Græna leiðin úr kófinu

Kristján Guy Burgess leggur til tíu nauðsynlegar aðgerðir sem geta formað grænu leiðina út úr þeim aðstæðum sem nú ríkja.

Auglýsing

Næsti áfangi í bar­átt­unni við afleið­ingar heims­far­ald­urs­ins verður æði stremb­inn. Það er þó nauð­syn­legt að líta upp og lengra fram og sjá hvort í stöð­unni geti leynst ný von um betri tíð, grænt ljós skíni skært í gegnum kóf­ið. 

Eld­ur­inn hefur verið slökktur en reykj­ar­kóf og rústir blasa við. Mesta atvinnu­leysi í sögu þjóð­ar­inn­ar, stærsta atvinnu­greinin á brún hengiflugs­ins, afkoma fjöl­margra heim­ila í hættu. Heims­mark­að­ur­inn í dýpsta vanda í 90 ár. Ham­fara­hlýnun handan við horn­ið. Þá er auð­velt að verða svart­sýnn.

En böl­móður er slappur drif­kraftur og ef rétt er á haldið getur græna leiðin lagt af mörkum til að forða næstu vá og skapað Íslend­ingum áður óþekkt tæki­færi til atvinnu­sköp­unar og grænnar fram­tíð­ar.

Nú þarf frum­kvæði, að marka völl­inn og setja regl­ur. Sækja fram. Ef gul­rætur virka ekki, þarf að finna prik. Stjórn­mála­fólk verður að taka utan um verk­efnið og leiða þjóð­ina áfram. Þá þurfa fyr­ir­tæki og fjár­festar að grípa færin sem opn­ast fyrir þeim. Ætli okkur að takast að mæta lofts­lags­vánni og sigr­ast á henni, er ekki hægt að bíða leng­ur.

Hér eru 10 aðgerðir sem forma grænu leið­ina út úr kóf­inu:

1. Grænir björg­un­ar­pakkar

Fyrir fram­tíð­ar­upp­bygg­ing­una þarf ríkið að koma enn sterkar að borð­inu en hingað til. Tengja ætti skamm­tíma­að­gerðir og útgjöld úr sam­eig­in­legum sjóðum við lang­tíma­mark­mið um græna fram­tíð og aðgerðir í umhverf­is­mál­um. Þetta er meg­in­stef í evr­ópskri umræðu en skortir á að birt­ist með skýrum hætti í raun­veru­legum aðgerðum stjórn­valda hér.

2. Grænt lang­tímaplan (Green New Deal)

Ná sam­stöðu um Grænt plan í efna­hags­málum til 2030. Í því sé tek­ist á við lofts­lags­vána og lagðar línur fyrir sjálf­bæran efna­hags­vöxt með fjár­fest­ingu í því sem bætir umhverfið og skapar ný tæki­færi í grænni atvinnu­starf­semi. Í grænu lang­tímaplani er sér­stak­lega unnið að því að styðja við græna nýsköpun sem þarf að byggja á vel ígrund­uðu og ærlegu mati um sam­keppn­is­hæfni og sam­keppn­is­stöðu íslenskrar nýsköp­un­ar. 

3. Sjálf­bær ferða­þjón­usta

Ferða­þjón­usta verður aftur lyk­ilat­vinnu­grein á Íslandi en end­ur­bygg­ing grein­ar­innar verður að verða á sjálf­bær­ari grunni en áður. Ísland féll á síð­asta ári niður í 30. sæti á lista Alþjóða­efna­hags­ráðs­ins um sam­keppn­is­hæfni ferða­þjón­ustu og skorar ekki nógu hátt í mæli­kvörðum um sjálf­bærni. Hér er lagt til að bankar kanni ræki­lega for­sendur þess að gefa út græn skulda­bréf til að fjár­magna aðgerðir til að byggja upp sjálf­bæra ferða­þjón­ustu. Það yrði góður fjár­fest­ing­ar­kostur fyrir inn­lenda fjár­festa og mögu­legt er að útfæra leiðir þannig að alþjóð­legt fjár­magn verði virkjað fyrir inn­lenda upp­bygg­ing­u. 

Góð fyr­ir­tæki sem glíma við lausa­fjár­skort en hafa skýrar fram­tíð­ar­á­ætl­anir um grænan vöxt ættu að njóta góðs af þessu og útgáfa af þessu tagi ætti að geta aukið aðdrátt­ar­afl lands­ins veru­lega þegar ábyrgir ferða­menn leita að nýjum stöðum til að sækja heim. 

