Búin að segja fyrirgefðu

Soffía Sigurðardóttir segir að yfirlýsing um iðrun og yfirbót, sé hvorki iðrun né yfirbót nema henni fylgi breytt hegðun. Að hætt sé að haga sér á þann hátt sem maður segist iðrast og sýni í verki hvað hann gerir til að bæta fyrir miskann.

Auglýsing

Við kunnum mannasiði.

Við þekkjum mun­inn á réttu og röngu, bæði á því sem okkur sjálfum finnst rétt og rangt og því sem við vitum að sam­fé­lag­inu þykir rétt og rangt, en þau við­horf fara ekki alltaf sam­an.

Oft gerir fólk eitt­hvað sem brýtur gegn betri vit­und þess sjálfs, slugsar þegar á að drífa sig, keyrir of hratt, sýnir til­lits­leysi, hreytir ónotum í aðra, dæmir ómak­lega, svindlar bara smá eða stel­ur. Oft veit maður bara af þessu sjálf­ur, en stundum kemst upp um mann. Það er vont þegar kemst upp um mann, því þá lendir maður í vand­ræðum í sam­skiptum við aðra, fær umvand­an­ir, for­dæm­ingu, missir traust og þar með þá aðstöðu sem fyrra traust hafði gef­ið, er kraf­inn um bætur og alls­konar óþæg­indi.

Auglýsing

Hvað á þá að gera? Þá er nú gott að kunna mannasiði: Segj­ast sjá eftir þessu og að þetta hafi verið voða­legt dóm­greind­ar­leysi og að biðj­ast fyr­ir­gefn­ing­ar! Eftir þessa ræðu á allt að verða gott aft­ur, til þess var jú ræðan flutt.

Eða hvað? Hverju sérðu eft­ir, því sem þú gerð­ir, eða því að hafa gert það á þann hátt að upp um þig kom­st? Hvernig eiga aðrir að sjá hvort er?

Yfir­lýs­ing um iðrun og yfir­bót, er hvorki iðrun né yfir­bót nema henni fylgi breytt hegð­un, að hætt sé að haga sér á þann hátt sem maður seg­ist iðr­ast og sýni í verki hvað hann gerir til að bæta fyrir miskann. Fram að því eru orðin í besta falli fyr­ir­heit, sem á svo eftir að sýna hvort staðið verði við. 

Nú lýsir maður því yfir að hann sjái mikið eftir niðr­andi ummælum eða óvið­ur­kvæmi­legri hegð­un, telji þau ummæli/hegðun vera sjálfum sér til vansa og ómak­leg gagn­vart þeim sem þau beindust að, biðst fyr­ir­gefn­ingar hjá bæði þeim ein­stak­lingum sem hann braut gegn og öðrum þeim sem hann rauf traust hjá með fram­komu sinni.

Hvernig veist þú að hann meinar þetta allt í alvöru? Það gerir þú með því að skoða breytni hans eftir yfir­lýs­ing­arnar um iðr­un­ina.

Næst sérð þú til hans þar sem hann lýsir því yfir að þetta hafi í raun verið mein­laust hjal þar til ein­hver sagði frá því og skað­inn því ekki skeð fyrr en upp­ljóstrað var og sé þetta sé því þeim fjöl­miðlum að kenna sem birtu upp­ljóstr­un­ina. Eða þú heyrir hann lýsa því yfir að hann sé í fyrsta lagi búinn að við­ur­kenna og biðj­ast afsök­unar á þeim yfir­sjónum sem eru til skjal­fest­ar, í öðru lagi sé hann sak­laus af þeim sem engar skrif­legar sann­anir eru um, í þriðja lagi sé hann sjálfur fórn­ar­lamb hóps fólks sem hafi tekið upp á að hata hann.

Þar næst sérð þú hann reyna að klekkja á upp­ljóstr­ar­an­um, bera út allskyns sögur um það að upp­ljóstr­ar­inn hafi verið útsend­ari ann­ar­legra afla, kæra upp­ljóstr­ar­ann til yfir­valda og krefj­ast refs­inga yfir hon­um. Nú eða lest eftir hann lýs­ingar á því hve ásak­andi sé klikk og hve stuðn­ings­menn ásak­enda séu mikil fól og fúl­menni, sam­an­safn öfga­sinna og afleitra stjórn­mála­manna. 

Er þetta það sem þú álítur iðr­un? Finnst þér þetta vera yfir­bót? Átt þú núna að fyr­ir­gefa?

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Rósa Björk Brynjólfsdóttir, þingmaður VG.
Kallar eftir heildstæðri úttekt á starfsháttum og viðskiptaháttum Samherja
Rósa Björk Brynjólfsdóttir, þingmaður VG, segir að enn sé margt mjög óljóst og óskýrt eftir að hafa rætt við sjávarútvegsráðherra á fundi atvinnuveganefndar í gær. Þar á meðal hæfi ráðherra til að byggja upp traust í kjölfar Samherjamálsins.
Kjarninn 21. nóvember 2019
Unnur Gunnarsdóttir, forstjóri Fjármálaeftirlitsins.
FME kallar eftir upplýsingum frá íslenskum bönkum um Samherja
Íslensku bankarnir eiga að upplýsa Fjármálaeftirlitið um það hvernig eftirliti þeirra með viðskiptum við Samherja hafi verið háttað.
Kjarninn 21. nóvember 2019
James Hatuikulipi.
Enn einn „hákarlinn“ fellur – Hatuikulipi segir af sér
Allir þrír áhrifamennirnir í Namibíu sem tryggðu Samherja kvóta á undirverði gegn ætluðum mútugreiðslum hafa nú sagt af sér.
Kjarninn 20. nóvember 2019
Mussila hlýtur Norrænu EdTech verðlaunin
Sprotafyrirtækið Mussila framleiðir hugbúnað sem kennir börnum tónlist í gegnum skapandi umhverfi.
Kjarninn 20. nóvember 2019
Vitundarvarpið
Vitundarvarpið
Vitundarvarpið – Lífið breyttist eftir að Kamilla kynntist kakóinu
Kjarninn 20. nóvember 2019
Lilja Alfreðsdóttir, mennta- og menningarmálaráðherra.
Menntamálaráðuneytið telur sig hafa uppfyllt eftirlitsskyldu sína með RÚV
Mennta- og menningarmálaráðuneytið tekur ekki afstöðu til ábend­ingar Rík­is­end­ur­skoð­unar um að færa eign­ar­hlut rík­is­ins í RÚV til fjár­mála- og efna­hags­ráðu­neyt­is­ins. Ráðu­neytið segir að það sé Alþingis að ákvarða um slíkt.
Kjarninn 20. nóvember 2019
Haukur ráðinn framkvæmdastjóri fjármálastöðugleika hjá Seðlabankanum
Enn hefur ekki verið ráðið í stöðu varaseðlabankastjóra á sviði fjármálastöðugleika.
Kjarninn 20. nóvember 2019
Ásta Svavarsdóttir
Þú ert svo sæt svona réttindalaus
Kjarninn 20. nóvember 2019
Meira úr sama flokkiAðsendar greinar