Komur og brottfarir – #ekki í mínu nafni!

María Pétursdóttir segir að endursendingar barna og fólks í viðkvæmri stöðu aftur til Grikklands séu klárlega ekki framkvæmdar í hennar nafni!

Auglýsing

Á síð­ustu dögum og vikum hafa íslensk stjórn­völd ákveðið að senda a.m.k. fimm barna­fjöl­skyldur aftur til Grikk­lands þar sem þær hafa hlotið svo­kallað alþjóð­lega vernd og jafn­vel gengið svo langt að leigja einka­flug­vél undir fólks­flutn­ing­ana svo far­angrinum verði tryggi­lega skil­að. Búið er að fresta brott­flutn­ingi sumra þess­ara fjöl­skyldna í tvígang núna með til­heyr­andi sál­ar­stríði fyrir þær en á meðan útlend­inga­stofnun okkar Íslend­ingar leitar allra leiða til að koma þessum sak­lausu börnum af sínu fram­færi leita grísk yfir­völd ásamt yfir­völdum margra ann­ara Evr­ópu­landa allra leiða til að koma þeim í örugga höfn einmitt til ann­ara betur settra landa í álf­unni enda bæði Grikk­land og Tyrk­land algjör­lega og löngu komin að þol­mörkum þegar kemur að mót­töku flótta­fólks.

Skila­frestur á fólki

Á tímum þar sem flótta­manna­straumur heims­byggð­ar­innar er hvað mestur síðan eftir seinna stríð eða þar sem 25 millj­ónir manna eru skil­greindir með stöðu flótta­manna og yfir 70 millj­ónir manna eru á hrakn­ingum frá heim­ilum sínum til lengri eða skemmri tíma er mál til komið að Íslend­ingar taki skýra afstöðu og leggi sitt að mörkum í við­leitni sinni til að veita mann­úð­ar­að­stoð í formi mót­töku flótta­fólks og taki á móti fleira flótta­fólki en gert hefur verið hingað til. Þá séu börn og barna­fólk sem hingað leitar alls ekki sent til baka í nafni Dyfl­inn­ar­reglu­gerðar sem ekki er nauð­syn­legt að beita en er notuð eins og afláts­bréf eða nóta með skila­frest á vöru.

Auglýsing
Ástandið fyrir botni Mið­jarð­ar­hafs er sér­lega ótryggt um þessar mundir en við heyrum skelfi­legar fréttir þaðan eftir að Tyrkir opn­uðu landa­mæri sín til Grikk­lands þar sem bíða nú tug­þús­undir flótta­manna inn­göngu en talið er að Sýr­lend­ingar í Tyrk­landi séu rúm­lega 3,5 millj­ónir manna.

Flótta­börn

Flestir þeir sem þurfa að flýja heim­ili sín og taka stöðu flótta­fólks er fólk af lægri stéttum þjóð­fé­lags­ins eða um 85% þess og má segja að það sé fólk sem dæmt er til úti­gangs. Um 40% þeirra sem nú haf­ast við í Grikk­landi og Tyrk­landi eru konur og börn.

Af börnum á flótta innan Sýr­lands hafa bara nú á síð­ustu tveimur mán­uðum verið stað­fest 32 dauðs­föll aðal­lega sökum kulda en á síð­ustu tveimur árum hafa einnig lát­ist í kringum þús­und börn á ári í sjálfum stríðs­á­tök­unum og yfir 29 þús­und börn frá upp­hafi stríðs­ins. Þessar tölur eru nístandi óhuggu­leg­ar.

Talið er að tæp­lega 6 milj­ónir Sýr­lend­inga séu á flótta í nágranna­ríkjum lands­ins, flestir þó í Tyrk­landi, en yfir 41 þús­und manns haf­ast við í flótta­manna­búðum á Grísku eyj­unum Les­bos og Sam­os. Þar hefst fólk við í tjöldum við veru­lega slæmar aðstæður þar sem kuldi og vos­búð er fastur liður auk þess sem aðgangur að hreinu vatni, hrein­læti og heil­brigð­is­þjón­ustu er af skornum skammti og aðeins hluti af börn­unum í búð­unum hafa aðgang að mennt­un. Þá eru börn á flótta sér­stak­lega útsett fyrir barna­þrælk­un, man­sali og kyn­ferð­is­legu ofbeldi. Kveikur á RÚV fjall­aði um stöðu flótta­manna á dög­unum og þeirra aðstæðna sem bíða þeirra sem þegar hafa hlotið svo­kall­aða vernd svo yfir­völdum ætti vel að vera ljóst hvað þessi börn hafa þegar gengið í gegnum og hvað bíður þeirra ef þau verða send til baka.