Auglýsing
Nú er tæki­færi til að skipta út bíla­leigu­flot­anum fyrir raf­bíla, hugsa almenn­ings­sam­göngur upp á nýtt, gera stífar umhverfis­kröfur á gisti­staði og gera allt til að skara framúr á alþjóða­vísu í umhverf­is­vænni ferða­mennsku: það mun ríma vel við mark­aðsá­tak um hreina og stór­feng­lega nátt­úru Íslands. Massa­t­úrismi drif­inn áfram af lág­launa­störf­um, er ekki það sem sjálf­bær fram­tíð Íslands þarf á að halda. Í hinu liggja hins vegar ótal tæki­færi.

4. Hrað­ari orku­skipti

Útblástur frá vega­sam­göngum er fimmt­ungur af allri losun á Íslandi með til­heyr­andi mengun og önd­un­ar­færa­sjúk­dóm­um. Loft­gæði síð­ustu vikna, minni umferð og heið­ari him­inn, sýnir hvernig veru­leik­inn getur ver­ið, að meng­unin er ekki óhjá­kvæmi­leg. Við­brögðin við kór­óna­veirunni sýna líka að fólk getur þolað ýmsar tak­mark­anir ef mark­miðið er að vernda heilsu og líf sam­borgar­anna. 

Það er því tíma­bært að flýta öllum mark­miðum um orku­skipti í sam­göngum og skipta bíla­flot­anum hraðar út en áður hafði verið áætl­að. Hér þarf að gera auð­veld­ara að eiga og reka raf­bíla en hugs­an­lega einnig að grípa til nýrra úrræða eins og að setja tak­mark­anir á inn­flutn­ing á olíu og meng­andi far­ar­tæki. Vetni gæti verið eft­ir­sókn­ar­vert fyrir stærri öku­tæki og skipa­flot­ann og þess virði að ýta á þá þróun hér á landi með fremstu alþjóð­legu sam­starfs­að­il­um. Áfram þarf að byggja stíga fyrir hjólandi og gang­andi, nú þegar allir eru að hreyfa sig meir en áður. Þetta yrði atvinnu­skap­andi og afar arð­bært til lengri tíma.

5. Kolefn­is­hlut­leysi 2030

Kór­óna­veiran hefur svipt marga tíma­skyn­inu og mark­mið langt fram í tím­ann hljóma ótrú­verðug og mark­laus. Áður en veiran birtist, var ham­fara­hlýn­unin búin að láta finna ærlega fyrir sér. Nú er því nauð­syn að setja metn­að­ar­full mark­mið til skemmri tíma. Rík­is­stjórnin ætti því strax að upp­færa mark­miðið um kolefn­is­hlut­leysi 2040 og setja sér mark­mið um kolefn­is­hlut­leysi eigi síðar en 2030. Miðað við árang­ur­inn sem náðst hefur í bar­áttu við far­sótt á átta vik­um, verður góður mögu­leiki á að ná mark­verðum árangri á næsta ára­tug. Vilji er allt sem þarf!

6. Grænn iðn­aður í stað útblást­urs

Yfir 40% af útblæstri Íslands er frá iðn­aði, mest frá málm­iðn­aði sem hefur aukið útblástur þrefalt frá því skrifað var undir Kyoto-­bók­un­ina. 

Stjórn­völd þurfa að búa sig undir að Rio Tinto Alcan loki verk­smiðj­unni í Straums­vík með til­heyr­andi afleið­ingum fyrir starfs­fólk og þá sem lifa á þjón­ustu við álver­ið. Það kallar á við­búnað og mót­væg­is­að­gerðir fyrir þá sem eru háðir álver­inu um lífs­af­komu. Þá mun gríð­ar­legt magn af orku verða í leit að nýjum kaup­endum og risa­vaxið verk­efni verður að nýta hana í spenn­andi nýsköp­un. 

Sam­keppn­is­hæfni íslenskrar orku verður að fel­ast í hag­stæðu verði og öruggri afhend­ingu, en einnig því að vinna með fyr­ir­tækjum á mörk­uðum þar sem upp­runi end­ur­nýj­an­legrar orku ræður úrslitum í sam­keppni og umhverf­is­sjón­ar­mið skipta kaup­endur öllu. Hér er kom­inn einn af lyklunum að fram­tíð­ar­stöðu Íslands og stjórn­völd verða að finna réttu leið­ina fram.

