Fólkið í bak­her­berg­in­u er hugsi yfir stöðu mála í stjórn­mál­unum í augna­blik­inu, einkum er það stjórn­ar­sam­starf Sjálf­stæð­is­flokks­ins og Fram­sókn­ar­flokks­ins sem er til umræðu. Rík­is­stjórnin virð­ist algjör­lega ósam­stíga, eins og takt­laust danspar, í augna­blik­inu. Einkum og sér í lagi þegar kemur að tveimur mik­il­vægum geirum, sjáv­ar­út­vegi og ferða­þjón­ustu.

Sig­urður Ingi Jóhanns­son, sjáv­ar­út­vegs- og land­bún­að­ar­ráð­herra, þorði ekki að koma fram með frum­varp til breyt­ingar á lögum um stjórn fisk­veiða, og var afdrátt­ar­laus þegar hann skýrði frá því hvers vegna það var í við­tali. Stjórn­ar­flokk­arnir voru algjör­lega ósam­mála um upp­legg máls­ins og efn­is­legar ástæður fyrir breyt­ing­unum á kerf­inu sem frum­varpið boð­aði, sagði Sig­urður Ingi nokkuð skýrt. Það verður að telj­ast með nokkrum ólík­indum að þetta séu lyktir máls­ins. Fram­sókn­ar­flokk­ur­inn hefur lengi haft það sem stefnu­mál að leiða til lykta deilur um kvóta­kerfið með breyt­ingum sem taka af allan vafa um eign­ar­hald almenn­ings á sjáv­ar­út­vegsauð­lind­inni í kringum land­ið, og einnig að almenn­ingur eigi að njóta í rík­ara mæli góðs af auð­lind­inni og sókn í hana. Innan Sjálf­stæð­is­flokks­ins eru þau sjón­ar­mið þekkt, að það sé ástæðu­laust að breyta kerf­inu. Þessi djúp­stæði ágrein­ingur flokk­anna, um sjálft fisk­veiði­stjórn­un­ar­kerf­ið, hefur nú leitt til þess að ­rík­is­stjórn­ar­flokk­arnir vita ekki hvað gera skuli, og málið hefur fallið niður dautt.

Nátt­úrupassi Ragn­heiðar Elínar Árna­dótt­ur, iðn­að­ar- og við­skipta­ráð­herra, er síðan hálf­gert póli­tískt við­und­ur, þar sem mikil og rík and­staða er við frum­varp ráð­herr­ans í rík­is­stjórn Sig­mundar Dav­íðs Gunn­laugs­son­ar, bæði innan Sjálf­stæð­is­flokks­ins og Fram­sókn­ar­flokks­ins! Fólkið í bak­her­berg­inu man ekki eftir bar­áttu­máli ráð­herra sem hefur jafn lít­inn stuðn­ing meðal stjórn­ar­flokk­anna og til­fellið er með nátt­úrupass­ann. Á meðan hug­myndin um nátt­úrupass­ann var að fæð­ast fjölg­aði ferða­mönnum reyndar svo mikið að fjölg­unin ein og sér, hefur skilað mun hærri skatt­tekjum en nátt­úrupass­inn á að skila í rík­is­kass­ann. Allt er þetta með nokkrum ólík­ind­um, og ekki aug­ljóst hver verður nið­ur­stað­an. Fram­sókn­ar­flokk­ur­inn virð­ist í það minnsta næstum alveg andsnúin mál­inu, og eins og áður sagði; þá er and­staðan líka mikil í flokki ráð­herr­ans.

Þessi mál varða tvo stærstu geira íslenska hag­kerf­is­ins, sjáv­ar­út­veg og ferða­þjón­ustu. Það er ekki oft þar sem sést jafn glögg­lega og nú að hver höndin er uppi á móti annarri innan rík­is­stjórn­ar­inn­ar.