Valdefling stúlkna í Úganda

Karl Fannar Sævarsson og Sigrún Björg Aðalgeirsdóttir fjalla um starf félagasamtakanna CLF sem þau eru í stjórn hjá, en það eru samtök sem reka verkmenntaskóla í Uganda.

karlogsigrun.jpg
Auglýsing

Starf CLF skól­ans í Úganda er liður í að stuðla að auknu kynja­jafn­rétti í Úganda þar sem konur hafa staðið höllum fæti í sam­fé­lag­inu – sér­stak­lega þegar kemur að mennt­un. 

Algengt er að úganskar stúlkur flosni ungar úr námi og geta ástæður þess verið marg­þætt­ar; fátækt, barn­eign­ir, óvið­un­andi aðstæður fyrir ungar stúlkur í skólum og ríkj­andi við­horf sam­fé­lags­ins um að menntun drengja sé mik­il­væg­ari en menntun stúlkna. 

Verk­nám stúlkna í Úganda og Heims­mark­mið Sam­ein­uðu Þjóð­anna

Heims­mark­miðin voru sett árið 2015 af Alls­herj­ar­ráði Sam­ein­uðu þjóð­anna og eru safn 17 mark­miða sem öll eiga að stuðla að bættum lífs­kjörum og auknum mann­rétt­indum fólks um heim all­an. Starf sam­tak­anna CLF á Íslandi, sem reka verk­mennta­skóla fyrir stúlkur í Úganda, tekur hlið­sjón af heims­mark­mið­unum í sínu starfi, þá sér­stak­lega er varðar mark­mið fjögur og fimm sem snúa að menntun fyrir alla og jafn­rétti kynj­anna. CLF á Íslandi eru sam­tök sem hafa starfað óslitið frá árinu 2004 með það að mark­miði að styðja syst­ur­sam­tök sín í Úganda, Candle Light Founda­tion, en þau sam­tök stofn­aði Erla Hall­dórs­dóttir árið 2001 til að styðja við bág­staddar stúlkur í Kampala, höf­uð­borg Úganda.

Auglýsing
Bætt verk­menntun snertir heims­mark­miðin á marg­þættan hátt, en þó aðal­lega mark­miðið er snýr að mennt­un. Þar segir að fyrir árið 2030 skuli vera búið að tryggja konum jafnt sem körlum jafnan aðgang að verk­mennt­un. Skal það vera óháð sam­fé­lags­legri stöðu fólks, bæði hvað varðar efna­hags­legar for­sendur til að stunda nám og ann­arra hind­r­ana sem geta komið í veg fyrir að ung­menni í við­kvæmri stöðu stundi nám. Þá skal einnig vera búið að hækka veru­lega hlut­fall þeirra sem hafa góða verk­færni. Sé úr þessu bætt mun það hafa góð áhrif á þau sem starfa í iðn­aði, skapa bæði ný og mann­úð­leg störf og hvetja til frum­kvöðla­starfs. 

Alþjóða­vinnu­mála­stofn­unin (ILO) heldur því fram að til þess að stuðla megi að bættum efna­hags­legum fram­förum svo að flestir megi njóta góðs af þurfi að líta til þriggja þátta. Það er að bæta úr lélegri mennt­un, lágri fram­leiðni og við­var­andi fátækt. Þetta sé að auki lyk­ill­inn að því að skapa mann­sæm­andi störf, ekki síst fyrir ungt fólk. Þessu tengt, er mik­il­vægt að bæði skapa og þróa verk­færni og kunn­áttu á verk­legum greinum til að halda í við síbreyti­legan vinnu­mark­að­inn. Þróun á verk­færni er því ein af und­ir­stöðum sjálf­bærrar þró­un­ar­að­stoðar og efna­hags­legrar fram­þró­un­ar. Þá hefur verk­menntun einnig hjálpað fjölda­mörgum að kom­ast inn á atvinnu­mark­að­inn. Starf CLF tekur beinan þátt í að skapa tæki­færi fyrir stúlkur og ungar konur í við­kvæmri stöðu til að þær geti tekið virkan þátt í atvinnu­líf­inu og brot­ist þannig upp úr sárri fátækt.

Candle Light Founda­tion skól­inn

Sú þekk­ing og menntun sem stúlk­urnar hafa öðl­ast í gegnum CLF skól­ann hef­ur, að sögn stúlkn­anna, haft jákvæð áhrif á líf þeirra og sjálfs­mynd. Þær hafa aukna atvinnu­mögu­leika og geta tekið þátt í að sjá fyrir fjöl­skyldum sínum og með því tekið þátt í upp­bygg­ingu úgansks sam­fé­lags. Í dag hafa yfir 2000 stúlkur fengið stuðn­ing til verk­mennt­unar hjá CLF skól­anum og flestar fengið tæki­færi á að nýta mennt­un­ina á einn eða annan hátt á atvinnu­mark­aði, sem er í takt við Heims­mark­mið númer átta sem kveður á um að lækka hlut­fall þeirra ung­menna sem eru atvinnu­laus eða stunda ekki nám. Þetta á sér­stak­lega við í Úganda sem er ein yngsta þjóð í heimi þar sem  55% þjóð­ar­innar eru undir 18 ára og eru ung­menni því hátt hlut­fall atvinnu­lausra. Með því að mennta stúlkur og auka atvinnu­mögu­leika þeirra er stuðlað að því að þær fresti barn­eignum og eign­ist jafn­vel færri börn. Það á þátt í að stöðva ríkj­andi hringrás fátæktar sem er við­haldið meðal ann­ars með barna­hjóna­böndum og barn­eignum ungra ómennt­aðra stúlkna.  

