Skömm sé Háskóla Íslands

Jóhann Bogason skrifar um skýrslu Hagfræðistofnunar Háskóla Íslands um hvalveiðar.

Auglýsing

Nýverið kom fram skýrsla frá hinni háæru­verð­ugu Hag­fræði­stofnun Háskóla Íslands varð­andi það hvernig við Íslend­ingar ættum að taka á hval­veiðum Krist­jáns Loft­son­ar. Það er gaur­inn sem er millj­arða­mær­ingur og heldur m.a úti Mogg­anum og reiðir vafa­lítið fram millj­ónir til Val­hall­ar. En látum það liggja milli hluta.

Hag­fræði­stofnun Háskóla Íslands leggur sumsé til að Alþingi beri að setja lög sem skil­greina um­hverf­is­vernd­ar­sam­tök sem hryðju­verka­sam­tök.

Þið lásuð rétt.

Auglýsing

Hryðju­verka­sam­tök. Umhverf­is­vernd­ar­sam­tök ættu að vera skil­greind sem hryðju­verka­sam­tök af Al­þingi Íslend­inga.

Þetta segir Hag­fræði­stofnun Háskóla Íslands.

Hag­fræði­stofnun Háskóla Íslands!

Emb­ætt­is­menn hins opin­bera hjá æðstu mennta­stofnun Íslend­inga rýna í excel-skjöl og benda á þessa ­nauð­syn. Vafa­lítið búnir að rukka fyrir fleiri tíma en í Bragga­mál­inu. Hlut­falls­lega.

En Hag­fræði­stofnun Háskóla Íslands bætir um betur og setur fram dæmi (og það er byggt á bein­hörðum „hag­fræði­leg­um“ útreikn­ing­um) þar sem stofn­unin bendir náð­ar­sam­leg­ast á að ef Ís­lend­ingar minnka mark­visst stofna hvala um 40% þá megi þeir hinu sömu Íslend­ingar vænta á­vinn­ings sem nemur tugum millj­arða í útflutn­ings­tekj­um.

Það var og.

Við skulum skoða hvaða áhrif 40% minnkun hefur á t.d lang­reyð­ar­stofn­inn. Lang­reyðar eru þeir hval­ir ­sem auð­kýf­ing­ur­inn Krist­ján Loft­son hefur fengið að veiða og reynt að selja á Jap­ans­mark­aði með­ ærnum til­kostn­aði, þar sem hverf­andi áhugi er fyrir þveist­inu. Ein­hver 150 dýr til eða frá. En honum er ­skít­sama, enda á hann nóg af seðl­um.

Lang­reyð­ar­stofn­inn telur mögu­lega ein­hver 50.000 dýr í N-Atl­ants­hafi. Hag­fræði­stofnun Háskóla Ís­lands leggur því til að Krist­ján Loft­son fái að drepa 20.000 dýr.

Þið lásuð rétt. 20.000 dýr.

Lík­lega gæla þessir hag­fræð­ingar við ágæti þess að græða á dag­inn og grilla á kvöld­in. 

Hag­fræð­ing­arnir hjá Hag­fræði­stofnun Háskóla Íslands myndu samt aldrei láta sér detta til hugar að grilla lang­reyð­ar­steik­ur. Þeir hafa jú ágætar tekjur frá Hag­fræði­stofnun Háskóla Íslands við að reikna út svona þvætt­ing og hugn­ast vafa­lítið betur að grilla inn­flutta strúta eða kengúr­ur.

En ráð­legg­ingar Hag­fræði­stofn­unar Háskóla Íslands varða allar hvala­teg­und­ir. Þannig má bæta við ein­hverjum tugum þús­unda ann­arra hvala sem við aumu Íslend­ingar ættum að drepa til að auka ­út­flutn­ings­tekj­ur.

Kannski sirka­bát 40.000 spen­dýr. Við eigum sumsé bara að skjóta sprengiskutlum í hval­ina og þá mun þorskafl­inn og loðnan aukast um tug­millj­arða í útflutn­ings­tekj­um.

Þessir svoköll­uðu „fræð­ing­ar“ hafa ekki hunds­vit á því hversu flókið vist­kerfi sjávar er. Þar fyrir utan­ hafa þeir ekk­ert sið­vit, sem er öllu verra. Þessar hag­fræði­legu „ráð­legg­ing­ar“ þeirra eru ekk­ert ann­að en við­ur­styggi­leg­ar!

Satt að segja þykir mér rétt­ast að leggja niður Hag­fræði­stofnun Háskóla Íslands­. ­Skömm sé Háskóla Íslands.

Skeljungur kaupir Basko á 30 milljónir og yfirtöku skulda
Basko, fyrirtæki sem var áður stýrt af nýráðnum forstjóra Skeljungs, hefur verið selt til Skeljungs. Hlutur í Eldum Rétt verður undanskilin kaupunum.
Kjarninn 17. september 2019
Telja Jónas Jóhannsson lögmann og fyrrverandi héraðsdómara hæfastan
Dómnefnd um hæfni umsækjenda um embætti dómara hefur skilað umsögn sinni um umsækjendur um embætti dómara sem mun hafa starfsstöð við Héraðsdóm Reykjaness en sinna störfum við alla héraðsdómstóla.
Kjarninn 17. september 2019
Þórarinn Hjaltason
Áhrif Borgarlínu og breyttra ferðavenja á bílaumferð
Kjarninn 17. september 2019
Katrín Jakosbsdóttir, forsætsiráðherra.
Katrín: Kynjamisrétti er eitt stærsta og þrálátasta böl okkar tíma
Alþjóðleg #Metoo ráðstefna hefst í Hörpu í dag og hafa yfir 800 manns skráð sig á hana. Forsætisráðherra telur að löggjöf og forvarnarstarf sé ekki nóg heldur þurfi róttækar, menningarlegar breytingar.
Kjarninn 17. september 2019
Efling vísar kjaradeilu við Reykjavíkurborg til ríkissáttasemjara
Efling hefur vísað kjaradeilu félagsins við Reykjavíkurborg til ríkissáttasemjara. „Okkur þykir miður að hafa ekki skynjað raunverulegan samningsvilja frá borginni í þessum viðræðum,“ segir formaður Eflingar.
Kjarninn 17. september 2019
Kvikan
Kvikan
Farsi í lögreglunni, doði í stjórnmálunum og meint glimrandi góð lífskjör
Kjarninn 17. september 2019
Magnús Halldórsson
Suðupotturinn
Kjarninn 17. september 2019
Ingibjörg Dögg Kjartansdóttir og Jón Trausti Reynisson, ritstjórar Stundarinnar.
Stundin skilaði rúmlega 10 milljóna króna afgangi
Ný stjórn Stundarinnar hefur verið kjörin og er Elín G. Ragnarsdóttir nýr stjórnarformaður félagsins.
Kjarninn 17. september 2019
Meira úr sama flokkiAðsendar greinar