Skýrsla sem Kjarn­inn fjall­aði um á dög­un­um, þar sem tölvu­ör­yggi Íslands er til umfjöll­un­ar, sýnir að Ísland er í opnu skot­færi fyrir hakk­ara. Fólkið í bak­her­berg­inu veltir því fyrir sér hvort þessi mál séu tekin nægi­lega föstum tökum hér á landi. Í skýrsl­unni kemur meðal ann­ars fram, að Seðla­banki Íslands sé lík­legur mið­punktur fyrir veik­leika, þar sem hann ber ábyrgð á fjár­magns­hreyf­ingum til og frá land­inu. Þá eru orku­ver lands­ins einnig talin vera mögu­legt skot­mark hakk­ara, og nefnt sér­stak­lega að árásir geti átt sér stað sem miði að því að koma höggi á álfyr­ir­tæk­in, og hafa áhrif á verð á mark­aði.

Þetta er grafal­var­legt mál, og ljóst að taka þarf alvar­lega sam­an­tektir á upp­lýs­ingum sem sýna slíka veik­leika hér á landi, líkt og fyrr­nefnd skýrsla ger­ir. Árásin á Voda­fo­ne, þar sem per­sónu­upp­lýs­ingar um við­skipta­vini voru gerðar opin­ber­ar, sýnir að skað­inn af árásum sem þessum getur verið gríð­ar­legur og beinst að almenn­ingi.

Því miður ótt­ast fólkið í bak­her­berg­inu að ekki sé verið að taka þessi mál nægi­lega föstum tök­um.