Ábyrgð Reykvíkinga

reykjavik_vef.jpg
Auglýsing

Við erum agn­dofa yfir þessu,“ sagði íbúi í Vest­urbæ þegar kort­lagn­ing á mögu­leikum innan hverfa Reykja­víkur var lögð fyrir nýlega. Sumir hafa talað um „hreina geð­bilun að reyna að þvinga fólk með illu út úr einka­bíl­u­m“. Hér er átt við grein­ing­ar­vinnu fyrir nýtt hverf­is­skipu­lag sem er grund­völlur sam­ráðs, íbú­a­lýð­ræðis og hvernig megi nýta land bet­ur. Ekki er verið að sam­þykkja að bíl­skúrar íbúa verði teknir eign­ar­námi. Vinna sem leggur grunn að skipu­lagi átta hverfa í borg­inni markar því tíma­mót í því hvernig við skipu­leggjum umhverfi okkar en hún hefur vakið mis­jöfn við­brögð.

magnea mynd

Reykja­vík er í örum vexti. Hús­næð­is­skortur í borg­inni er raun­veru­legt vanda­mál og þétt­ing byggðar er eina skyn­sam­­lega lausn­in. Fram­tíð­ar­sýn borg­ar­innar er mótuð í aðal­skipu­lagi og ný hverfi hafa verið byggð til að bregð­ast við mann­fjölg­un. Innan hverf­anna eru hús byggð sam­kvæmt deiliskipu­lagi sem nær yfir ein­staka lóð­ar­eiti. Frá aðal­skipu­lagi niður í deiliskipu­lag er stórt stökk í skipu­lags­stigi. Á milli liggja göt­ur, opin rými og viss yfir­sýn sem hefur orðið út undan og gleymst í sam­heng­inu. Þannig hafa heilu hverfi borg­ar­innar þró­ast sund­ur­leit og ekki alltaf með hag íbú­anna að leið­ar­ljósi.

Auglýsing

Und­an­farin miss­eri hefur verið unnið að því að brúa þetta bil og skoða ein­staka borg­ar­hluta sem heild. Nýtt hverf­is­skipu­lag mun skapa tæki­færi til að hlúa að nærum­hverfi og þjón­ustu í hverfum og gera þau vist­vænni. Eitt helsta mark­miðið er að miða skipu­lagið út frá íbú­unum sjálfum og þörfum þeirra, að færa skipu­lags­vinn­una nær not­and­an­um. Reykja­vík hefur alla burði til að vera borg með ekki bara miðbæ og úthverfi, heldur sam­an­safn af öfl­ugum hverf­um, hvert með sínu sniði. Laug­ar­dalur með frá­bærum úti­vist­ar­svæð­um, íþrótta­að­stöðu og gour­met-mat­ar­versl­un­um. Breið­holt með lit­ríkri menn­ingu úr öllum áttum eða Graf­ar­vogur með ein­stöku aðgengi að nátt­úru og sjáv­ar­síð­unni.

Helstu leiðir að betri hverfum eru bættar sam­göng­ur, betri nýt­ing á landi og aukin nær­þjón­usta. Góð hverfi eru lýð­heilsu­mál og hafa því mikið að gera með lífs­gæði okk­ar. Því er ærin ástæða til að hverfin séu þróuð í góðri sátt við íbú­ana og kallað sé eftir röddum þeirra. Akkúrat þetta er hlut­verk hverfa­skipu­lags­ins og með því gefst tæki­færi á auknu íbúa­lýð­ræði. En því fylgja auknar kröfur til íbú­anna um virkni.

almennt_08_05_2014

Ólíkar raddir þurfa að heyr­ast



Ný sveit­ar­stjórn­ar­lög kveða á um aukið sam­ráð íbúa og yfir­valda. Það er líka í takt við aukna kröfu almenn­ings þess efnis og því ber að fagna. Mikil verð­mæti fel­ast í þekk­ingu og skoð­unum íbúa á umhverfi sínu. Hverfa­skipu­lagið er verk­færi til að virkja þessi verð­mæti.

