stjórna henni og ná bestum árangri.

Öllu fögru er lofað svo er allt annað gert. Þetta á við um alla flokka sem setið hafa í rík­is­stjórn síð­asta ára­tug og nær lík­lega lengra aftur en menn muna.

Fræg­ust er skjald­borgin um heim­ilin sem var skjald­borg um fjár­mála­kerf­ið.

Auglýsing

Hvað er að frétta í dag? Er eitt­hvað meira að marka stjórn­málin eða eru stjórn­mála­menn lítið annað en sömu lýð­skrumar­arnir og áður, sem ljúga sig til valda eða missa kjark og hug­sjónir um leið og val um æðstu stöður kom­ast í tal? Að geta svo aldrei verið sam­mála um annað en að gera ekki neitt?

Tökum dæmi um nokkur mál sem ærðu kjós­endur fyrir síð­ustu kosn­ingar og málin sem rík­is­stjórnin setur í algjöran for­gang. Gjald­frjáls heil­brigð­is­þjón­usta. Sjúk­lingar liggja á göngum eða inni á kló­settum á meðan starfs­fólk örmagn­ast undan álagi. Fólk hefur ekki efni á að veikj­ast á meðan haldnar eru rán­dýrar full­veld­is­há­tíðir sem engin bað um eða skil­ur. Það átti að bæta hag öryrkja og afnema skerð­ingar en við fáum þriðja orku­pakk­ann.

Það átti að stöðva rányrkju kerf­is­ins á upp­söfn­uðum líf­eyri eldri borg­ara en fáum sér­stakar hækk­anir Kjara­ráðs og hækkun fram­laga til stjórn­mála­flokka.

Það átti að styrkja inn­viði en í stað­inn er talað um vega­tolla og áfram­hald­andi einka­væð­ingu.

Það átti að lag­færa veg­ina en ekki kjör æðstu emb­ætt­is­manna.

Það átti að auka gagn­sæi en ekki tekjur Alþing­is­manna í gegnum ferða­kostnað og akst­ur­s­pen­inga-skandal.

Það átti að lækka skatta á þá lægst laun­uðu og styrkja grunn­stoðir en veiði­gjöld voru lækk­uð.

Við áttum að sjá hvít­bók um fjár­mála­kerfið en fengum hvít­þvott.

Lækkun vaxta og aðgerðir er snúa að verð­trygg­ingu en fáum þjóð­ar­sjóð.

Nið­ur­skurður til með­ferð­ar­stofn­ana á meðan met er slegið í skýrslu­kaupum af ómark­tækum dek­ur­kálfum stjórn­mála­el­ít­unnar og aðstoð­ar­mönnum fjölg­að.

Traust á Alþingi átti að stór­auka en við fáum Klaust­ur-skandal og hrossa­kaup í beinni, vafa­sama við­skipta­hætti æðstu ráða­manna og yfir­hylm­ingu á kyn­ferð­is­legri áreitni kjör­inna full­trúa.

Fram­úr­keyrsla á opin­berum fram­kvæmdum hefur sjaldan verið meiri og standa þar Bragga­málið og Vaðla­heið­ar­göng upp úr. Hið síð­ar­nefnda hefur sett ný við­mið á kjör­dæma­poti og með­ferð á fjár­munum hins opin­bera. Að ég tali nú ekki um prí­vat jarð­göng fyrir stór­iðju á Bakka sem ólík­legt er þjóðin hefði kosið að fara í, hefði hún ein­hverju ráð­ið.

Nú kepp­ast skrúð­pennar hags­muna­afla við að níða niður nýja verka­lýðs­for­ystu og beina sjónum sínum að kröfu­gerð henn­ar. Kröfum sem á margan hátt snúa að því að stjórn­málin standi við gefin lof­orð. Er til of mik­ils ætl­ast að kjós­endur og almennir borg­arar geri þá kröfu um að stjórn­mála­menn taki ábyrgð á gjörðum sínum og aðgerð­ar­leysi og sýni lang­þráða ábyrgð?

Vill ekki að það verði spekileki frá landinu
Lilja Alfreðsdóttir, mennta- og menningarmálaráðherra, vill fá upplýsingar um hver menntun þeirra Íslendinga sem flytja frá landinu sé til að meta það hvort að þar sé um að ræða fólk sem samfélagið hefur fjárfest í menntun hjá.
Kjarninn 24. mars 2019
WOW vill selja lánadrottnum hluti í félaginu
WOW air hefur hafið samningaviðræður við skuldabréfaeigendur sína um að breyta skuldum í hlutafé.
Kjarninn 24. mars 2019
Icelandair slítur viðræðum við WOW air
Samningaviðræðum milli flugfélaganna er formlega slitið.
Kjarninn 24. mars 2019
Viðræðum lokið hjá WOW air og Icelandair - Fundað með stjórnvöldum
Tilkynningar er að vænta um niðurstöðu í viðræðum milli WOW air og Icelandair um mögulega sameiningu félaganna.
Kjarninn 24. mars 2019
Karolina Fund: Hlynur Ben gefur út II Úlfar
Tónlistarmaðurinn Hlynur Ben er nú í óða önn að klára sína þriðju breiðskífu og vonast hann til að geta gefið hana út á afmælisdaginn sinn, þann 30. ágúst næstkomandi.
Kjarninn 24. mars 2019
Fimm vopn sem fyrst litu dagsins ljós í fyrri heimsstyrjöld
Fyrri heimstyrjöldin færði okkur miklar hörmungar. Ný vopn litu dagsins ljós, sem höfðu mikil áhrif á stríðið.
Kjarninn 24. mars 2019
Guðlaugur Þór Þórðarson utanríkisráðherra
Telur mikla sátt ríkja innan Sjálfstæðisflokksins um Þriðja orkupakkann
Utanríkisráðherra kallar rannsóknarvinnu síðustu mánaða um hugsanlegar hættur orkupakkans sigur fyrir efasemdarmenn innan Sjálfstæðisflokksins, en telur nú góða sátt ríkja um innleiðingu hans.
Kjarninn 24. mars 2019
Silvio Berlusconi, fyrrum forsætisráðherra Ítalíu.
Farsinn sem breyttist í harmleik
Skrautlegar sögur af „bunga bunga“ kynlífsveislum Silvio Berlusconi fyrrum forsætisráðherra Ítalíu falla í skuggann af ásökunum um vændi við ólögráða stúlku og dómsmáli þar sem eitt lykilvitnið lést á grunsamlegan hátt.
Kjarninn 24. mars 2019
Meira úr sama flokkiÁlit