Frá endalokum að nýju upphafi í þremur skrefum

Ingrid Kuhlman segir að umbreytingar krefjist hugrekkis, þolinmæði og þess að gefa huganum tækifæri og rými til að endurskipuleggja sig.

Auglýsing

Oft upp­lifum við mót­læti og áskor­anir sem við mætum á lífs­leið­inni sem vonda atburði. Þetta herr­ans ár 2020 hefur kennt okkur að jafn­vel bestu áætl­an­irnar eru háðar duttl­ungum örlag­anna. Heim­ur­inn er í sárum og óör­ygg­i,  óstöð­ug­leiki, ófyr­ir­sjá­an­leiki og breyt­ingar eru alls ráð­andi. Ekki eru þó allir vega­tálmar slæmir – sér­stak­lega ef þeir gefa okkur tæki­færi til að staldra við og meta þá veg­ferð sem við erum á.  

Til að nýta okkur mót­lætið þurfum við að finna leið fram hjá vega­tálm­un­um. Þetta er ekki alltaf auð­velt og ekki nema eðli­legt að vilja halda í það sem hefur reynst okkur vel hingað til. Þessa dag­ana erum við öll á einn eða annan hátt að ganga í gegnum umbreyt­ingu. Í bók sinni Manag­ing Transitions frá árinu 2003 skil­greinir William Bridges þrjú þrep umbreyt­inga:

1. Enda­lok

Það sem allar umbreyt­ingar eiga sam­eig­in­legt er enda­lok – enda­lok sam­bands, starfs, mark­miða eða drauma. Þær hafa í för með sér við­skilnað við for­tíð­ina og krefj­ast þess að við sleppum hend­inni af því gamla. Kannski höfum við fengið upp­sagn­ar­bréf eða þurft að hætta rekstri. Eða verið full til­hlökk­unar að byrja í fram­halds­skóla en erum núna í fjar­kennslu á meðan félags­lífið hefur verið sett á bið. Vænt­ingar hafa brugð­ist. Flutn­ingur á milli landa eða lands­hluta inni­felur einnig enda­lok. Tölu­verður sárs­auki getur verið fólg­inn í því að kveðja gömlu sjálfs­mynd­ina og það er eðli­legt að vera sorg­mædd­ur, reiður eða ringlað­ur.

Auglýsing
Eina leiðin til að skapa rými fyrir eitt­hvað nýtt er að sleppa því sem var eða virkar ekki (leng­ur). Gagn­legt getur verið að telja upp allt sem muni breyt­ast eða verða öðru­vísi og velta síðan fyrir sér hvað sé hægt að gera til að koma aftur jafn­vægi á það sem hefur verið tekið í burtu eða breyst. Gott ráð er einnig að ímynda sér hvað 80 ára sjálfið myndi segja eða ráð­leggja. Átta­tíu ára sjálfið hefur upp­lifað allt og getur sefað ótt­ann, full­vissað okkur um að allt verði í lagi og gefið okkur kraft. Það getur verið okkur góður leið­sögu­mað­ur.

2. Hlut­lausa svæðið

Tím­ann milli þess sem var og verður - þegar hið gamla er farið en hið nýja ekki orðið fylli­lega sýni­legt og virkt - kallar Bridges hlut­lausa svæðið eða tóma­rúm­ið. Þetta tíma­bil er kjarn­inn í umbreyt­inga­ferl­inu og grunn­ur­inn að nýju upp­hafi. Hlut­lausa svæðið ein­kenn­ist oft af kvíða, ráða­leysi, sinnu­leysi og óör­yggi en er einnig tími end­ur­nýj­un­ar, sköp­un­ar, nýrra tæki­færa og nýrrar sýn­ar. Í tóma­rúm­inu getur brugðið til beggja vona. 

Til að kom­ast í gegnum hlut­lausa svæðið er mik­il­vægt að sætta sig við það að vera ekki búinn að finna út úr öllu. Ef við treystum ferl­inu munum við sjá ljós við enda gang­anna. Hlut­lausa svæðið getur fært okkur ný svör við gömlum vanda­málum og frá­bært tæki­færi til að læra nýja hlut­i. 

3. Nýtt upp­haf

Þriðja þrepið er þegar maður er til­bú­inn að skoða tæki­færin sem heim­ur­inn færir manni. Hvaða tæki­færi fel­ast í því að leita sér að nýju starfi eða stofna nýtt fyr­ir­tæki? Hvernig er hægt að nýta styrk­leika sína til að fóta sig á nýjum stað? Hvaða tæki­færi fel­ast í fjar­kennslu eða fjar­vinnu? Upp­hafið felur í sér nýjan skiln­ing, ný gildi, nýja sjálfs­mynd og ný við­horf. Nýju upp­hafi fylgir iðu­lega spenn­ing­ur, orka, lær­dómur og inn­blást­ur. Gott er að nota sjón­sköpun og sjá hið nýja fyrir sér ljós­lif­andi og í eins mörgum smá­at­riðum og hægt er. Þannig er hægt að skapa í hug­anum það sem við þráum í raun­veru­leik­an­um.

