Í bak­her­berg­inu er fólk farið að velta fyrir sér kjara­samn­ings­við­ræðum og hversu miklum launa­hækk­unum for­ysta verka­lýðs­hreyf­ing­ar­innar mun krefj­ast. Ljóst má vera, að svig­rúmið til launa­hækk­ana er mik­ið, sé horft til launa­þró­unar stjórn­enda margra stærri fyr­ir­tækja lands­ins. Þetta á ekki síst við um þjón­ustu­fyr­ir­tæki þar sem líf­eyr­is­sjóð­irnir kom­a að stjórnum félag­anna sem stærstu hlut­haf­ar.

Hagar er ágætt dæmi um þetta. Það fyr­ir­tæki greiðir stjórn­endum veru­lega góð ár­ang­urstengd laun á meðan starfs­fólkið á gólf­inu, sem skiptir mestu um hinn eig­in­lega árangur fyr­ir­tæk­is­ins dag frá degi, fær veru­lega léleg laun í sam­an­burð­in­um. Sam­kvæmt árs­reikn­ingi Haga fyrir árið 2013 til 2014 þá fékk Finnur Árna­son for­stjóri 35,3 millj­ónir króna í árang­urstengd laun fyrir árs vinnu, og Guð­mundur Mart­eins­son, fram­kvæmda­stjóri Bón­uss, nákvæm­lega sömu upp­hæð. Í grunn­laun hefur Finn­ur ­síðan 34,4 millj­ónir króna og Guð­mundur 24,4 millj­ón­ir. Mán­að­ar­laun Finns með árang­urstengdum laun­um, auk bif­reiða­hlunn­inda, nema ríf­lega sex millj­ónum á mán­uð, og hjá Guð­mundi eru þau tæp­lega 5,2 millj­ón­ir. Athygli vekur að lyk­il­stjórn­andi hjá félag­inu, Guð­rún Eva Gunn­ars­dóttir fjár­mála­stjóri, er með marg­falt lægri laun en Finnur og Guð­mund­ur. Sér­stak­lega er það slá­andi þegar skoðuð eru árang­urstengd laun. Hún fær sex millj­ón­ir, á meðan Finnur og Guð­mundur fá 35,5 millj­ón­ir. Hvers vegna í ósköp­un­um? Af því að hún er kona? Sú spurn­ing á fullan rétt á sér.

Í bak­her­berg­inu er því velt upp, hvort verka­lýðs­for­ystan eigi ekki að gera kröfu  um að árang­urstengdum launa­greiðslum fyr­ir­tæk­is­ins sé dreift til allra starfs­manna Haga frekar en ein­ungis til stjórn­enda. Þá er því líka velt upp, hvort verka­lýðs­for­ystan sé ánægð með þessa launa­stefnu hjá Hög­um, sem á allt sitt undir góðu starfs­fólki á gólf­inu. Bón­us hefur líka innan sinna vébanda ein­stak­lega gott starfs­fólk, sem fólkið í bak­her­ber­ingu man eftir vegna góðs við­móts og þjón­ustu, enda verslar það mikið í Bón­us.

Áhuga­vert verður að fylgj­ast með því, til hvaða raka verður gripið í kjara­samn­ings­við­ræðum þegar stjórn­endur stórra fyr­ir­tækja eins og Haga, og stjórn­ar­menn fyr­ir­tækj­anna í umboði líf­eyr­is­sjóð­anna, reyna að rétt­læta hálauna­stefn­una hjá stjórn­endum og lág­launa­stefn­una hjá fólk­inu á gólf­inu.