Þrátt fyrir ýmis afrek á 19 ára ferli sínum tókst höf­und­inum og for­stjór­anum Laura DiBene­detto ekki að finna ham­ingj­una. Hún ákvað því að fara í smá ferða­lag, kynnti sér rann­sókn­ir, las bækur og ræddi við fólk til að kom­ast að því sem ham­ingju­samir ein­stak­lingar eiga sam­eig­in­legt. Nið­ur­staðan er sex venjur sem geta stuðlað að lífi sem ein­kenn­ist af til­gangi og full­nægju: 

1. Að sýna sjálfum sér umhyggju og vin­semd: Þessi venja snýst um það hvernig við komum fram við okkur sjálf með hugs­unum okk­ar, orðum og gjörð­um. Þegar við sýnum umhyggju, vin­semd og kær­leika í eigin garð finnst okkur við vera sjálfsör­ugg, fær, hug­rökk og verð­ug.
2. Að sýna sjálfs­virð­ingu: Sjálfs­virð­ing hefur að gera með það hvað okkur finn­ist um okkur sjálf og hvernig við elskum, heiðrum og virðum okkur sjálf skil­yrð­is­laust. Það að við­ur­kenna og sam­þykkja eigin hugs­an­ir, til­finn­ingar og athafnir gefur okkur leyfi til að vera sönn, sátt og frjáls til að vera 100% eins og við erum.
3. Að sýna þakk­læti: Þessi venja snýst um það hvernig við lítum á líf­ið. Þakk­læti er linsan sem við sjáum lífið í gegn­um, sér­stak­lega erf­iðu hlut­ina og allt það sem við tökum sem sjálf­sögðum hlut. Þegar við erum þakk­lát virð­ast vanda­mál létt­væg­ari og við finnum fyrir meiri lífs­á­nægju og raun­veru­legum styrk. 
4. Að vera til staðar í eigin lífi: Að vera til staðar í eigin lífi snýst um það hvert við beinum fókus okkar og athygli. Þegar við höfum athygl­ina á líð­andi stundu erum við með­vituð um það sem er að ger­ast hér og nú og látum ekki trufl­ast af for­tíð­inni né fram­tíð­inni. Afleið­ingin er að við fáum meiri ánægju út úr líf­inu.
5. Að ein­blína á góða hluti: Þessi venja snýst um það að passa ork­una og gefa sér tíma til að end­ur­nær­ast með því að bæta góðum hlutum inn í líf sitt og fjar­lægja slæma hluti á með­vit­aðan hátt. Við setjum okkur í fyrsta sætið og sinnum okkur sjálfum án þess að finna fyrir sam­visku­bit­i. 
6. Að hafa skýran ásetn­ing: Ásetn­ing­ur­inn snýst um það hvernig við vinnum úr löng­unum okkar þannig að við verðum metn­að­ar­full og áhuga­söm um að ná settum mark­mið­um. Með skýrum ásetn­ingi finnum við fyrir eigin krafti og losnum við ótt­ann. Draumar okkar lifna við.

Laura DiBene­detto segir að þessar sex venjur breyti lífi okkar þar sem þær setji sviðið fyrir það sem við skil­greinum sem ham­ingju. Við getum stjórnað þeim öll­um. Hver ein­asta venja sé öflug ein og sér en saman hafi þær marg­föld­un­ar­á­hrif. 

Markmiðið sé að sam­ræma, skilja og ná tökum á þessum venj­um. Við þurfum því að læra um venj­urn­ar, kort­leggja hvar við séum stödd í dag, finna út hvað við viljum í líf­inu og lifa síðan ofan­greindar venjur til hins ítrasta. Þannig getum við stuðlað að auk­inni ham­ingju.

Hægt er að horfa á fyr­ir­lestur Laura DiBene­detto hér: The Six Habits of the Happiest People | Laura DiBene­detto | TEDxMcphs - YouTube

Grein­ar­höf­undur er fram­kvæmda­stjóri Þekk­ing­ar­miðl­unar og með meistara­gráðu í hag­nýtri jákvæðri sál­fræði.