Mikil ábyrgð felst í því að búa við lýð­ræði; það þarf að gang­ast við henni og mynda sér upp­lýstar skoð­an­ir. Það þarf að skoða málið í sam­hengi, huga að heild­ar­hags­munum fram yfir einka­hags­muni og án þess að gengið sé á rétt neins.

Það má segja að við séum í betri aðstöðu nú en oft áður að nýta okkur lýð­ræði. Almenn­ingur er með­vit­aðri um rétt sinn, hefur betri aðgang að upp­lýs­ingum og er því hæf­ari til að taka þátt í ákvörð­unum um nærum­hverfi sitt. Algjör for­senda þátt­töku íbúa er að þeir hafi aðgang að upp­lýs­ing­um. Það þarf líka að vanda vel til upp­lýs­inga­gjaf­ar. Ótak­mark­aður aðgangur er ekki endi­lega lausn­in. Upp­lýs­ing­arnar þurfa að vera vel fram­settar og skilj­an­leg­ar, settar í sam­hengi. Netið er frá­bær vett­vangur og tæki til þátt­töku og upp­lýs­inga­gjafa en ekki nýta sér það all­ir.

Klessu­keyrt lýð­ræði



Æ oftar kemur upp krafa um atkvæða­greiðslu um umdeild mál en það mætti segja að atkvæða­greiðsla án upp­lýstrar umræðu sé mis­beit­ing á lýð­ræði. Kost­irnir eru þrengdir við já eða nei, af eða á. Dregnar eru upp of ein­fald­aðar myndir og hug­mynd­irnar fyrir fram ákveðn­ar. Betra væri ef hug­mynd­irnar mót­uð­ust með víð­tæku sam­ráði frá upp­hafi, byggða á upp­lýs­inga­gjöf og þar sem ólíkar raddir heyr­ast.

Á flug­völl­ur­inn að fara eða vera? Bak­við spurn­ing­una eru fjöl­margar aðrar spurn­ing­ar. Fara hvert? Og ef hann verður áfram, hvar á að koma fyrir þeirri upp­bygg­ingu sem er fyr­ir­huguð á flug­valla­svæð­inu? Fjölgun íbúa á höf­uð­borg­ar­svæð­inu er áætluð um 70 þús­und til árs­ins 2040. Bygg­inga­land er tak­mörkuð auð­lind. Hvar á þá að koma því fólki fyr­ir? Það er að mörgu að huga og það þarf að skoða alla fleti í sann­girni og sátt. Að smætta svona stórar ákvarð­anir niður í tvo póla, með eða á móti, er atlaga að lýð­ræð­is­legum gild­um. Hættan er að ákvarð­anir mót­ist af áhuga þeirra sem eru virkir þáttak­endur frekar en af almanna­hag.

Glötum ekki tæki­fær­inu



Nú reynir á okk­ur, við þurfum að sýna þroska og þol­in­mæði til að sinna lýð­ræð­is­legum skyld­um. Gríð­ar­leg vinna hefur farið fram við upp­lýs­inga­öfl­un, af þver­fag­legum hópi fólks, við drög að hverfa­skipu­lagi borg­ar­inn­ar. Fyrsta skrefið hefur verið tek­ið, grund­völlur lagður og hverfin kort­lögð svo koma megi auga á tæki­fær­in.

