Pólitíkin og eiginhagsmunirnir á bak við stríðið gegn offitu – II. hluti

Tara Margrét Vilhjálmsdóttir fjallar um veikan grunn fyrir flokkun offitu sem áhættu­þátt fyrir COVID-19 og hversu mik­il­vægt það sé fyrir heil­brigð­is­yf­ir­völd að skipta um takt. Hér kemur seinni hlutinn.

Auglýsing

Í yfir­stand­andi heims­far­aldri erum við flest þakk­lát fyrir það sem við höf­um, sorg­mædd yfir því sem við höfum misst en einnig standa uppúr nokkrir hlutir sem við sem sam­fé­lag þurfum að færa til betra horfs. Til dæmis var jað­ar­setn­ing fatl­aðs fólks áber­andi sem birt­ist meðal ann­ars í ann­mörkum sótt­varn­ar­bún­aðs og að ekki voru til við­bragsð­á­ætl­anir fyrir NPA-not­end­ur. Og okkur barst hróp­andi og end­an­leg stað­fest­ing á því að bar­áttan gegn offitu hér á landi er hápóli­tísk og lituð eig­in­hags­munum þegar „Leið­bein­ingar fyrir ein­stak­linga með áhættu­þætti fyrir alvar­legri COVID-19 sýk­ingu“ voru gefnar út 4. maí sl. af hálfu Land­lækn­is­emb­ætt­is­ins. 

Þar var „offita“ til­tekin sem einn af áhættu­þátt­un­um. Engar heim­ildir voru til­teknar fyrir þess­ari flokkun og var því send fyr­ir­spurn á þann aðila sem kom að samn­ingu leið­bein­ing­anna og mælti með flokk­un­inni. Við­kom­andi aðili er einnig einn þriggja höf­unda klínísku leið­bein­ing­anna sem voru til umfjöll­unar í fyrri hluta þess­arar greinar

Svörin voru á þá vegu að eft­ir­far­andi fjórar heim­ildir hefðu verið not­aðar til að styðja við flokk­un­ina; rann­sókn sem tók til 4.103 New York-­búa sem mæld­ust jákvæðir fyrir Covid-19. Töl­fræðin sýnir að af þeim sem þurftu á sjúkra­húsinn­lögn að halda voru 39,8% með offitu á meðan tíðni offitu meðal New York-­búa almennt eru 30,9%. Þar næst er um franska rann­sókn að ræða sem skoð­aði afdrif 124 sjúk­linga sem sýndi mun hærri tíðni offitu miðað við með­al­tal í Frakk­landi og svo tveir skoð­anapistlar

Auglýsing

Til við­bótar við þessar fjórar heim­ildir hefur skýrsla CDC einnig verið notuð þar sem 48% þeirra í 1.482 ein­stak­linga úrtaki voru feitir miðað við 42% í hinu almenna þýði. Við fyrstu sýn er það bara almenn skyn­semi að feitt fólk ætti að vera í meiri áhættu fyrir alvar­legum veik­indum vegna Covid-19. Feitt fólk er jú lík­legra til að vera með syk­ur­sýki, hjarta- og kransæða­sjúk­dóma, krabba­mein og þessir þættir leiða síðan til meiri áhættu vegna Covid-19. Þegar far­ald­ur­inn byrj­aði voru því við­vör­un­ar­bjöllur látnar glymja og ekki síst vegna þess að reynslan af svínafar­aldr­inum (H1N1) sýndi okkur að offita hafði þessi áhrif og var talin vera sjálf­stæður áhættu­þáttur fyrir alvar­legum afleið­ingum far­ald­urs­ins

Feitt fólk lík­legra en grannt fólk til að til­heyra lægri stéttum

Það sem er þó áhuga­verð­ast við þessar heim­ildir er ekki hvað kemur fram í þeim heldur hvað kemur ekki fram í þeim. Ekki er stjórnað fyrir lyk­il­þáttum eins og kyn­þætti, félags­legri- og efna­hags­legri stöðu ein­stak­ling­anna og gæði heil­brigð­is­þjón­ust­unnar sem þeir fá. Þetta eru þeir þættir sem ráða hvað mest um heilsu­far okkar og afkomu. 