7. Fjár­fest­ing í lofts­lags­að­gerðum erlendis

Til að upp­fylla mark­mið Par­ís­ar­sam­komu­lags­ins þarf að draga úr útblæstri heima fyr­ir, en ríki verða líka að líta út fyrir eigin landa­mæri. Það sem gæti skilað mestum árangri er að fjár­festa í verk­efnum og aðgerðum fyrir lofts­lagið á þeim svæðum sem munu vaxa hrað­ast á næstu árum. Hér er lagt til að íslensk stjórn­völd taki frum­kvæði í að setja upp fjár­fest­inga­fé­lag sem fjár­festir í lofts­lags­verk­efnum í þró­un­ar­löndum og leggi þannig beint af mörkum í aðgerðum til orku­skipta og tækni­þró­unar í þró­un­ar­lönd­um. 

Fjár­fest­inga­fé­lög af þess­ari gerð hafa verið rekin með góðum árangri í nágranna­lönd­unum í ára­tugi. Hér er nauð­syn­legt að tvennt ger­ist í einu – verk­efnin séu sam­starfs­verk­efni með leið­andi þjóð­um, fyr­ir­tækjum og alþjóða­stofn­unum til að fénu verði vel varið og skili góðum árangri og góðri ávöxt­un. Hins vegar þarf að vinna að því að fram­lög til slíkra verk­efna gagn­ist sem við­ur­kennt fram­lag Íslands til lofts­lags­mála. Árang­ur­inn af þess­ari aðgerð mun liggja í góðri útfærslu henn­ar.

8. Sókn í grænum fjár­fest­ingum

Aldrei hefur verið meiri þörf á að virkja saman krafta opin­berra aðila og einka­fram­taks­ins til að ná árangri í lofts­lags­mál­um. Grænar fjár­fest­ingar eru leiðin til að tengja fjár­magn og mark­mið en þar eru Íslend­ingar því miður miklir eft­ir­bátar nágranna­ríkj­anna. Gríð­ar­leg tæki­færi fel­ast í grænum fjár­fest­ingum á næstu árum og ára­tugum eins og sést af því að á meðan heim­ur­inn glímir við efna­hags­legar afleið­ingar heims­far­ald­urs, hafa sjóðir sem ein­beita sér að grænum fjár­fest­ingum náð mark­vert betri árangri en aðr­ir. Fyrir græna fram­tíð Íslands þarf að marka rammann fyrir grænar fjár­fest­ing­ar, setja fjár­mála­fyr­ir­tækjum og líf­eyr­is­sjóðum reglur um fjár­fest­ingar og vinna að því að búa til raun­veru­legan grænan fjár­mála­markað hér á landi. Mögu­leik­arnir eru óþrjót­andi.

9. Græn mark­aðs­setn­ing á útflutn­ingi

Til að Ísland nái sér á strik eftir heims­far­ald­ur­inn, þarf að auka verð­mæti á íslenskum útflutn­ingi. Stefnu­mótun Íslands­stofu hefur dregið fram að sjálf­bærni sé lyk­il­hug­tak fyrir mark­aðs­setn­ingu á íslenskum vör­um. Villtur íslenskur þorskur, ýsa og karfi, sem veidd eru á feng­sælum miðum þar sem auð­lind er stýrt út frá sjálf­bærni­sjón­ar­mið­um, og unnin í hátækni­um­hverfi þar sem hámarks­nýt­ingu á hrá­efni er náð, ættu að verða enn eft­ir­sótt­ari vara hjá erlendum neyt­endum með mikla kaup­getu. Ef græna leiðin verður farin eftir kór­óna­veiruna, mun það geta gagn­ast öllu mark­aðs­starfi á íslenskum vörum á alþjóða­mörk­uðum gríð­ar­lega og gefið for­skot í keppni um verð­mæta við­skipta­vini.

10. Alþjóð­legt frum­kvæði

Íslensk stjórn­völd þurfa að vera ófeimin við að taka frum­kvæði í alþjóð­legri umræðu um umhverf­is­mál og aðgerðir gegn lofts­lags­vánni á grund­velli þess­arar grænu leið­ar. Þegar hafa nor­rænir for­sæt­is­ráð­herrar ákveðið að tala einni röddu á stóra svið­inu og það þarf ekki að fjöl­yrða um hversu hátt sá söngur getur hljó­mað ef allir eru með. Gang­ist Ísland fyrir átaki Norð­ur­land­anna um græna leið úr kóf­inu, getur það opnað nýjar dyr. Það er alls staðar þorsti eftir hug­myndum og leiðum þar sem heim­ur­inn getur fundið ráð gegn næstu vá, sem verður vegna ham­fara­hlýn­un­ar. 