Vax­andi andúð og óboð­legar aðstæður

Andúð bæði grískra ráða­manna á flótta­fólk­inu sem og íbúa lands­ins fer auk þess vax­andi og nýnas­istar ann­ars staðar úr heim­inum flykkj­ast einnig til lands­ins til að taka á móti fólk­inu með ógeðs­legu ofbeldi í anda kyn­þátta­hat­urs hægri þjóð­ern­is­hyggju.

Þá höfum við séð fréttir af því nýlega hvernig 6 ára barn drukkn­aði við strönd Les­bos eftir að gríski her­inn og land­helg­is­gæslan reyndu ítrekað að velta bát flótta­fólks­ins á hlið­ina og 22 ára Sýr­lend­ingur var skot­inn til bana við kom­una til lands­ins. Það ríkir því sann­ar­lega stríðs­á­stand í kringum grísku flótta­manna­búð­irnar núna og aðstæður á engan hátt boð­legar börn­um. Þá er ástandið í heim­inum hvað varðar kór­óna­veiruna ekki farið að lita fréttir þaðan enn og er senni­lega bara tíma­spurs­mál hvenær sá skellur verð­ur.

Sið­ferð­is­skortur yfir­valda

Bæði Rauði krossinn, UNICEF og aðrar hjálp­ar­stofn­anir hafa mót­mælt aðgerðum Íslenska rík­is­ins og aðferðum þess við mála­rekstur barna­fólks á flótta og hefur almenn­ingur fundið sig ítrekað knú­inn til að mæta til mót­mæla í hörku­frosti eða þurft að skrifa undir und­ir­skrifta­lista til að mót­mæla end­ur­send­ingum barna­fjöl­skyldna til Grikk­lands. Yfir­völd starfa ekki í anda þeirra laga og sið­ferðis sem við höfum sam­ein­ast um sem sam­fé­lag svo sem Barna­sátt­mála sam­ein­uðu þjóð­anna og ann­ara alþjóð­legra skuld­bind­inga auk þess að meta ekki við­kvæma stöðu ein­stak­linga út frá ráð­legg­ingum Sam­tak­anna 78 og ann­ara fag­að­ila sem koma að málum þess­ara til­teknu barna.

Þá er aug­ljóst að vilji almenn­ings og yfir­valda í útfærslu Útlend­inga­stofn­unar til að sýna mannúð í verki stang­ast algjör­lega á og er það ólíð­andi. Útlend­inga­stofnun birt­ist almenn­ingi sem ein­hvers­konar ómennsk og jafn­vel fasísk mask­ína sem hefur yfir að ráða sinni eigin lög­reglu­her­deild til að vinna fyrir sig skít­verkin því hvað annað er hægt að kalla þær ómann­eskju­legu fram­kvæmdir sem nú standa fyrir dyr­um. Ef ekk­ert er að gert mun fas­ism­inn og kyn­þátta­for­dóm­arnir sem honum fylgir verða smám saman normaliseraðir í sam­fé­lagi sem hingað til hefur verið nokkuð vel mein­andi og víð­sýnt.

Barna­sátt­mál­inn hafður að háði og spotti

Þýsk stjórn­völd héldu neyð­ar­fund nú á dög­unum í við­leitni sinni til að sækja 1500 flótta­börn til Grikk­lands og veita þeim land­vist­ar­leyfi og skora þau á stjórn­völd ann­ara vel­meg­andi Evr­ópu­landa að gera slíkt hið sama enda geti þær ekki horft upp á börn deyja við landa­mæri sín án þess að rétta þeim hjálp­ar­hönd, það stríði algjör­lega gegn þeirri sið­ferð­is­kennd sem þau hafi sett sér.

Á sama tíma og Þjóð­verjar hvetja til mann­úð­ar­að­gerða og mót­töku fleiri flótta­manna lýgur útlend­inga­stofnun í fjöl­miðlum og kæru­nefnd útlend­inga­mála synjar börnum á flótta um að tjá sig sér­stak­lega, ruglar í sál­ar­lífi þeirra með því að gefa þeim mis­vísandi skila­boð um veru sína hér og barna­sátt­mál­inn og rétt­ar­farið er bein­línis haft að háði og spotti.



Erum við stað­föst og vilj­ug?

Við sem þjóð vorum ekki spurð þegar þáver­andi ráð­herrar settu landið okkar á lista hinna stað­föstu vilj­ugu þjóða árið 2003 og gerði okkur þar með með­sek í inn­rásinni í Írak sem bætti heldur betur glóðum á bál stríð­andi fylk­inga fyrir botni Mið­jarð­ar­hafs. Þau stríðs­á­tök hafa logað stöðugt síðan og við höfum illa nýtt tæki­færin til að axla ábyrgð á hlut okkar í þeim hörm­ung­um. Það þarf að breyt­ast strax og ber okkur að setja okkur mark­mið í mál­efnum flótta­fólks sem stand­ast okkar sið­ferð­is­kennd og sjálfs­myndar sem frið­elsk­andi og her­laus þjóð.