Mynd: Aðsend



Feitt fólk er lík­legra en grannt fólk til að til­heyra lægri stéttum og búa almennt við slak­ari félags- og efna­hags­legri stöðu, sér­stak­lega feitar kon­ur. Það er vegna kerf­is­bund­innar mis­mun­unar sem þýðir að mis­munin á sér stað í öllum lögum sam­fé­lags­ins og allt frá blautu barns­beini til dán­ar­beðs. Feitir nem­endur mæta t.a.m. aðgeng­is­hindr­unum á skóla­ferli sínum þegar kemur að við­eig­andi vinnu­að­stöðu s.s. stólum og skrif­borð­u­m. 

Feitir nem­endur er ólík­leg­ari til að fá með­mæli frá kenn­urum til að sækja sér æðri menntun og eru álitnir skorta leið­toga­hæfni og orku. Þegar um strangt innu­töku­ferli er að ræða eru feitir nem­endur ólík­leg­ari til að vera sam­þykktir í fram­halds­nám. Á vinnu­mark­aði á feitt fólk erf­ið­ara með að fá vinnu, það er ólík­leg­ara til að fá stöðu- og launa­hækkun og er lík­leg­ara til að missa starf sitt en jafn­hæfir ein­stak­lingar sem eru ekki feit­ir. 

Áreiti og stríðni á vinnu­stað vegna þyngdar er algeng og feitar konur eru 10% lík­leg­ari til að vera fátækar en grannar kon­ur. Hvað varðar aðgengi að hús­næði er feitt fólk ólík­leg­ara til að fá leigu­hús­næði eða þarf að greiða hærri leigu. Feitar konur eru lík­legri til að vera dæmdar sekar fyrir sama glæp og grannar kon­ur. Feitt fólk er frekar ein­mana og ólík­leg­ara til að eiga maka. Feitt fólk verður áreiti og upp­hróp­unum úti á götu, í rækt­inni, á veit­inga­stöðum og í mat­vöru­versl­un­um. Kommenta­kerfi og sam­fé­lags­miðlar hafa glætt fitu­smánun nýju líf­i. 

Þyngd feit­ari sjúk­linga talin hafa meira klínískt vægi

Þessi veika félags- og efna­hags­lega staða feitra leiðir til þess að hærra hlut­fall feitra er meðal lægri stétta en hærri stétta og lægri stéttir eru lík­legri til að vera settar fremst í víg­lín­una til að halda efna­hagnum gang­andi og er því lík­legra til að smit­ast af Covid-19. Af sömu ástæðum eru mun fleiri svartir Banda­ríkja­menn að deyja en hvít­ir, hlut­falls­lega séð og hafa verið færð rök fyrir því að það sé ekki húð­lit þeirra heldur kyn­þátta­for­dómum um að kenna

Verið getur að feitt fólk hafi jafn­framt minna aðgengi að grein­ingu og tím­an­legri heil­brigð­is­með­ferð vegna stöðu sinnar og/eða forð­ist að leita sér aðstoðar fyrr en ein­kennin eru orðin þeim mun alvar­legri í ljósi reynslu sinnar af fitu­for­dómum af hálfu heil­brigð­is­kerf­is­ins. Sjúkra­hús gera almennt ekki ráð fyrir feitu fólki og erfitt getur verið að finna nægi­lega stór rúm og tæki sem henta stærri lík­ömum. Heil­brigð­is­starfs­fólk er almennt ekki þjálfað til að sinna feitum lík­ömum og fær ekki tæki­færi til að þjálfa sig til þess í námi þar sem ekki er tekið við feitum líkum í kennslu­skyni

Því hefur einnig verið velt upp að feit­ari Covid-­sjúk­lingar séu frekar vigtaðir við inn­lögn en grannir þar sem þyngd þeirra er talin hafa meira klínískt vægi og því séu fyr­ir­liggj­andi gögn skekkt. Þessir þættir hafa veru­leg áhrif og geta skekkt töl­urnar svo um mun­ar. Munið þið til dæmis eftir þeirri stað­reynd sem ég nefndi áðan, að offita hefði verið sjálf­stæður áhættu­þáttur í svínaflensu­far­aldr­in­um? Í meta-­grein­ingu sem var gerð 2016 kom í ljós að þessi áhætta útskýrð­ist af einum og ein­ungis einum áhrifa­þætti; grannir sjúk­lingar voru lík­legri til að fá veiru­lyf. Að lokum var nið­ur­staðan sú að aukin áhætta meðal feitra skýrð­ist ein­göngu af verri heil­brigð­is­þjón­ustu en ekki holda­fari þeirra. 

