Í gær bár­ust fréttir af því að virkj­anir í Jök­ulsá á Fjöll­um, ofan Detti­foss, væru á meðal 23ja nýrra virkj­ana­kosta á lista Orku­stofn­unar sem var sendur verk­efna­stjórn þriðja áfanga ramma­á­ætl­un­ar. Þessi tíð­indi eru með nokkrum ólík­ind­um, og gefa vís­bend­ingu um að þeir sem liggi yfir virkj­ana­kostum í land­inu víli ekk­ert fyrir sér. Eða þannig horfir málið við fólk­inu í bak­her­berg­inu.

Fyrir utan rök­semdir sem byggja á nátt­úru­vernd og mik­il­vægi þess að vernda stór­feng­lega ein­staka nátt­úru fyrir vilja skamm­sýnna stjórn­mála­manna, þá er aug­ljóst að benda á að Jök­ulsá á Fjöllum halar inn gríð­ar­lega miklum gjald­eyr­is­tekjum á hverju ári með til­veru sinni einni sam­an. Svo mik­il­væg er hún sem hluti af stór­brot­inni nátt­úru lands­ins, sem dregur stærstan hluta erlendra ferða­manna til lands­ins. Aðdrátt­ar­aflið fyrir ferða­þjón­ust­una er íslensk nátt­úra, og Jök­ulsá á Fjöll­um, að stórum hluta inn í þjóð­garði, er stór hluti af þessu aðdrátt­ar­afli.

Þessar aug­ljósu rök­semdir gegn því að vera yfir höfuð að hugsa um Jök­ulsá á Fjöllum sem virkj­un­ar­kost, eru þó ekki einu rök­semd­irnar sem koma upp í hug­ann. Það er kostu­legt, og með ólík­ind­um, að fólki skuli detta það í hug að koma fram með þessar glóru­lausu hug­myndir mitt ofan í aðstæð­ur, þar sem Almanna­varnir fylgj­ast grannt með gangi mála við upp­tök Jök­ulsár á Fjöllum vegna jarð­hrær­inga og eld­gosa í Holu­hrauni, sem eru í gangi. Íbúa­fundir hafa verið haldnir með reglu­legu milli­bili und­an­farna mán­uði, þar sem farið hefur verið yfir rým­ing­ar­á­ætl­anir og aðrar aðgerð­ir, ef til stór­hlaups í Jök­ulsá kæmi. Virkj­anir á svæð­inu myndu tæt­ast niður í slíku hlaupi, sam­kvæmt upp­lýs­ingum sem ráða­menn þjóð­ar­innar hafa fengið kynn­ingu á sjálfir og tjáð sig um út á við, en skuld­irnar sem á almenn­ingi myndu hvíla yrðu eft­ir. Í bak­her­berg­inu er lag­t til að Alþingi kalli strax á sinn fund Har­ald Sig­urðs­son, jarð­fræði­pró­fess­or, og jarð­eðl­is­fræð­ing­ana Pál Ein­ars­son og Magnús Tuma Guð­munds­son, og spyrji þá spjör­unum úr. Fyrsta spurn­ingin getur verið svona; Er skyn­sam­legt að horfa til Jök­ulsár á fjöllum sem virkj­un­ar­kosts um þessar mund­ir?