Auglýsing
Verkmenntaskólinn sem CLF starf­rækir er til húsa í húsa­kynnum sem byggð voru fyrir styrk frá Utan­rík­is­ráðu­neyti Íslands og fram­lögum sem safnað var af sjálf­boða­liðum CLF á Íslandi. Skól­inn er stað­settur rétt fyrir utan Kampala, höf­uð­borg Úganda. Eftir að skól­inn var byggður jókst eft­ir­spurn eftir inn­göngu í almennt nám við skól­ann frá fólki sem býr í nágrenni hans. Úr varð að CLF hóf að bjóða upp á menntun á efra grunn­skóla­stigi með það að mark­miði að auka bæði sjálf­bærni skól­ans og aðgengi barna í nærum­hverfi skól­ans að mennt­un. Nú þarf að bregð­ast við þessum breyt­ing­um, meðal ann­ars með stækkun skóla­bygg­ing­ar­innar og kaupum á skóla­gögn­um. Með þessum breyt­ingum verður hægt nýta skóla­lóð­ina enn bet­ur, án þess þó að draga úr upp­runa­legu mark­miði og aðal­á­herslu skól­ans sem er að bjóða bág­stöddum stúlkum upp á verk­nám. 

Þann 24. ágúst næst­kom­andi munu hlauparar CLF á Íslandi taka þátt í Reykja­vík­ur­mara­þoni Íslands­banka og safna um leið fé sem rennur óskipt í stækkun CLF skól­ans svo hægt sé að taka á móti fleiri nem­endum og kaupa tæki og tól sem tengj­ast dag­legum rekstri skól­ans.  Hér má heita á hlaupara CLF á Íslandi í Reykja­vík­ur­mara­þon­inu og hér má kaupa vörur til styrktar skól­an­um.

Höf­undar eru með­stjórn­endur í stjórn CLF á Íslandi.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Ketill Sigurjónsson
Sífellt ódýrari vindorka í Hörpu
Kjarninn 11. nóvember 2019
Samherji sendir yfirlýsingu vegna yfirvofandi umfjöllunar RÚV
Útgerðarfyrirtækið Samherji hefur sent frá sér yfirlýsingu, vegna yfirvofandi umfjöllunar RÚV.
Kjarninn 11. nóvember 2019
Magnús Halldórsson
Brjálæðið og enn of stór til að falla
Kjarninn 11. nóvember 2019
28 milljónir í launakostnað ólöglegu Landsréttardómaranna
Laun þriggja þeirra fjögurra dómara við Landsrétt, sem mega ekki dæma eftir að Mannréttindadómstóll Evrópu sagði skipan þeirra ólögmæta, kalla á 28 milljón króna viðbótarútgjöld ríkissjóðs.
Kjarninn 11. nóvember 2019
Allt að tólf mánaða bið eftir sálfræðiviðtali fyrir börn
Mik­ill munur er á biðtíma eftir tíma með sálfræðing eftir lands­hlut­um. Á Suðurlandi getur biðin eftir tíma verið allt að tíu mánuðir en hjá geðheilsuteymum höfuðborgarsvæðisins er ekki bið eftir sálfræðiþjónustu.
Kjarninn 11. nóvember 2019
Hraðhleðslustöðvum fjölgar um 40 prósent
Orkusjóður hefur úthlutað styrkjum til uppsetningar 43 nýrra hraðhleðslustöðva vítt og breitt um landið. Ísland er í öðru sæti í heiminum hvað varðar hlutfall rafbíla og tengiltvinnbíla af fjölda nýskráðra bifreiða.
Kjarninn 11. nóvember 2019
Róbert Wessman
Róbert Wessman stækkar hlut sinn í Sýn
Félög sem Róbert Wessman fer með yfirráð yfir eiga nú 7,64 prósent hlut í fjar­skipta- og fjöl­miðla­fé­laginu Sýn.
Kjarninn 11. nóvember 2019
Miðflokkurinn birti þessa mynd á meðan að málþófið stóð yfir.
Málþóf Miðflokksins og annað annríki kostaði 40 milljónir
Málþóf í vor gerði það að verkum að yfirvinna starfsmanna Alþingis í tengslum við þingsalinn var tvöfalt meiri en vanalega. Álagið var álíka mikið hjá þeim sem starfa á nefndarsviði. Afleiðingin var óvæntur kostnaður upp á tugi milljóna.
Kjarninn 11. nóvember 2019
Meira úr sama flokkiAðsendar greinar