Að missa af stóra tækifærinu...aftur

Björn Brynjúlfsson, framkvæmdastjóri Borealis Data Center
datacenter.jpg
Auglýsing

Í vikubyrjun bárust af því fréttir að bandaríski tæknirisinn Apple hafi samið við Dani um byggingu gagnavers en samningurinn er metinn á um 120 milljarða íslenskra króna.  Apple samdi jafnframt við Íra um byggingu annars gagnavers en talið er að samanlögð fjárfesting Apple sé sambærilegar við kostnað Kárahnjúkavirkjunar. Þessar tölur ríma við þær fjárhæðir sem Google hefur fjárfest í gagnaveri í Finnlandi, svipuð og Facebook fjárfesti í Svíþjóð og Microsoft á Írlandi.

Lykilorðin hér eru ekki aðeins Apple, Google, Facebook og Microsoft, heldur ekki síður Danmörk, Írland, Finnland og Svíþjóð. Og ekkert Ísland.

Undanfarin misseri og ár hafa fulltrúar þessara og annarra stórfyrirtækja komið hingað til lands eða sent inn fyrirspurnir þar sem Ísland er skoðað sem raunhæfur möguleiki til að koma upp gagnaveri.  Með byggingu gagnavers skapast gríðarleg verðmæti. Fyrst við uppbyggingu en svo við rekstur og viðhald gagnaveranna auk afleiddrar uppbyggingar. Apple staðhæfir til að mynda að í gagnaverunum myndist nokkur hundruð framtíðarstörf. Google er með á annað hundrað manns í vinnu við gagnaverið sitt í Finnlandi. Þessi störf eru almennt sérfræðistörf og að auki eru fjölmörg afleidd störf.

Auglýsing

Apple staðhæfir til að mynda að í gagnaverunum myndist nokkur hundruð framtíðarstörf. Google er með á annað hundrað manns í vinnu við gagnaverið sitt í Finnlandi. Þessi störf eru almennt sérfræðistörf og að auki eru fjölmörg afleidd störf.

En hvers vegna fara allir þessir aðilar annað? Hvers vegna eru þeir ekki á Íslandi? Hvað er að Reykjanesinu? Svörin eru eflaust jafn mörg og spurningarnar. Þó eru sérfræðingar almennt sammála um að þrír þættir skipta meginn máli um val á staðsetningu gagnavers.

  1. Rafmagnsverð.

  2. Nettengingar.

  3. Viðskiptaumhverfi.

Fjórða þáttinn má líka nefna, sem er að flestir þessara stóru aðila vilja endurnýtanlega og umhverfisvæna orku.  Þetta hefur verið lykilatriði hjá Facebook og var lykilatriði hjá Apple þegar fyrirtækið samdi við Viborg í Danmörku. Hagstætt rafmagnsverð og endurnýjanleg orka er klárlega eitthvað sem Íslendingar geta státað sig af.  Þrátt fyrir góðan vilja er viðskiptaumhverfi á Íslandi enn ábótavant fyrir erlend stórfyrirtæki. Gjaldeyrishöft, óskýr skattastefna, verðbólga og hikandi stjórnvöld eru meðal þátta sem hafa unnið gegn Íslendingum á þessu sviði.  Og þá er ekki byrjað að tala um nettengingar.

Íslendingar hafa talið sig með frábærar nettengingar og að þar skorti ekkert á. Staðreyndin er hins vegar önnur.  Í óháðri skýrslu (Data Center Risk Index) eru borin saman 30 lönd varðandi staðsetningar á gagnaverum.  Þar er Ísland í 29. sæti af 30 hvað varðar nettengingar. Næst neðsta sæti.

Íslendingar hafa talið sig með frábærar nettengingar og að þar skorti ekkert á. Staðreyndin er hins vegar önnur.  Í óháðri skýrslu (Data Center Risk Index) eru borin saman 30 lönd varðandi staðsetningar á gagnaverum.  Þar er Ísland í 29. sæti af 30 hvað varðar nettengingar. Næst neðsta sæti.  Til að breyta þessu þurfum við aukið öryggi, áreiðanleika og beina tengingu til Bandaríkjanna með nýjum ljósleiðara streng til landsins.

Umtalsverðum fjármunum hefur verið varið af opinberum- og einkaaðilum á borð við Íslandsstofu, Landsvirkjun, Verne Global og fleirum í að selja Ísland sem ákjósanlegan stað fyrir gagnaver.  Og hefur Verne t.a.m. náð umtalsverðum árangri í að laða að erlenda viðskiptavini.  Við þurfum hins vegar að einfalda regluverk fyrir ívilnanir, skatta og senda þessum stóru aðilum skýr skilaboð um að Ísland sé til í slaginn og vilji fá þessi viðskipti hingað til lands.

En áður en það gerist, þurfum við að fjárfesta í þeim innviðum sem þurfa að vera til staðar til að gagnaver á vegum þessara stórfyrirtækja séu raunhæfur kostur. Þar vega fjarskiptin þyngst. Við þurfum fleiri strengi fyrir meiri áreiðanleika og beina tengingu við Bandaríkin.

Við getum einfaldlega ekki haldið áfram að missa af stóru tækifærunum.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira úr sama flokkiÁlit
None