Það kom mörgum á óvart þegar sveit­ar­fé­lagið Fjalla­byggð til­kynnti í gær að póli­tíski þunga­vigt­ar­mað­ur­inn Gunnar I. Birg­is­son, fyrr­ver­andi bæj­ar­stjóri Kópa­vogs­bæj­ar, yrði næsti bæj­ar­stjóri sveit­ar­fé­lags­ins. Lítið hefur farið fyrir Gunn­ari und­an­farin miss­eri, eða frá því að hann missti takið á valda­taumunum í Kópa­vogi.

Gár­ung­arnir voru ekki lengi að dusta rykið af fleygum ummælum Gunn­ars úr fyrnd­inni, og segja að nú sé þess ekki lengi að bíða að Gunnar láti hafa eftir sér í við­tali: „Það er gott að búa í Fjalla­byggð.“

Í bak­her­berg­inu vakti ráðn­ing Gunn­ars í stól bæj­ar­stjóra Fjalla­byggðar nokkra athygli. Eins og flestir vita sam­ein­uð­ust sveit­ar­fé­lögin Ólafs­fjörður og Siglu­fjörður í eitt sveit­ar­fé­lag árið 2006 undir merki Fjalla­byggð­ar. Ein lyk­il­for­senda sam­ein­ing­ar­innar voru bygg­ing Héð­ins­fjarð­ar­ganga sem tengja byggða­kjarn­ana sam­an, en göngin voru opnuð í októ­ber árið 2010.

Því má í raun segja að sveit­ar­fé­lagið Fjalla­byggð hafi ekki orðið til nema fyrir til­stuðlan Héð­ins­fjarð­ar­ganga. Í ljósi þessa var kátt á hjalla í bak­her­berg­inu þegar ummæli Gunn­ars Birg­is­sonar um Héð­ins­fjarð­ar­göng, frá því í apríl árið 2005, voru rifjuð upp. Þá sagði nefni­lega Gunnar í ræðu­stól Alþing­is: „Héð­ins­fjarð­ar­göng eru ein vit­laus­asta fram­kvæmdin sem ég hef heyrt um í langan tíma.“ Orðin lét Gunnar falla í umræðum um sam­göngu­á­ætl­un.

Þá sagði Gunnar af sama til­efni að fjár­munum til nýfram­kvæmda í vega­málum væri mis­skipt milli lands­byggðar og höf­uð­borg­ar­svæð­is­ins. Mun meira fjár­magni væri varið til fram­kvæmda á lands­byggð­inni en á höf­uð­borg­ar­svæð­inu, og það þrátt fyrir að mun fleiri byggju á höf­uð­borg­ar­svæð­inu.

Í bak­her­berg­inu bíða konur og karlar óþreyju­full eftir að heyra hvort breyt­ing hafi orðið á afstöðu Gunn­ars Birg­is­sonar til þessa mik­il­væga mála­flokks.