Opið bréf til Hreiðars Más Sigurðssonar og Magnúsar Guðmundssonar

Kevin Stanford og Karen Millen, sem voru á meðal stærstu viðskiptavina Kaupþings fyrir hrun, skrifa opið bréf til tveggja af helstu stjórnendum bankans á þeim tíma.

Kevin Stanford og Karen Millen
Kevin Stanford og Karen Millen
Auglýsing

Hreiðar og Magn­ús.

Karen Mil­len og ég höfum verið talin „vinir Kaup­þings“, en þar sem við vorum notuð í svika­myllu sem þið bjugguð til, og tíu árum síðar hefur Kaup­þing stefnt okkur á nýjan leik vegna svika ykk­ar, þá viljum við koma eft­ir­far­andi á fram­færi.

Kaupin á Karen Mil­len árið 2001 voru fyrstu erlendu við­skiptin sem Kaup­þing tók þátt í. Í kjöl­farið vorum við hvött til að kynna aðra við­skipta­vini fyrir bank­an­um, eins og Ármann Þor­valds­son sagði frá í bók sinni „Æv­in­týra­eyj­an“.

Auglýsing
Í apríl 2005 not­uðum við hluta af hagn­aði af sölu af Karen Mil­len sem trygg­ingu fyrir lánum þegar við keyptum hluta­bréf í Kaup­þingi fyrir 60 millj­ónir punda í apríl 2005. Það sem Karen og ég vissum ekki á þeim tíma var að bréfin höfðu verið í „geymslu“ (óseld) frá því í hluta­bréfa­út­boði Kaup­þings þann 11. ágúst og 15. októ­ber 2004. Hluta­bréfa­aukn­ingin nam 92,4 millj­örðum íslenskra króna, sem tvö­fald­aði stærð bank­ans og gerði honum mögu­legt að kaupa FIH bank­ann í Dan­mörku. Hins vegar voru flest hluta­bréfin seld, fyrir utan mín og Karen­ar, án nokk­urra trygg­inga ann­arra en bréf­anna sjálfra.

Við unnum með Kaup­þingi frá árinu 2001 og litum á ykkur sem við­skipta­fé­laga og „vin­i“.

Þann 6. ágúst 2008 mis­not­uðuð þið ykkur hins vegar traust okkar með því að nota okkur í sam­særi með Deutsche Bank til að lækka skulda­trygg­ing­ar­á­lag Kaup­þings. Við vorum nauð­syn­leg í svik­unum eins og lýst er í kröfu gegn Deutsche Bank (skjal 1). Saka­mála­rann­sóknin sem fylgdi í kjöl­farið skað­aði orð­spor okkar og mögu­leika okkar til að stunda áfram við­skipti.  

Hreið­ar, þann 6. ágúst 2008 hringdir þú í mig og sagðir mér að Kaup­þing væri „komið í gegnum versta storm­inn“ og spurðir mig hvort ég vildi kaupa fleiri hluta­bréf í bank­an­um, án þess að nefna magn. Ég man dag­inn vel því ég var í París vegna afmælis eig­in­konu míns.

Magn­ús, þú sendir mér svo tölvu­póst þann 18. ágúst 2008 (skjal 2) þar sem þú stað­festir að „við“ (sem þýðir Kaup­þing banki í Lúx­em­borg, eins og kemur fram á yfir­liti mínu: skjal 3) hefðum keypt 17.300.000 hluti í Kaup­þingi. Þessi hluta­bréf voru skráð á mitt nafn en eig­andi þeirra var Kaup­þing í Lúx­em­borg. Banka­yf­ir­lit mitt sýnir að Kaup­þing í Lúx­em­borg lét mig fá yfir­drátt vegna þessa án þess að láta mig vita.

Hreið­ar, þú varst svo ákærður hinn 19. sept­em­ber 2016, vegna við­skipta með þín eigin bréf í Kaup­þingi sem þú seldir sama dag og þú hringir í mig, 6. ágúst 2008. Í útdrætti úr ákærunni segir (skjal 4) að hún sé á „hendur ákærða Hreið­ari Má fyrir inn­herja­svik með því að hafa 6. ágúst 2008 selt 812.000 hluti í Kaup­þingi banka hf., sem hann keypti í eigin nafni sama dag, til einka­hluta­fé­lags­ins Hreið­ars Más Sig­urðs­sonar kt. 500506-1990, sem var í eigu og laut stjórn ákærða, fyrir 571.648.000 krónur þrátt fyir að hafa þá búið yfir inn­herj­a­upp­lýs­ingum um Kaup­þing banka hf. sem hann var áskynja um í starfi sínu sem for­stjóri þess banka og lutu að því að skráð mark­aðs­verð hluta­bréfa í bank­anum gaf á þessum tíma ranga mynd af verð­mæti þeirra og hærri en efni stóðu til, vegna langvar­andi mark­aðs­mis­notk­unar með hluta­bréf í bank­anum sem þá hafði staðið yfir að minnsta kosti frá nóv­em­ber 2007 og ákærði átti þátt í.“

