Bakherbergið: Hvar er Blaðamannafélagið?

bisida.jpg
Auglýsing

Það er ekki ofsögum sagt að allt sé vit­laust á hinum íslenska fjöl­miðla­mark­aði. Blaða­menn DV eru ýmist reknir eða hætta í hrönn­um. Um leið vara þeir við því að með nýjum eig­end­um, sem þeir virð­ast sann­færðir að séu mjög hlið­hollir Fram­sókn­ar­flokkn­um, sé „múr­inn milli rit­stjórnar og eig­enda að hverfa“. Þeir segja að eig­end­urnir end­ur­spegli að „fjár­sterk öfl í íslensku sam­fé­lagi sem hat­ast við frjálsa fjöl­miðl­un“ séu að ná yfir­tök­unum á DV og að þeir ætli að breyta blað­inu í „kjölturakka sem ekki gelt­ir“. Nýjum útgef­anda DV er síðan legið á hálsi með að ala á „sjálfs­rit­skoð­un“.

Við Rauða­vatn sjá margir starfs­menn Árvak­urs, sem rekur Morg­un­blaðið og mbl.is, mikið eftir Ósk­ari Magn­ús­syni, fyrrum útgef­anda, sem hætti nú um mán­að­ar­mót­in. Óskar þykir hafa staðið fast með fag­legum hluta rit­stjórnar mið­ils­ins í rimmum hennar við rit­stjór­ana tvo, Davíð Odds­son og Har­ald Johann­es­sen. Við starfs­lok Ósk­ars varð Har­aldur auk þess gerður að fram­kvæmda­stjóra Árvak­urs og sinnir því starfi í umboði eig­enda. Sam­hliða verður hann áfram rit­stjóri og á að tryggja rit­stjórn­ar­legt sjálf­stæði, meðal ann­ars gagn­vart eig­end­um.

Hjá 365 var annar rit­stjór­inn, Mik­ael Torfa­son, rek­inn síð­ast­liðið sumar og hinn, Ólafur Steph­en­sen, hætti skömmu síðar eftir að hafa ritað leið­ara þar sem sagði  meðal ann­ars: „ Það eru ýmsar aðferðir til að hola hið rit­stjórn­ar­lega sjálf­stæði að inn­an. Ein getur verið að gera sífelldar athuga­semdir við frétta­flutn­ing sem teng­ist eig­end­unum og vona að það síist inn hjá stjórn­endum rit­stjórn­ar­innar að það sé betra að sleppa slíkri umfjöllun en að styggja eig­end­urna. Önnur getur verið að gera ekki beinar athuga­semdir við umfjöllun sem snýr að eig­end­un­um, heldur skrúfa upp þrýst­ing­inn vegna ann­arra mála sem snúa að rit­stjórn­inni þannig að stjórn­end­urnir skilji sam­heng­ið. Það getur þurft sterk bein til að þola slíkan þrýst­ing. Sú þriðja getur svo verið að ráða til stjórn­un­ar­starfa á rit­stjórnum fólk sem er nægi­lega náið og hand­gengið eig­end­unum til að láta prinsipp um rit­stjórn­ar­legt sjálf­stæði ekki þvæl­ast fyrir sér“.

Auglýsing

Ólafur Stephensen, fyrrum ritstjóri Fréttablaðsins, skrifaði leiðara sem opinberaði óeðlileg afskipti eigenda að fréttaflutningi. Ólafur Steph­en­sen, fyrrum rit­stjóri Frétta­blaðs­ins, skrif­aði leið­ara sem opin­ber­aði óeðli­leg afskipti eig­enda að frétta­flutn­ing­i.

Gagn­rýni og brott­hvarf þeirra Mika­els og Ólafs kom í kjöl­far þess að frétt um sam­keppn­is­að­ila var fjar­lægð út af vef Vísis að beiðni Krist­ínar Þor­steins­dótt­ur, sem skömmu áður hafði verið ráðin útgef­andi 365 miðla. Aug­ljóst er að Kristín er sú sem Ólafur vís­aði til þegar hann skrif­aði um fólk sem láti ekki prinsipp um rit­stjórn­ar­legt sjálf­stæði þvæl­ast fyrir sér, enda er hún mjög nátengd aðal­eig­endum 365 miðla, Ingi­björgu Pálma­dóttur og eig­in­manni hennar Jóni Ásgeiri Jóhann­essyni.

Á meðan að á öllum þessum svipt­ingum hefur staðið hefur varla heyrst svo mikið sem píp frá Blaða­manna­fé­lagi Íslands, sem á sam­kvæmt sínum eigin lögum að „gæta fag­legra og stétt­ar­legra hags­muna félags­manna í hví­vetna“. Hjálmar Jóns­son, for­maður félags­ins, gaf hins vegar ekki kost á sér í umræðu um svipt­ing­arnar á DV þegar Síð­deg­is­út­varp Rásar 2 leit­aði eftir því í dag.

Þessi afstaða Blaða­manna­fé­lags­ins er orðin nokkuð algeng. Í huga margra blaða­manna er félagið lítið annað en þröngur rassvasa­fé­lags­skapur hand­fylli manna sem sinnir fag­legum hags­munum félags­manna nán­ast ekk­ert, heldur ein­beitir sér mest að því að leigja út sum­ar­bú­staði.

Í bak­her­berg­inu, sem er að þessu sinni troð­fullt af blaða­mönn­um, þykir hið val­kvæða afskipta­leysi fag­fé­lags­ins af þeim for­dæma­lausu hrær­ingum og ógnum sem steðja að íslenskum fjöl­miðlum daðra við hið fárán­lega. Sér­stak­lega þar sem lög Blaða­manna­fé­lags­ins segja að hlut­verk þess sé „að standa vörð um prent- og tján­ing­ar­frelsi“, að „standa fyrir fag­legri umræðu meðal félags­manna og leit­ast við að hafa áhrif á opin­bera stefnu og sam­fé­lags­lega umræðu um fjöl­miðlum og tján­ing­ar­frelsi“, að „standa vörð um rit­stjórn­ar­legt frelsi og sjálf­stæði fjöl­miðla“ og síð­ast en ekki síst að „standa vörð um hags­muni stétt­ar­innar gagn­vart eig­endum fjöl­miðla, lög­gjaf­ar­valdi og stjórn­völd­um“.

En blaða­menn geta auð­vitað sjálfum sér um kennt. Þeir nenna sjaldn­ast að mæta á aðal­fundi Blaða­manna­fé­lags­ins til að kjósa fólk til áhrifa innan félags­ins.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiBakherbergið
None