Hvar var allt feita fólk­ið?

Annað sem ekki kemur fram eru þær rann­sóknir sem sýna fram á enga aukna eða mögu­lega minni áhættu af alvar­legum fylgi­kvillum Covid-19 fyrir feitt fólk. Af 31.096 dauðs­föllum vegna Covid-19 á Ítalíu voru 11% lát­inna feitir. Nýj­ustu tölur um tíðni offitu á Ítalíu sýndu að tíðnin var 19,9%. Skýrsla frá Bret­landi sýndi að engin áhætta fannst meðal feitra sjúk­linga sem lögð­ust inn á gjör­gæslu og að tíðni offitu meðal sjúk­linga sam­svar­aði tíðni offitu í sam­fé­lag­inu. Dönsk rann­sókn sem fylgdi eftir 9.519 inniliggj­andi sjúk­lingum með Covid-19 sýndi fram á að ein­ungis 12% þeirra féllu undir skil­grein­ingu um yfir­þyngd og offitu, þrátt fyrir að 51,9% Dana séu í yfir­þyngd og offitu. Ekki fund­ust hærri dán­ar­líkur meðal þessa hóps í rann­sókn­inni. Þetta er furðu­legar tölur og maður veltir fyrir sér hvernig í ósköp­unum það standi á því að svo fáir feitir Danir hafi lent inni á spít­ala vegna Covid-19. Getur verið að fita hafi vernd­andi áhrif? Það er erfitt að segja til um það en þegar nánar er rýnt í töl­urnar sést að aðeins 9,9% allra þeirra sem voru testuð fyrir sjúk­dómnum voru feit sem er langt frá því að sam­svara tíðni feitra í Dan­mörku. 

Hvar var allt feita fólk­ið? Af hverju skil­aði það sér ekki í grein­ing­u? 

Ég tel það vera vegna þess að það forð­að­ist að leita sér lækn­ingar vegna ótta við for­dóma en einnig vegna þess að því hafi ein­fald­lega verið neitað um test á grund­velli skekkju heil­brigð­is­starfs­fólks. Lík­ams­virð­ing­arakti­vistar hafa verið að heyra af slíkum til­fellum víðs­vegar um Evr­ópu. Það gæti líka útskýrt af hverju feitt fólk virð­ist í sumum rann­sóknum veikj­ast meira en aðrir hóp­ar.  Fólk fær heil­brigð­is­þjón­ust­una alltof seint, þegar sjúk­dóm­ur­inn hefur fengið að þró­ast og grass­er­ast. 

Af feng­inni reynslu ættum við því að hafa var­ann á þegar við skil­greinum holda­far sem sér­stakan áhættu­þátt fyrir Covid-19 því að það er nær ómögu­legt að segja til um það ein­göngu út frá fylgni án þess að taka til­lit til fleiri sam­verk­andi þátta eins og þeirra sem hefur verið getið hér að ofan. Og það er einmitt ástæðan fyrir því að þessi flokkun hefur verið gagn­rýnd af heil­brigð­is­starfs­fólki og varnaglar settir við þá flokkun að offita skuli telj­ast áhættu­þáttur fyrir Covid-19.