Hæsti­réttur Íslands dæmdi þig svo Hreiðar (skjal 5) þann 6. októ­ber 2016 í fang­elsi fyrir hið meinta lán sem veitt var þann 6. ágúst 2008 án sam­þykk­is, þar á meðal minn­ar.   

Auglýsing
Hinn 21. ágúst 2008 keyptir þú, Magn­ús, skulda­bréf Kaup­þings fyrir 7 millj­ónir Banda­ríkja­dala í nafni Karenar án þess að hún hefði hug­mynd um það. Við­skipta­stjóri Karen­ar, Spencer Wall, lýsti atvikum í vitna­skýrslu (skjal 6).

Eftir hrunið þann 12. nóv­em­ber 2008 færðir þú tap Karen­ar, vegna kaupa þinna á skulda­bréfum Kaup­þings, inn á minn reikn­ing í Kaup­þingi í Lúx­em­borg án þess að segja mér frá því.

Þann 10. sept­em­ber 2008 sendi Ármann Þor­valds­son eft­ir­far­andi tölvu­póst til mín (skjal 7):

„Hæ Kevin. Það er æðis­legt hversu vel þér gengur með All Saints, og ég gæti ekki verið ánægð­ari fyrir þína hönd – mik­ill árang­ur. Fólk er hrif­ið! Ég get flesta daga í októ­ber, ég myndi stinga upp á fimmtu­dag­inn annan eða átt­unda. Gengur það? Ann­ars er ég mjög góður og okkur gengur vel í að koma okkur út úr krís­unni (sjö, níu, þrett­án). Bestu kveðj­ur, Ármann.“

Hinn 25. sept­em­ber 2008 sendi ég ykkur báðum upp­færslu á eigna­safni mínu í Kaup­þingi í Lúx­em­borg sem var sett saman af end­ur­skoð­anda mín­um, Tony Bogod, þar sem stuðst var við trygg­ing­ar­hlut­föll og eig­in­fjár­möt sam­þykkt af Magn­úsi. Tony Bogod sagði að eigna­safnið væri innan áður sam­þykktra við­miða og að innan þess væri eigið fé upp á 105 millj­ónir punda.

Sama dag, eftir stjórn­ar­fund í Kaup­þingi (þar sem þú felldir úr gildi ábyrgð starfs­manna bank­ans á lánum sínum vegna þess að þú vissir að bank­inn væri gjald­þrota), þá svar­aði þú upp­færslu minni Hreið­ar, klukkan 19:00 (skjal 8):

„Sæll Kevin og takk fyrir upp­lýs­ing­arn­ar, það er upp­örvandi að sjá hversu mik­ill fag­maður þú hefur verið og við erum mjög hrifnir af þinni Kaupt­hink­ing!

Ég, Magnús og Ármann hlökkum til næstu mán­aða og að vinna náið með þér við að ná þínum mark­miðum og styðja við hug­myndir þín­ar. Ég þarf kannski ekki að segja þér, en þú hefur unnið þér inn mikla virð­ingu meðal okkar vegna þess hvernig þú hefur tæklað þau vanda­mál sem við höfum lent í.

Allt það besta, Hreið­ar.“

Auglýsing
Því er haldið fram að þann 3. októ­ber 2008 hafi eigna­safnið mitt verið flutt frá Kaup­þingi í Lúx­em­borg (þar sem ég hafði haft mín banka­við­skipti frá árinu 2001) til Kaup­þings á Íslandi, (önnur vís­vit­andi lygi sem þurfti flókna svika­myllu og fölsuð skjöl til að láta ganga upp) sem var hluti af sam­særi ykkar um að nota eignir mínar til að end­ur­skipu­leggja og kaupa Kaup­þing í Lúx­em­borg.

