Stjórn Árvak­urs, útgáfu­fé­lags Morg­un­blaðs­ins, til­kynnti nýverið að Har­aldur Johann­es­sen hefði verið ráð­inn fram­kvæmda­stjóri félags­ins. Lítið er við það að athuga utan þess að Har­aldur er annar rit­stjóri Morg­un­blaðs­ins, og mun gegna því starfi áfram sam­hliða fram­kvæmda­stjóra­starf­inu á nýju ári.

Í lögum um fjöl­miðla, sem sam­þykkt voru á Alþingi árið 2011, er fjallað sér­stak­lega um rit­stjórn­ar­legt sjálf­stæði í heilli grein. Þar seg­ir ­meðal ann­ars að reglur um rit­stjórn­ar­legt sjálf­stæði eigi að tryggja starfs­hætti sem tryggi slíkt sjálf­stæði gagn­vart eig­endum fjöl­mið­ils­ins.

Har­aldur Johann­essen, rit­stjóri og verð­andi fram­kvæmda­stjóri.

Hverjum fjöl­miðli er gert að setja slíkar reglur og skila inn til fjöl­miðla­nefnd­ar. Í reglum Árvak­urs um rit­stjórn­ar­legt sjálf­stæði seg­ir:

„Ákvarð­anir um efni sem birt er í Morg­un­blað­inu og tengdum miðlum eru í höndum rit­stjóra Morg­un­blaðs­ins eða eftir atvikum í höndum þeirra sem rit­stjórar Morg­un­blaðs­ins fela efn­isval­ið. Rit­stjór­ar, og þar með rit­stjórn, eru sjálf­stæð í störfum sínum gagn­vart öðr­um. Starfs­menn rit­stjórnar heyra undir rit­stjóra og þeim er hverju sinni búin bestu mögu­legu skil­yrði til að fram­fylgja stefnu rit­stjórn­ar“.

Í bak­her­bergj­unum hafa ýmsir klórað sér í höfð­inu yfir því hvernig rit­stjór­ar, og þar með rit­stjórn, geti verið sjálf­stæð í störfum sínum gagn­vart öðrum þegar annar rit­stjór­inn er líka fram­kvæmda­stjóri útgáfu­fé­lags­ins? Fram­kvæmda­stjóri er enda ráð­inn af stjórn til að fram­fylgja stefnu henn­ar.

Flestir fasta­gestir bak­her­berg­is­ins vita að í eig­enda­hópi Árvak­urs, sem skipar stjórn­ina, eru aðilar sem eiga ríka fjár­hags­lega hags­muni undir því að stjórn­mál og stefna lands­ins ­þró­ist með hag­kvæmum hætti fyrir þeirra atvinnu­starf­semi.

Það verður því áhuga­vert að sjá hvaða hatt Har­aldur Johann­essen, rit­stjóri og fram­kvæmda­stjóri, setur á sig ef upp kemur álita­mál milli rit­stjórnar og stjórn­ar. Með hvorum myndi Har­aldur standa í þeirri deilu ef reglur um rit­stjórn­ar­legt sjálf­stæði segja að rit­stjórn­inn, og rit­stjór­inn, eigi að vera sjálf­stæð í störfum sínum gagn­vart öðrum en lög segja að fram­kvæmda­stjóri verndi hags­muni eig­enda? Eða verður Davíð Odds­syni, hinum rit­stjóra Morg­un­blaðs­ins, eft­ir­látið að verja rit­stjórn­ina fyrir eig­endum og stjórn ef þðrf verður fyr­ir?

Og enn áhuga­verð­ara verður að sjá hvort fjöl­miðla­nefnd geri ein­hverjar athuga­semdir við þetta for­dæma­lausa fyr­ir­komu­lag.