Við höfum staðið saman gegn veirunni en til að bjart­ari fram­tíð taki við eftir efna­hags­þreng­ingar og atvinnu­þref, verða stjórn­völd að taka for­yst­una. Það verður líka að eiga sér stað hug­ar­fars­breyt­ing meðal almenn­ings og hjá atvinnu­líf­inu. Allir verða að vera til­búnir að vinna saman fyrir stærri mark­mið í bar­átt­unni við næstu vá og fyrir betri heim­i. 

Þetta eru tíu hug­myndir um hvernig græna leiðin getur litið út. Ég er sann­færður um að hún muni geta skapað Íslandi ótal tæki­færi. Það er ekki eftir neinu að bíða.



Höf­undur hefur starfað í stjórn­málum og er ráð­gjafi um ábyrgar fjár­fest­ing­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
ESA hefur verið með augun á íslensku leigubílalöggjöfinni allt frá árinu 2017.
ESA boðar samningsbrotamál út af íslensku leigubílalöggjöfinni
Þrátt fyrir að frumvarp um breytingar á lögum liggi fyrir Alþingi sendi Eftirlitsstofnun EFTA íslenskum stjórnvöldum bréf í dag og boðar að mögulega verði farið í mál út af núgildandi lögum, sem brjóti gegn EES-samningnum.
Kjarninn 20. janúar 2021
Joe Biden, forseti Bandaríkjanna, sór embættiseið sinn fyrr í dag.
Biden: „Það verður enginn friður án samheldni“
Joe Biden var svarinn í embætti forseta Bandaríkjanna fyrr í dag. Í innsetningarræðu sinni kallaði hann eftir aukinni samheldni meðal Bandaríkjamanna svo að hægt yrði að takast á við þau erfiðu verkefni sem biðu þjóðarinnar.
Kjarninn 20. janúar 2021
Helgi Hrafn Gunnarsson
Mikið fagnaðarefni að „nýfasistinn og hrottinn Donald Trump“ láti af embætti
Þingflokksformaður Pírata fagnar brotthvarfi Donalds Trump úr embætti Bandaríkjaforseta og bendir á að uppgangur nýfasisma geti átt sér stað ef við gleymum því að það sé mögulegt.
Kjarninn 20. janúar 2021
Frá miðstjórnarfundi hjá Alþýðusambandi Íslands í febrúar árið 2019.
Segja skorta á röksemdir fyrir sölu á hlut ríkisins í Íslandsbanka
Miðstjórn ASÍ mótmælir harðlega áformum um sölu á hlut ríkisins í Íslandsbanka, segir flýti einkenna ferlið og telur að ekki hafi verið færðar fram fullnægjandi röksemdir fyrir sölunni.
Kjarninn 20. janúar 2021
Gosi – ævintýri spýtustráks
Öll viljum við vera alvöru!
Leiklistargagnrýnandi Kjarnans fjallar um sýninguna Gosi – ævintýri spýtustráks sem sýnd er í Borgarleikhúsinu.
Kjarninn 20. janúar 2021
Á nýrri tölfræðisíðu sem sett var í loftið í dag má fylgjast með framgangi bólusetningar gegn COVID-19 hér á landi.
Tæplega 500 manns hafa þegar fengið tvær sprautur
Búið er að gefa rúmlega 40 prósent af Íslendingum yfir 90 ára aldri a.m.k. einn skammt af bóluefni og tæp 13 prósent þeirra sem eru 80-89 ára. Ný tölfræðisíða um bólusetningu hefur verið sett í loftið á vefnum covid.is.
Kjarninn 20. janúar 2021
Ágúst Ólafur Ágústsson.
Ágúst Ólafur verður ekki í framboði fyrir Samfylkinguna í næstu kosningum
Annar oddviti Samfylkingarinnar í Reykjavíkur verður ekki á lista hennar í komandi þingkosningum. Hann bauðst til að taka annað sætið á lista en meirihluti uppstillingarnefndar hafnaði því.
Kjarninn 20. janúar 2021
Rústir hússins að Bræðraborgarstíg 1 standa enn, yfir hálfu ári eftir að það brann.
Rannsaka ætluð brot eiganda Bræðraborgarstígs 1
Lögreglan á höfuðborgarsvæðinu er með til skoðunar ætlað brot fyrrum eiganda Bræðraborgarstígs 1 á byggingarreglugerð. HMS segir að eigandanum hafi borið að tryggja brunavarnir hússins og þær ekki reynst í samræmi við lög.
Kjarninn 20. janúar 2021
Meira úr sama flokkiAðsendar greinar