Varðar líf og dauða

En af hverju er ég nú einu sinni að spá í þessu? Er það ekki bara jákvætt að offita sé talin áhættu­hópur alveg sama af hverju sú flokkun er til­kom­in? Gerir það ekki að verkum að heil­brigð­is­starfs­fólk verði sér­stak­lega með­vitað um hætt­urnar og sinni feitu fólki bet­ur? Við fyrstu sýn mætti túlka flokk­un­ina þannig. En lík­ams­virð­ing­arakti­vistar víða um heim eru hins­vegar smeykir við að þessi flokkun verði notuð til að for­gangs­raða fólki í nauð­syn­lega heil­brigð­is­þjón­ustu ef að kerfið yfir­fyllist og velja þurfi hver fái að lifa. Áhættu­hópar færu þá aft­ar­lega í röð­ina og fengju síður þjón­ust­u. 

­Með öðrum orðum þá varða þessar vanga­veltur mínar líf og dauða. Og það er ástæðan fyrir því að ákveðið var að gera opið ákall til heil­brigð­is­yf­ir­valda í Evr­ópu um að forð­ast slíka for­gangs­röð­un, kafa dýpra ofan í töl­urnar og gögnin sem við höfum og nýta þver­fag­lega nálgun við túlkun þeirra ásamt því að gera sér­staka aðgerð­ar­á­ætlun til að forð­ast for­dóma og mis­munun á grund­velli holda­far við með­ferð Covid-19. Ákallið má finna hér.

Aðrir þættir sem þarf einnig að hafa í huga er kvíð­inn og skömmin sem mynd­ast meðal feitra við að vera skil­greindir innan áhættu­hóps, aukn­ingu fitu­for­dóma og smán­unar frá sam­fé­lag­inu og áhrif á lífs­gæði en áhættu­hópum er haldið frá vinnu og félags­lífi lengur en hópum sem telj­ast ekki í áhættu. Kali­forn­íu­ríki hlust­aði á ákallið og lagði blátt bann við hvers­konar mis­munun á grund­velli kyn­þátt­ar, ald­urs, fötl­unar og þyngdar.

Kannski mest afhjúp­andi atriðið um rör­sýn­ina við flokkun feitra í áhættu­hóp í íslenskum leið­bein­ingum er að þegar þær voru gefnar út 4. maí var sér­stakur dálkur sem inni­hélt „hugs­an­lega áhættu­hópa“, þ.e. hópar sem var grunur um að væru í meiri áhættu en ekki var hægt að slá því föstu fyrir á grund­velli fyr­ir­liggj­andi upp­lýs­inga. Þrátt fyrir að það hafi verið tekið fram í leið­bein­ing­unum að orsaka­sam­band offitu og Covid-19 væri ekki þekkt var offita samt sett undir stað­festa áhættu­þætti. Í lista yfir til­gátur til að skýra tengslin voru ein­ungis lækn­is­fræði­legar skýr­ingar

Feitt fólk á betra skilið

Slík rör­sýni er hættu­leg. Slík rör­sýni leiðir til þess að loka­út­koman er alltaf skekkt, ekki byggð á fyr­ir­liggj­andi gögnum og það er eitt­hvað sem við köllum léleg vís­indi og þá sér­stak­lega léleg heil­brigð­is­vís­indi. Feitt fólk á betra skilið eftir fúskið sem við höfum þurft að þola af höndum heil­brigð­is­vís­inda sl. ára­tugi, eftir alla fylgi­kvill­ana, allan lík­am­lega, and­lega og félags­lega sárs­auk­ann og öll ótíma­bæru dauðs­föll­in. 

Á sama tíma og heil­brigð­is­yf­ir­völd og heil­brigð­is­starfs­fólk skamma okkur fyrir að treysta þeim ekki betur gera þau ekk­ert til að ávinna sér traust okk­ar. Þvert á móti standa þau föst við sinn keip og halda áfram að hunsa aðrar fræða­nálg­anir og skaða­minnk­andi heilsu­fars­að­ferðir sem hafa ávinn­ing fyrir okkur öll, ekki bara feitt fólk. 

Ef að við ætlum að berj­ast gegn þeim sam­fé­lags­kvillum sem hærri þyngd hefur í för með sér getum við ekki hunsað það að reynsla af fitu­for­dómum ber ábyrgð á nærri þriðj­ungi þeirra4 og eykur líkur feitra á snemm­bærum dauða um 60%. Það er ekki vinn­andi vegur að ætla að skapa heil­brigð­ar­ara sam­fé­lag án þess að vinna gegn mis­munun og skað­legum afleið­ingum þyngd­ar­tap­stil­rauna og megr­ana í leið­inni. Það er reyndar hætta á að við vinnum meiri skaða en ella. 