Umbreyt­ingar krefj­ast hug­rekkis, þol­in­mæði og þess að við gefum hug­anum tæki­færi og rými til að end­ur­skipu­leggja sig. Við getum ekki farið beint frá því gamla til þess nýja heldur þurfum að dvelja í tóma­rúm­inu. Um er að ræða ferð frá einni sjálfs­mynd til ann­arrar og hún tekur tíma. Við förum mis­hratt í gegnum umskipt­in. Ýmis atriði geta haft áhrif á hrað­ann eins og fyrri reynsla og hvort við höfðum sjálf frum­kvæði að breyt­ing­un­um. 

Grein­ar­höf­undur er fram­kvæmda­stjóri Þekk­ing­ar­miðl­unar og með meistara­gráðu í hag­nýtri jákvæðri sál­fræði.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ingrid Kuhlman
Dánaraðstoð: Óttinn við misnotkun er ástæðulaus
Kjarninn 4. desember 2021
Guðni Th. Jóhannesson, forseti Íslands, ásamt Agnesi M. Sigurðardóttur, biskup Íslands.
Sóknargjöld lækka um 215 milljónir króna milli ára
Milljarðar króna renna úr ríkissjóði til trúfélaga á hverju ári. Langmest fer til þjóðkirkjunnar og í fyrra var ákveðið að hækka tímabundið einn tekjustofn trúfélaga um 280 milljónir króna. Nú hefur sú tímabundna hækkun verið felld niður.
Kjarninn 4. desember 2021
Íbúðafjárfesting hefur dregist saman á árinu, á sama tíma og verð hefur hækkað og auglýstum íbúðum á sölu hefur fækkað.
Mikill samdráttur í íbúðafjárfestingu í ár
Fjárfestingar í uppbyggingu íbúðarhúsnæðis hefur dregist saman á síðustu mánuðum, samhliða mikilli verðhækkun og fækkun íbúða á sölu. Samkvæmt Hagstofu er búist við að íbúðafjárfesting verði rúmlega 8 prósentum minni í ár heldur en í fyrra.
Kjarninn 4. desember 2021
„Ég fór með ekkert á milli handanna nema lífið og dóttur mína“
Þolandi heimilisofbeldis – umkomulaus í ókunnugu landi og á flótta – bíður þess að íslensk stjórnvöld sendi hana og unga dóttur hennar úr landi. Hún flúði til Íslands fyrr á þessu ári og hefur dóttir hennar náð að blómstra eftir komuna hingað til lands.
Kjarninn 4. desember 2021
Kynferðisleg áreitni og ofbeldi í álverunum og verklag þeirra
Alls hafa 27 tilkynningar borist álfyrirtækjunum þremur, Fjarðaáli, Norðuráli og Rio Tinto á síðustu fjórum árum. Kjarninn kannaði þá verkferla sem málin fara í innan fyrirtækjanna.
Kjarninn 4. desember 2021
Inga Sæland er hæstánægð með nýja vinnuaðstöðu Flokks fólksins og ljóst er á henni að það skemmir ekki fyrir að Miðflokkurinn neyðist til að kveðja vinnuaðstöðuna vegna mjög dvínandi þingstyrks.
Inga Sæland tekur yfir skrifstofur Miðflokksins og kallar það „karma“
„Hvað er karma, ef það er ekki þetta?“ segir Inga Sæland um flutninga þingflokks Flokks fólksins yfir í skrifstofuhúsnæði Alþingis þar sem níu manna þingflokkur Miðflokksins, sem í dag er einungis tveggja manna, var áður til húsa.
Kjarninn 3. desember 2021
Pawel Bartoszek
Samráðið er raunverulegt
Kjarninn 3. desember 2021
Ásmundur Einar Daðason mun taka við málinu gegn Hafdísi Helgu Ólafsdóttur af Lilju Alfreðsdóttur. Hér eru þau saman á kosningavöku Framsóknarflokksins í september.
Ásmundur Einar tekur við málarekstri Lilju gegn Hafdísi
Nýr mennta- og barnamálaráðherra Framsóknarflokksins hefur fengið í fangið mál sem varðar brot forvera hans í embætti og samflokkskonu gegn jafnréttislögum. Það bíður hans að taka ákvörðun um hvort málarekstri fyrir Landsrétti skuli haldið til streitu.
Kjarninn 3. desember 2021
Meira úr sama flokkiAðsendar greinar