Það hefur vart farið fram­hjá mörgum að fjar­skipta­fyr­ir­tækið Tal hefur nýverið sam­ein­ast fjöl­miðl­aris­anum 365. Til­gang­ur­inn er vit­an­lega að nýta sér sam­spil fjar­skipta og fjöl­miðl­unar til að skapa öfl­ugt afþrey­ing­ar­fyr­ir­tæki sem getur keppt í nútíma­heimi. Sam­runin er því talin mjög skyn­sam­legur að mörgu leyti og í anda þess sem hefur gerst víða ann­ars­staðar í heim­in­um.

Það hefur hins vegar vakið athygli í bak­her­berg­inu hversu stóran hlut fyrrum hlut­hafar í Tal fengu í 365 við sam­run­ann. Þegar Auður 1, fjár­fest­inga­sjóður sem nú er í stýr­ingu hjá Virð­ingu, keypti Tal árið 2010 greiddi hann um 594 millj­ónir króna fyrir fjar­skipta­fyr­ir­tæk­ið. Kaupin eru af mörgum talin ein þau verstu sem ráð­ist hefur verið í eftir hrun, enda hefur Tal lítið gert annað síðan að þau gengu í gegn en að tapa miklum pen­ing­um. Árið 2010 tap­aði félagið 99 millj­ón­um, árið 2011 nam tapið 92,9 millj­ónum króna og á árinu 2012 197 millj­ónum króna.  Árið 2013 var tapið síðan 131,3 millj­ónir króna og í lok árs 2013 voru skuldir umfram eignir 497,5 millj­ónir króna.

Sam­hliða hefur við­skipta­vina­fjöldi Tals hríð­fall­ið. Um mitt ár 2013 voru við­skipta­vinir þess til að mynda 20.828. Ári síðar hafði þeim fækkað um 5.500 og mark­aðs­hlut­deild Tals í far­síma­þjón­ustu mæld­ist ein­ungis 3,5 pró­sent. Tal selur líka netteng­ingar en hefur tapað hlut­falls­lega mik­illi mark­aðs­hlut­deild und­an­far­ið. Við­skipta­vinum fyr­ir­tæk­is­ins fækk­aði til að mynda um tvö þús­und frá miðju ári 2013 og út júní 2014 og voru þá ein­ungis 9.217. Mark­aðs­hlut­deild Tals er á þeim mark­aði er 7,9 pró­sent.

Samt fengu fyrrum hlut­hafar Tals 19,78 pró­sent hlut í 365 miðl­um, fyr­ir­tæki sem til­kynnti að það hefði hagn­ast um 746 millj­ónir króna á árinu 2013. Ef miðað er við að virði Tals sé enn það sama og það var þegar Auður 1 keypti félagið árið 2010, sem verður að telj­ast ólík­legt miðað við að félagið hefur tap­aði 520 millj­ónum króna á árunum 2010 til 2013 og skuld­aði hálfan millj­arð króna umfram eignir í lok árs 2013, þá er heild­ar­virði 365 „ein­ung­is“ um þrír millj­arðar króna. Það er aðeins minna en áætl­anir stjórn­enda 365 frá árinu 2012 gerður ráð fyr­ir. Þar var gert ráð fyrir að virði 365 yrði 11,5 millj­arðar króna í lok árs 2014.