Nauð­syn­legt að taka til­lit til fleiri fræði­legra nálgana

Og það er einmitt nið­ur­staða hóps heil­brigð­is­starfs­fólks og fræða­fólks sem klauf sig frá vinnu­hópi danskra heil­brigð­is­yf­ir­valda um offitu í mót­mæla­skyni fyrir skömmu, þar á meðal ein stærstu dönsku lækna­sam­tökin (Dansk Selskab for Almen Med­icins). Til­gangur vinnu­hóps­ins var að útfæra verk­lag um hvernig sveit­ar­fé­lög gætu fundið feitt fólk í sam­fé­lag­inu og boðið þeim aðstoð við þyngd­ar­tap­stil­raun­ir. Þrátt fyrir að hópur lækna, sál­fræð­inga, sjúkra­þjálfa, sið­fræð­inga og nær­ing­ar­fræð­inga bentu ítrekað á að um væri að ræða aðferð sem hefði enga heilsu­bót í för með sér heldur þver­öf­ugt og hefði jafn­framt þá áhættu að auka við for­dóma og mis­munun stóð danska heil­brigð­is­ráðu­neytið fast við sinn keip og því fór sem fór. 

Sá hópur sem klauf sig frá stofn­uðu Lig­evægt, þver­fag­leg sam­tök hvers til­gangur er að end­ur­hugsa og skil­greina það hlut­verk sem lík­ams­þyngd gegnir í heil­brigð­is­kerf­inu og í sam­fé­lag­inu almennt. Sam­tökin við­ur­kenna að hin þyngd­ar­mið­aða nálgun hafi ráðið för þegar kemur að rann­sóknum og stefnu­mótun innan heil­brigð­is­kerf­is­ins og að nauð­syn­legt sé að taka til­lit til fleiri fræði­legra nálgana og að þær skuli allar vega jafn þungt. Sér­stök áhersla er lögð á skað­legar afleið­ingu fitu­for­dóma og mis­mun­unar við þessa vinnu. Við erum sem sagt að byrja að sjá þyngd­ar­hlut­lausu nálg­un­ina festa ræt­ur, fræða­fólk er loks­ins byrjað að hlusta og sjá skóg­inn fyrir trján­um. 

Skera þarf upp herör gegn lífs­hættu­legum þyngd­ar­taps­bransa og fitu­for­dómum

Næstu skref velta á íslenskum heil­brigð­is­yf­ir­völd­um. Sam­kvæmt lögum um land­lækni og lýð­heilsu er mark­mið þeirra „að stuðla að heil­brigði lands­manna, m.a. með því að efla lýð­heilsu­starf og tryggja gæði heil­brigð­is­þjón­ustu og stuðla að því að lýð­heilsu­starf og heil­brigð­is­þjón­usta bygg­ist á bestu þekk­ingu og reynslu á hverjum tíma“. Sem stendur er ljóst að þetta ákvæði er ekki upp­fyllt þegar kemur að heil­brigð­is­þjón­ustu fyrir feita Íslend­inga. 

Heil­brigð­is­yf­ir­völd þurfa að taka það skref að stíga út fyrir við­tekin gildi og hugs­ana­hátt, rétt eins og verið er að gera í stríð­inu gegn fíkni­efn­um. Þeim ber að taka alvar­lega athuga­semdir feitra not­enda heil­brigð­is­þjón­ust­unnar um þá slæmu með­ferð sem þeir þurfa að þola. Þau þurfa að skera upp herör gegn lífs­hættu­legum þyngd­ar­taps­bransa, fitu­for­dómum og mis­munun ef þau vilja í raun og veru vinna gegn heilsu­farskvillum holda­fars. Og þau þurfa að end­ur­vinna sér traust feits fólks á heil­brigð­is­kerf­inu í stað­inn fyrir að velta ábyrgð­inni yfir á þolendur sína. 

