Í umferð­inni er gott að geta gengið að því að ljósin á gatna­mótum hafa aðeins þrjá liti og þau hafa hvert um sig ákveðna og skýra merk­ingu. Öku­menn geta gengið að því vísu og þurfa ekki að velkj­ast í vafa um eitt né neitt. Grænt fær t.d. ekki breytta merk­ingu allt í ein­u. 

Þessir þankar vökn­uðu í huga mér þegar mér varð hugsað til stjórn­ar­skrár­innar sem Stjórn­laga­ráð sam­þykkti og afhenti Alþingi og þjóðin lýsti almennri ánægju með í þjóð­ar­at­kvæða­greiðslu árið 2012 og tal­aði þar mjög skýru máli. Hún gaf grænt ljós á þessa stjórn­ar­skrá sem hlotið hefur lof þjóð­ar­innar og líka fræði­manna um víða ver­öld. 

Liðin eru 8 ár, tvö kjör­tíma­bil, og flestir stjórn­mála­menn sem kjörnir hafa verið á þessu tíma­bili hafa í raun hegðað sér eins og þeir geti af ein­skæru sjálf­dæmi breytt grænu ljósi í rautt.

Við þekkjum það vel að veðrið á Íslandi er óút­reikn­an­legt og sí­felld­um breyt­ingum und­ir­orpið en þegar leik­regl­ur, lög og sið­ferði er orðið val­kvætt þá er fjand­inn laus.

Á skák­borði og í fót­bolta, svo dæmi séu tek­in, gilda ákveðnar leik­reglur eins og í umferð­inni. Rautt er rautt, gult er gult og grænt er grænt. 

Ég fæst við vatns­lita­málun í tóm­stundum og get leikið mér með liti, blandað t.d. saman rauðu og gulu og fengið út app­el­sínugult, blandað rauðu og grænu sem verður að brúnum lit, gulum og grænum og þá birtir yfir græna litn­um. En í umferð­inni er ekki hægt að stunda lita­blöndun og ekki heldur þegar kemur að grunn­gildum sam­fé­lags­ins eða leik­reglum í skák eða bolta­leik.

Alþing­is­menn eru í raun margir eins og vatns­lit­ir, þeim má blanda á alla ­veg­u og ef menn missa sig algjör­lega og fá blönd­unaræði og tapa all­ri lita­sýn þá verður bara til ein­hver ljótur drullu­pollur sem dugar bara í skugga eða til að túlka eitt­hvað ljótt og óspenn­andi.

Þegar alþing­is­menn leggj­ast gegn þjóð­ar­vilja eru þeir orðnir sem prinsipp­laus­ir og „gagns­lausir gutl­ar­ar“ sem sam­tvinna lygar, svo vitnað sé í Hina helgu bók, orðnir sem ljótur og óspenn­andi drullu­poll­ur, sem dugar bara til að mála skugga.

Nú er kom­inn tími til að hreinsa til. Þjóðin þarf hreint vatn og óbland­aða liti, þar sem hver litur hefur sína merk­ingu og eng­inn snar­brems­ar á grænu og stöðvar alla umferð og seg­ir: 

Fyrir mér var ljósið rautt! Ég ræð!

Stjórn­ar­skráin er á grænu ljósi skv. meiri­hluta þjóð­ar­innar og nú hafa yfir 17.500 manns skrif­aðu undir áskorun um að hún verði lög­fest. 

Rík­is­stjórn og Alþing­i! 

Það logar grænt ljós! 

Sjáið þið það ekki!

Höf­undur er fyrr­ver­andi sókn­­ar­­prest­­ur.