Þann 6. októ­ber 2008 tókst þér, Hreið­ar, á ótrú­legan hátt að plata Seðla­banka Íslands til að lána Kaup­þingi 500 milljón evrur þegar þú vissir að Kaup­þing var gjald­þrota; þú not­aðir svo 171 milljón evrur af pen­ingum landa þinna til að borga niður skuld Kaup­þings í Lúx­em­borg við Lindsor Hold­ings Cor­poration (skjal 9) til að und­ir­búa yfir­töku þína á Kaup­þingi í Lúx­em­borg (greiðslu­stað­fest­ing, skjal 10).

Seðla­banki Íslands end­ur­heimti aldrei þessar 171 milljón evrur sem þú milli­færðir til Lúx­em­borg­ar.

Áætlun ykkar um að taka yfir Kaup­þing í Lúx­em­borg fól í sér að þið báðir mis­not­uðuð aðstöðu ykkar til að færa skuldir frá Lúx­em­borg til Íslands án sam­þykkis réttra aðila, sem bjó til meira en millj­arð evru skuld frá Kaup­þingi hf. við Kaup­þing í Lúx­em­borg (m.a. hin meinta til­færsla á eignum mín­um) sem setti Kaup­þing í Lúx­em­borg í hag­stæða stóðu í tengslum við end­ur­skipu­lagn­ingu.

Magn­ús, eftir hrunið sagðir þú mér að þú hefði áhyggjur af því hvað við myndum segja við sak­sóknarann, svo þú baðst mig um að hitta þig, en krafð­ist þess að fund­ur­inn yrði í gufu­baði vegna þess að þú værir hræddur um að ég myndi taka upp sam­tal okkar (sjá upp­töku hér að neð­an).



Þú sagðir mér á fund­inum að skila­nefnd Kaup­þings hefði ákveðið að taka eignir mínar og nota þær til að borga skuldir Kaup­þings á Íslandi við Kaup­þing í Lúx­em­borg (sjá upp­töku hér að neð­an).



Þú sagðir mér einnig að Steinar Þór Guð­geirs­son, þá for­maður skila­nefndar Kaup­þings, hafi neitað að skrifa undir minn­is­blað sem dag­sett var 20. febr­úar 2009 (sjá skjal 11), sem útli­staði sam­komu­lagið (skjal 12) dag­sett 3. mars 2009, vegna þess að hann sagði að í minn­is­blað­inu fælist sam­særi um að stela eignum frá mér og nota þær til að borga niður skuldir Kaup­þings á Íslandi gagn­vart Kaup­þingi í Lúx­em­borg (sjá upp­töku hér að neð­an).  



Magn­ús, þú stjórn­aðir samn­inga­við­ræð­unum og varst á sama tíma að und­ir­búa kaup þín á hinum end­ur­reista banka í Lúx­em­borg ásamt Ágústi og Lýði Guð­munds­son­um. Það var áætlun ykk­ar.

Í yfir­heyrslu hjá emb­ætti sér­staks sak­sókn­ara sagðir þú: (skjal 13) „Móð­ur­fé­lagið lagði sig í líma við að afhenda okkur fjár­muni, lét okkur til að mynda fá fjár­muni Kevin Stan­fords og önnur skulda­bréf og annað drasl og dóterí sem þeir áttu til þess að geta staðið við sínar skuld­bind­ing­ar.“

Nú er tek­ist á um eign­irnar sem stolið var af mér í dóms­máli sem rekið er í Lúx­em­borg við Kaup­þing ehf. og Banque Havil­l­and.

Ég tók upp sam­tal okkar Magnús til að sanna svind­lið, þessi gögn eru hins vegar ekki hægt að leggja fram í dómi í Lúx­em­borg, en ég hef síðar sannað þessa fram­vindu með fram­lagn­ingu skjala.

Blekk­ingar ykkar í ágúst 2008, sem þið hafið farið í fang­elsi fyr­ir, hafa nú á nýjan leik komið upp á yfir­borðið því Kaup­þing ehf. hefur nú ólög­lega krafið okkur um meira en 200 milljón pund (m.a. drátt­ar­vexti í tíu ár) vegna láns sem Kaup­þing hf. á að hafa lánað mér til að kaupa hina verð­lausu 17.300.000 hluti í bank­anum þann 19. ágúst 2008, án vit­neskju minnar eða neins sam­þykk­is. (skjöl 14-14.2). Lána­samn­ingur var gerður eftir fall bank­ans af „Nýja Kaup­þing­i“. (skjal 15). Á meðan þið lifið á pen­ingum vegna „Kaupt­hink­ing”, sem geymdir eru á leyni­legum banka­reikn­ingum eig­in­kvenna ykkar í Sviss, erum við nauð­beygð til að verj­ast órétt­látum kröfum frá arf­tökum Kaup­þings í Lúx­em­borg (Banque Havill­and) og Kaup­þingi hf. sem nota blekk­ingar ykkar til að reyna að hagn­ast.