Þetta eru ekki auð­veld verk­efni en þau eru nauð­syn­leg ef ætl­unin er að upp­fylla laga­á­kvæði um lýð­heilsu og gæði heil­brigð­is­þjón­ustu og ekki síst ef ætl­unin er að standa undir fyrsta og fremsta boð­orði heil­brigð­is­starfs­fólks: „First do no harm.“ 

Höf­undur er félags­­ráð­gjafi og for­­maður Sam­­taka um lík­ams­virð­ingu.

Hægt er að lesa fyrri hlut­ann hér

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Ráðast þyrfti í nauðsynlegar styrkingar vega vegna þungaflutninganna til og frá Mýrdalssandi.
Vikurnám á Mýrdalssandi myndi hafa „verulegan kostnað fyrir samfélagið“
Fullhlaðinn sex öxla vörubíll slítur burðarlagi á við 20-30 þúsund fólksbíla, bendir Umhverfisstofnun á varðandi áformaða vikurflutninga frá Mýrdalssandi til Þorlákshafnar. Ráðast þyrfti í mikla uppbyggingu vegakerfis vegna flutninganna.
Kjarninn 6. október 2022
Ólafur Þ. Harðarson prófessor emerítus í stjórnmálafræði.
„Íslendingar eiga langt í land“ með jöfnuð atkvæðavægis eftir búsetu
Frumvarp sem formaður Viðreisnar mælti fyrir á þingi í september myndi eyða misvægi atkvæða milli bæði flokka og kjördæma, eins og kostur er. Ólafur Þ. Harðarson telur að þingið ætti að samþykkja breytingarnar.
Kjarninn 6. október 2022
Fóru inn í tölvupósta Sólveigar Önnu og Viðars
Þá starfandi formaður Eflingar hafði aðgang að tölvupósthólfum fyrirrennara síns, Sólveigar Önnu Jónsdóttur, og fyrrverandi framkvæmdastjóra Eflingar, Viðars Þorsteinssonar, frá því í janúar á þessu ári og fram í apríl.
Kjarninn 6. október 2022
Hallarekstur SÁÁ stefnir í 450 milljónir
Færri innlagnir, færri meðferðir við ópíóðafíkn og sumarlokanir verður staðan hjá SÁÁ á næsta ári miðað við fyrirliggjandi fjárlagafrumvarp. Samtökin áætla að rekstrargrunnur samtakanna verði vanfjármagnaður um 450 milljónir króna á næsta ári.
Kjarninn 6. október 2022
Seðlabankinn hafnar því að aflétta leynd um ESÍ á grundvelli almannahagsmuna
Árið 2019 var ákvæði bætt við lög um Seðlabanka Íslands sem veitir bankanum heimild til að víkja frá þagnarskylduákvæði ef hagsmunir almennings af birtingu gagna vega þyngra en hagsmunir sem mæla með leynd.
Kjarninn 6. október 2022
Í austurvegi
Í austurvegi
Í austurvegi – Komdu í leirkerið 请君入瓮
Kjarninn 6. október 2022
Jón Björnsson, forstjóri Origo.
Eigið fé Origo margfaldast við söluna í Tempo fyrir 28 milljarða króna
Árið 2009 stofnuðu starfsmenn TM Software lítið hugbúnaðarfyrirtæki, sem nefnt var Tempo. Í dag er það metið á 85,4 milljarða króna og Origo var að selja hlut sinn í því á 28 milljarða króna. Við það fer eigið fé Origo úr níu milljörðum í 31 milljarða.
Kjarninn 6. október 2022
Kjartan Magnússon borgarfulltrúi bar tillöguna fram í borgarstjórn.
Borgarhverfi framtíðarinnar eða loftslagsskógur á Geldinganesi?
Tillögu sjálfstæðismanna í borgarstjórn Reykjavíkur um að skipuleggja Geldinganes undir íbúabyggð var hafnað á fundi borgarstjórnar á þriðjudag. Afar mismunandi sjónarmið komu fram um það hvernig skyldi nýta nesið til framtíðar.
Kjarninn 5. október 2022
Meira úr sama flokkiAðsendar greinar