Ég skora á stjórn­völd og þær konur sem nú standa í for­svari mála­flokks­ins á Íslandi í dag þær Katrínu Jak­obs­dóttur for­sæt­is­ráð­herra og Áslaugu Örnu Sig­ur­björns­dóttur dóms­mála­ráð­herra að stöðva mann­fjand­sam­legar ákvarð­anir Útlend­inga­stofn­unar og standa við þá sátt­mála sem við höfum sam­þykkt að vinna eft­ir. Ég skora á sömu stjórn­völd að vernda börn á flótta sem hingað leita og hlusta á ráð­legg­ingar hjálp­ar­stofn­ana og félaga sem starfa í anda mann­úðar og rétt­læt­is, taka umsóknir til raun­veru­legrar efn­is­skoð­unar auk þess að fram­fylgja aug­ljósum vilja almenn­ings og vera stað­föst og viljug til að vernda börn sem hingað leita.

End­ur­send­ingar barna og fólks í við­kvæmri stöðu aftur til Grikk­lands eru klár­lega ekki fram­kvæmdar í mínu nafni!

Höf­undur er mynd­list­ar­mað­ur­/­kenn­ari, örorku­líf­eyr­is­þegi og aðgerð­ar­sinni.



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Hanna Katrín Friðriksson, þingmaður Viðreisnar, bað um skýrsluna á sínum tíma.
Vill fá að vita af hverju upplýsingar um fjárfestingar útgerðarfélaga voru felldar út
Í lok ágúst var birt skýrsla sem átti að sýna krosseignatengsl eða ítök útgerðarfélaga í einstökum fyrirtækjum, en að mati þess þingmanns sem bað um hana gerði hún hvorugt. Síðar kom í ljós að mikilvægar upplýsingar voru felldar út fyrir birtingu.
Kjarninn 4. desember 2021
Ingrid Kuhlman
Dánaraðstoð: Óttinn við misnotkun er ástæðulaus
Kjarninn 4. desember 2021
Guðni Th. Jóhannesson, forseti Íslands, ásamt Agnesi M. Sigurðardóttur, biskup Íslands.
Sóknargjöld lækka um 215 milljónir króna milli ára
Milljarðar króna renna úr ríkissjóði til trúfélaga á hverju ári. Langmest fer til þjóðkirkjunnar og í fyrra var ákveðið að hækka tímabundið einn tekjustofn trúfélaga um 280 milljónir króna. Nú hefur sú tímabundna hækkun verið felld niður.
Kjarninn 4. desember 2021
Íbúðafjárfesting hefur dregist saman á árinu, á sama tíma og verð hefur hækkað og auglýstum íbúðum á sölu hefur fækkað.
Mikill samdráttur í íbúðafjárfestingu í ár
Fjárfestingar í uppbyggingu íbúðarhúsnæðis hefur dregist saman á síðustu mánuðum, samhliða mikilli verðhækkun og fækkun íbúða á sölu. Samkvæmt Hagstofu er búist við að íbúðafjárfesting verði rúmlega 8 prósentum minni í ár heldur en í fyrra.
Kjarninn 4. desember 2021
„Ég fór með ekkert á milli handanna nema lífið og dóttur mína“
Þolandi heimilisofbeldis – umkomulaus í ókunnugu landi og á flótta – bíður þess að íslensk stjórnvöld sendi hana og unga dóttur hennar úr landi. Hún flúði til Íslands fyrr á þessu ári og hefur dóttir hennar náð að blómstra eftir komuna hingað til lands.
Kjarninn 4. desember 2021
Kynferðisleg áreitni og ofbeldi í álverunum og verklag þeirra
Alls hafa 27 tilkynningar borist álfyrirtækjunum þremur, Fjarðaáli, Norðuráli og Rio Tinto á síðustu fjórum árum. Kjarninn kannaði þá verkferla sem málin fara í innan fyrirtækjanna.
Kjarninn 4. desember 2021
Inga Sæland er hæstánægð með nýja vinnuaðstöðu Flokks fólksins og ljóst er á henni að það skemmir ekki fyrir að Miðflokkurinn neyðist til að kveðja vinnuaðstöðuna vegna mjög dvínandi þingstyrks.
Inga Sæland tekur yfir skrifstofur Miðflokksins og kallar það „karma“
„Hvað er karma, ef það er ekki þetta?“ segir Inga Sæland um flutninga þingflokks Flokks fólksins yfir í skrifstofuhúsnæði Alþingis þar sem níu manna þingflokkur Miðflokksins, sem í dag er einungis tveggja manna, var áður til húsa.
Kjarninn 3. desember 2021
Pawel Bartoszek
Samráðið er raunverulegt
Kjarninn 3. desember 2021
Meira úr sama flokkiAðsendar greinar