Enn um villur: Um athugasemdir Ragnars Árnasonar

„Ég hugsa að við Ragnar séum sammála um að í dag, 37 árum eftir upphaf kvótakerfis í botnfiskveiðum, sé of mikil tortryggni út í þetta kerfi sem í grunnatriðum er langbesta kerfið sem völ er á,“ skrifar Ásgeir Daníelsson hagfræðingur.

Auglýsing

Ragnar Árnason gagnrýndi nokkur atriði í grein sem ég skrifaði. Hér eru athugasemdir mínar við þessari gagnrýni Ragnars.

1.

Í grein minni benti ég á að í skýrslu Daða Más Kristóferssonar frá árinu 2010 og í nýrri skýrslu Ragnars Árnasonar um áhrif fyrningar aflahlutdeilda væri eitt mat á verðmæti aflahlutdeilda notað til að reikna út áhrifin á eignir fyrirtækjanna og annað lægra mat notað til að reikna út eigið féð sem er notað til samanburðar. Ragnar segir að það sé rangt hjá mér að kalla þetta villu af því að bæði hann og Daði Már geri grein fyrir því að þeir beri saman eignaskerðinguna samkvæmt eigin útreikningi og bókfært eigið fé samkvæmt Hagstofunni. Það er kannski rétt, en eftir stendur að samanburðurinn er rangur (villa) vegna þess að þeir eru að bera saman ósambærilega hluti.

Sára fáir lesendur þessara skýrslna höfðu möguleika á að sjá hvernig í pottinn var búið og flestir því reiknað með að verið væri að tala um það sem mestu máli skiptir varðandi stöðuna eftir að tiltekin fyrning aflahlutdeilda hefur verið ákveðin: mat skýrsluhöfunda á eigin fé sjávarútvegsfyrirtækja miðað við mat þeirra á virði aflahlutdeildanna.

Auglýsing

2.

Ragnar kvartar undan því að ég gleymi því að „eignaskerðing sú sem í fyrningu aflaheimilda felst á sér ekki aðeins stað í upphafi þegar markaðsvirði þeirra fellur í samræmi við fyrningarhlutfallið. Eignaskerðingin heldur áfram með fyrningu hvers árs þar til ekkert er eftir.“ Þetta er viðbót í skýrslu Ragnars og er ekki í skýrslu Daða Más.

Fyrningarleiðin gengur út á að útgerðin ráði yfir minni og minni hluta af þeim aflahlutdeildum sem þær ráða yfir í byrjun. Í fyrstu heldur útgerðin nær öllum aflahlutdeildunum en svo minnkar þeirra hlutur og verður á endanum enginn. Bæði Ragnar og Daði Már reikna réttilega út eignavirði þessarar eignar með því að núvirða tekjur af eigninni miðað við tilteknar forsendur um vexti og leiguverð aflamarks og bera útkomuna saman við það sem þeir fá ef engin fyrning á sér stað. Sú „fyrning hvers árs þar til ekkert er eftir“, sem Ragnar talar um, er með í útreikningunum á virði aflahlutdeildanna eftir að búið er að ákveða tiltekna fyrningu þeirra. Það er rangt að telja hana aftur. Ragnar er vel menntaður hagfræðingur og lunkinn í stærðfræði og veit þetta.

3.

Það er rétt hjá Ragnari að afkoma útgerðarinnar var mun betri á árinu 1984 en á árunum 1982 og 1983 og vissulega hefði ég átt að vísa í afkomuna á þeim árum. Þegar fyrstu lögin um kvótakerfið í botnfiskinum voru samþykkt á árinu 1983 var afkoma ársins 1982 sæmilega þekkt og menn með grófa hugmynd um hvernig hlutirnir voru að ganga á árinu 1983 en vissu mjög lítið um afkomu ársins 1984.

4.