Við viljum öll skil­virk­ari, heil­brigð­ari og betri hverfi. Verk­færið hefur verið rétt fram og nú er það okkar að nýta það. Við þurfum að kynna okkur mál­efnin og nýta okkur þann vett­vang sem hverfa­skipu­lagið skap­ar. Verk­efnið er til langs tíma og ef alvöru umræða á sér stað er hægt að þróa hverfi í sátt við íbúa og taka ákvarð­anir á traust­ari grunni. Ef þessi vinna er ekki rædd af heil­indum fer hún fyrir bí. Lýð­ræði felur í sér ábyrgð. Missum ekki sjónar af mark­mið­unum og látum ekki upp­hróp­anir og æsinga­menn slá okkur út af lag­inu.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Enn ein tilraun gerð til að semja um verndun úthafanna
Stjórnvöld á Íslandi, í Rússlandi og Kína vilja að fiskveiðar verði ekki settar inn í samning þjóðríkja um verndun hafsins. Stærstur hluti úthafanna er alþjóðlegt hafsvæði. Innan við 2 prósent þess nýtur verndar.
Kjarninn 15. ágúst 2022
Hafnfirðingar stefna að því að hefja vinnu við sérstaka hjólreiðaáætlun bæjarins á næstunni.
Hafnarfjörður ætlar að hefja vinnu við hjólreiðaáætlun
Skipulags- og byggingarráð Hafnarfjarðar hefur ákveðið að fela starfshópi með fulltrúum allra flokka að hefja vinnu við sérstaka hjólreiðaáætlun bæjarins. Örfá sveitarfélög hafa til þessa gert sérstakar áætlanir um hjólreiðar.
Kjarninn 15. ágúst 2022
Umhverfismat stækkunar Sigöldustöðvar er hafið. Landsvirkjun áformar að stækka tvær virkjanir til viðbótar á svæðinu
Landsvirkjun geri skýra grein fyrir forsendum stækkunar Sigöldustöðvar
Skipulagsstofnun vill að Landsvirkjun geri skýrari grein fyrir tilgangi og forsendum fyrirhugaðrar stækkunar Sigölduvirkjunar. Stækkunin myndi aðeins auka orkuframleiðslu lítillega. Meira vatn þurfi til að meira rafmagn verði framleitt.
Kjarninn 15. ágúst 2022
Bensínlítrinn lækkaði í fyrsta sinn á þessu ári en hlutdeild olíufélaganna í hverjum seldum lítra eykst
Framan af ári voru olíufélögin ekki að velta miklum hækkunum á bensíni út í verðið sem neytendum var boðið upp á. Nú þegar heimsmarkaðsverð hefur lækkað umtalsvert eru félögin að samak skapi að velta lækkunum hægar út í verðlagið en tilefni er til.
Kjarninn 15. ágúst 2022
Sortuæxli myndast þegar fólk verður fyrir sólbruna og raunar þrefaldast líkurnar á að fólk þrói með sér húðkrabbamein við það eitt að sólbrenna á tveggja ára fresti.
Óttast fjölgun tilfella sortuæxla samhliða hlýnandi veðri
Sérfræðingar í Bretlandi óttast að tilfellum húðkrabbameins muni fjölga samhliða loftslagsbreytingum og hvetja fólk til að vera vart um sig í sólinni.
Kjarninn 15. ágúst 2022
Kaupfélag Skagfirðinga hefur hagnast um 18 milljarða króna á fjórum árum
Eigið fé Kaupfélags Skagfirðinga, samvinnufélags í eigu 1.465 félagsmanna með höfuðstöðvar á Sauðárkróki, hefur þrefaldast frá árinu 2010 og er 49,5 milljarðar. Eignir félagsins eru metnar á tæplega 80 milljarða. Verðmætasta bókfærða eignin er kvóti.
Kjarninn 15. ágúst 2022
Áfengi spilar afar stjórt hlutverk í danskri unglingamenningu.
Danskir menntaskólar endurhugsi drykkjumenninguna
Danska heilbrigðisstofnunin hefur sent menntaskólum landsins bréf þar sem óskað er eftir því að hætt verði að gera áfengi hátt undir höfði á viðburðum á vegum skólanna.
Kjarninn 14. ágúst 2022
Vilja gera óperuna aðgengilega fyrir Íslendinga
Kammeróperan ætlar að flytja meistarverkið Così fan tutte eftir Mozart íslensku á óperukvöldverði í Iðnó. Safnað er fyrir verkefninu á Karolina fund.
Kjarninn 14. ágúst 2022
Meira úr sama flokkiÁlit
None