Það er líka kald­hæðn­is­legt að eftir að þið stáluð (171 milljón evr­um) af íslensku þjóð­inni, sem myndi duga til að borga fyrir nýtt þjóð­ar­sjúkra­hús, til að fjár­magna hug­myndir ykkar um að kaupa Kaup­þing í Lúx­em­borg, þá heldur íslenska þjóðin áfram að fjár­magna hót­elin ykkar í gegnum rík­is­bankana, Lands­banka og Íslands­banka. Það er líka ótrú­legt að Stefnir hf., dótt­ur­fé­lag Arion banka (sem áður hét Kaup­þing hf.), hafi fjár­fest í hót­el­verk­efnum ykk­ar.

Við bjóðum ykkur að hrekja ásak­anir okk­ar, og ef þið getið það ekki, þá virð­ist það liggja fyrir að í þessu til­tekna til­viki borgi glæpir sig á Íslandi.

Kevin Stan­ford og Karen Mil­len OBE.

Ensk útgáfa grein­ar­inn­ar/Eng­l­ish version of the art­icle

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Fimm metin mjög vel hæf í stöðu varaseðlabankastjóra
Tíu sóttu upphaflega um stöðu varaseðlabankastjóra, á sviði fjármálastöðugleika.
Kjarninn 10. desember 2019
João de Barros, sonur angólska ráðherrans, Antonio, ráðgjafi sama ráðherra, Tamson Hatuikulipi, Þorsteinn Már Baldvinsson, þá forstjóri Samherja, James Hatuikulipi og Sacky Shanghala í Hafnarfjarðarhöfn í nóvember 2013.
Bankareikningar frystir í Angóla út af Samherjamálinu
Bankareikningar fyrrverandi sjávarútvegsráðherra Angóla og fjölskyldumeðlima hennar hafa verið frystir. Þau liggja undir grun um að hafa þegið mútur frá Samherja sem greiddar voru til þess að komast yfir ódýran kvóta.
Kjarninn 10. desember 2019
Svanhildur Hólm Valsdóttir ásamt Bjarna Benediktssyni.
Svanhildur Hólm vill verða útvarpsstjóri
Aðstoðarmaður fjármála- og efnahagsráðherra hefur staðfest að hún hafi sótt um að verða næsti útvarpsstjóri.
Kjarninn 10. desember 2019
Kjartan Jónsson
Hvað getur útgerðin greitt?
Kjarninn 10. desember 2019
41 sækir um útvarpsstjórastöðu RÚV
Stjórn RÚV stefnir að því að ganga frá ráðningu nýs útvarpsstjóra í lok janúar 2020.
Kjarninn 10. desember 2019
Vindorka henti vel sem þriðja stoðin í orkubúskap Íslands
Umhverfis- og auðlindaráðherra vill breyta rammaáætlun svo hún henti betur vindorkukostum og hægt verði að móta skýra stefnu í vindorkumálum. Ráðherra telur að skynsamleg uppbygging vindorku fari vel saman við vaxandi raforkuþörf samfélagsins
Kjarninn 10. desember 2019
Trump verður ákærður af Bandaríkjaþingi
Donald Trump verður ákærður af fulltrúadeild Bandaríkjaþings fyrir brot í starfi. Honum er gefið að hafa misbeitt valdi sínu og fyrir að reyna að torvelda rannsókn þeirra sem eiga að veita honum aðhald.
Kjarninn 10. desember 2019
Lilja Alfreðsdóttir er mennta- og menningarmálaráðherra.
Fjölmiðlafrumvarpið er ekki lengur á dagskrá þingsins
Til stóð að mæla fyrir frumvarpi Lilju Alfreðsdóttur um stuðningsgreiðslur til einkarekinna fjölmiðla í gær. Það komst ekki á dagskrá og er hvergi að finna á dagskrá dagsins í dag. Sjálfstæðisflokkurinn hefur verið andsnúinn frumvarpinu.
Kjarninn 10. desember 2019
Meira úr sama flokkiAðsendar greinar