Ragnar telur það rangt hjá mér að útgerðarmenn hafi verið hikandi varðandi kvótakerfið í byrjun enda hafi þeir haft góða reynslu af kvótakerfi í síld- og loðnuveiðum. Tortryggni útgerðarmanna og fleiri aðila innan og utan sjávarútvegsins gagnvart kvótakerfinu í botnfiskveiðunum kom m.a. fram í því að fyrstu árin voru sett árlega ný lög um fyrirkomulag kerfisins og fljótt var bakkað tímabundið með því að heimila að útgerðir gætu valið svonefnt sóknarmark og haft áhrif á aflahlutdeild skipanna í gegnum veiðireynslu á sóknarmarki. Þá voru útgerðir smábáta undir 10 brl. alfarið utan kvótakerfisins í byrjun. Margir útgerðarmenn tortryggðu líka þau miklu ríkisafskipti sem þeir sáu í kvótakerfinu.

Ég hugsa að við Ragnar séum sammála um að í dag, 37 árum eftir upphaf kvótakerfis í botnfiskveiðum, sé of mikil tortryggni út í þetta kerfi sem í grunnatriðum er langbesta kerfið sem völ er á. Þessa tortryggni má finna bæði innan sjávarútvegsins og utan hans. Sennilega erum við Ragnar ósammála um hvernig best sé að draga úr þessari tortryggni.

Höfundur er hagfræðingur.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þrettán starfsmenn Landspítalans í einangrun
Um helgina komu upp smit hjá starfsmönnum í nokkrum starfseiningum Landspítala. Rakning er langt komin og þrettán starfsmenn eru komnir í einangrun og nokkur fjöldi starfsmanna og sjúklinga í sóttkví.
Kjarninn 26. júlí 2021
Benedikt Jóhannesson, einn stofnenda Viðreisnar, mun starfa áfram með flokknum.
Sættir hafa náðst hjá Viðreisn og Benedikt starfar áfram innan flokksins
Benedikt Jóhannesson fyrrverandi formaður Viðreisnar greinir frá því í dag að samkomulag hafi náðst um að hann starfi áfram með flokknum.
Kjarninn 26. júlí 2021
Meirihluti þjóðarinnar er bólusettur og meirihluti þeirra sem eru að greinast með veiruna er bólusettur.
116 óbólusettir greinst á einni viku
Um 64 prósent þeirra sem eru með COVID-19 á landinu eru á aldrinum 18-39 ára. Flestir sem greinst hafa síðustu daga eru bólusettir en 116 óbólusettir einstaklingar hafa greinst með veiruna á einni viku.
Kjarninn 26. júlí 2021
Þórður Snær Júlíusson
Endalok tálmyndar um endurkomu hins eðlilega lífs
Kjarninn 26. júlí 2021
Himinn og haf skilja fátækari ríki heims og þau ríkari að þegar kemur að bólusetningum.
Þórólfur: Hægt að hafa margar skoðanir á siðferði bólusetninga
Að baki þeirri ákvörðun að gefa fólki bólusettu með Janssen örvunarskammt býr að sögn sóttvarnalæknis sú stefna að reyna að bólusetja sem flesta hér á landi með áhrifaríkum hætti. 1,32 prósent íbúa fátækustu ríkja heims hafa verið bólusett.
Kjarninn 26. júlí 2021
Sajid Javid heilbrigðisráðherra Bretlands tók við af Matt Hancock fyrr í sumar.
Biðst afsökunar á að hafa sagt fólki að hætta að „hnipra sig saman“ andspænis veirunni
Sajid Javid heilbrigðisráðherra Bretlands segist hafa notað óheppilegt orðfæri til að lýsa því hvernig landar hans þyrftu að fara að lifa með veirunni, í ljósi útbreiddra bólusetninga.
Kjarninn 25. júlí 2021
DÓTTIR er stuttmynd um ást, þráhyggju og brotna sjálfsmynd.
Stuttmyndin DÓTTIR er „ástarbréf til Íslands“
Sofia Novakova, leik- og kvikmyndagerðarkona frá Slóvakíu, er þessa dagana að taka upp stuttmyndina DÓTTIR hér á landi. Safnað er fyrir útgáfu myndarinnar á Karolina Fund.
Kjarninn 25. júlí 2021
Hólmfríður Árnadóttir menntunarfræðingur og Heiða Guðný Ásgeirsdóttir bóndi skipa 1. og 2. sæti á lista Vinstri grænna í Suðurkjördæmi.
Þjórsáin okkar allra
Kjarninn 25. júlí 2021
Meira úr sama flokkiAðsendar greinar