Fólkið í bak­her­berg­inu er ekki ref­siglatt, en vill að mál fari með sínum hætti í gegnum dóms­kerfið og að álita­mál fái efn­is­lega með­ferð, ekki síst þau sem varða almanna­hags­muni, eins og reyndin er með mál sem varða trú­verð­ug­leika við­skipta­lífs­ins og fjár­mála­mark­að­ar­ins. Miklar tafir á mörgum málum er tengj­ast banka­hrun­inu má meðal ann­ars rekja til þess að ýmis atriði hafa verið kærð, og ákærðu hafa oftar en ekki kraf­ist frá­vís­un­ar.

Eftir dóm Hæsta­réttar í Al Thani mál­inu, liggur ljóst fyrir að helstu stjórn­endur Kaup­þings munu ekki geta fengið reynslu­lausn úr fang­elsi þar sem nokkur mál hafa ekki verið til lykta leidd enn­þá, þar á meðal þrjú mál sem bíða þess að verða tekin til aðal­með­ferð­ar, og síðan fleiri mál sem eru til rann­sókn­ar. Reynslu­lausn úr fang­elsi stendur ekki til boða fyrir þá, sem enn eru með mál gegn sér til með­ferðar í dóms­kerf­inu.

Í ljósi þessa telur fólkið í bak­her­berg­inu lík­legt að fallið verði frá frá­vís­un­ar­kröfum og kærum, eða þær hrein­lega ekki bornar á borð, og málin fái þannig hrað­ari efn­is­lega með­ferð, jafn­vel þó hinir ákærðu neiti ennþá stað­fast­lega að hafi brotið gegn lög­um.