dagbl...nota_.jpg
Auglýsing

Í Kjarn­anum í dag er sagt frá því að heild­ar­kostn­aður við urðun á dag­blaða- og tíma­rita­pappír á höf­uð­borg­ar­svæð­inu er 40 til 45 millj­ónir króna á ári. Þetta er kostn­aður sem lendir á SORPU þrátt fyrir blát­unnu, grennd­ar­gáma og end­ur­vinnslu­stöðv­ar. Hann lendir beint á skatt­greið­endum á höf­uð­borg­ar­svæð­inu sem eiga og reka SORPU. Sveita­fé­lögin nið­ur­greiða því útgáfu dag­blaða og tíma­rita um þessa upp­hæð á ári hverju.

almennt_20_03_2014

Uppi­stað­an=frí­blöð

Auglýsing

Uppi­staðan í papp­írs­rusl­inu sem þarf að urða eru frí­blöð. Um það er eng­inn vafi. Vegna þessa kostn­aðar greiða skatt­greið­endur því óbeint, og án vals, nokk­urs konar áskrift að þessum blöð­um. Þeir borga fyrir að fá þau í póst­kass­ann á hverjum morgni þótt þeir hafi ekki beðið um það.

Frétta­blað­inu, langstærsta frí­blaði lands­ins, er dreift í 90 þús­und ein­tökum sex daga vik­unn­ar. Í krafti þess­arar miklu útbreiðslu er blaðið með yfir­burð­ar­stöðu á aug­lýs­inga­mark­aði. Það má vel færa rök fyrir því að hið opin­bera sé að nið­ur­greiða útgáfu blaðs­ins til að stuðla að þess­ari sterku stöðu. Með öðrum orðum er tug­millj­óna kostn­aði sem hlýst af dreif­ingu blaðs sem fólk hefur ekki val um hvort það fær árlega velt yfir á almenn­ing með vit­und og vilja hins opin­bera.

Það er full­kom­lega eðli­legt, út frá mörgum mis­mun­andi sjón­ar­horn­um, að velta því fyrir sér hvort þetta sé í lagi. Út frá sam­keppn­is­legu sjón­ar­horni verður að telj­ast að nið­ur­greiðsla á einum einka­fjöl­miðli, ein­vörð­ungu vegna þess, og þrátt fyrir að, af honum hlýst umhverf­is­legur skaði, sé í besta falli fárán­leg­ur. Betur færi á því að fjöl­miðlum myndu bjóð­ast fjár­hags­legir hvatar til að draga úr slíkum skaða. Að þeir fjöl­miðlar sem eru „græn­ir“ myndu hafa hag af því. Staðan í dag er þver­öf­ug.

Notkun hefð­bund­inna fjöl­miðla á und­an­haldi

Þess utan fer lestur frí­blaðs­ins hríð­lækk­andi. Í ald­urs­hópnum 18-49 ára á höf­uð­borg­ar­svæð­inu hefur lestur Frétta­blaðs­ins farið úr 77,48 pró­sent í apríl 2010 í 61,68 pró­sent í febr­úar síð­ast­liðn­um. Lest­ur­inn í hópnum hefur minnkað um tæp 16 pró­sentu­stig!

Heild­ar­lestur Frétta­blaðs­ins hefur á sama tíma­bili minnkað um átta pró­sentu­stig og stendur í 55,93 pró­sent­um. Flestir aðrir prent­miðlar glíma einnig við mark­vissa hnignun í lestri og hún hefur auk­ist hratt á und­an­förum miss­erum, meðal ann­ars vegna almenn­ari eign og notkun snjall­tækja við fjöl­miðla­notk­un.

Prent­miðlar eru líka með um helm­ing aug­lýs­inga­mark­að­ar­ins á Íslandi. Það er hlut­fall sem er ein­stakt í heim­in­um. Í Evr­ópu er hlut­fall þeirra af kök­unni til dæmis komið undir 20 pró­sent. Ástæðan er auð­vitað sterk staða frí­miðla hér­lend­is. Frétta­blaðið og Frétta­tím­inn, sem kemur út einu sinni í viku, voru til að mynda með 65 til 75 pró­sent hlut­deild í aug­lýs­inga­sölu prent­miðla á árinu 2011, sam­kvæmt tölum frá Sam­keppn­is­eft­ir­lit­inu.

Mark­aðs­ráð­andi staða í lagi

Frétta­blaðið er auk þess hluti af 365 miðl­um, langstærsta einka­rekna fjöl­miðla­fyr­ir­tæki lands­ins. Það rekur einnig einn stærsta frétta­vef lands­ins, sjón­varps- og útvarps­stöðv­ar. Sam­kvæmt nið­ur­stöðu Sam­keppn­is­eft­ir­lits­ins eru „tals­verðar lík­ur“ á að fyr­ir­tækið sé í mark­aðs­ráð­andi stöðu á mark­aði fyrir aug­lýs­ingar á Íslandi. Í krafti þeirrar sterku stöðu sem 365 hefur á öllum mörk­uðum fjöl­miðl­unar og afþrey­ingar náði fyr­ir­tækið í 50-55 pró­sent allra aug­lýs­inga­tekna á Íslandi árið 2011. Sú hlut­deild hlýtur reyndar að minnka í ljósi þess hríð­minnk­andi lestrar sem Frétta­blaðið glímir við og vegna þess að sjón­varps­á­skriftum af flagg­skip­inu Stöð 2 hefur fækkað stór­kost­lega á und­an­förnum árum.

Árið 2007 voru 45,1 pró­sent heim­ila með slíka áskrift. Í lok síð­asta árs var það hlut­fall komið niður í 29,4 pró­sent. Þessi þróun er afleið­ing af nýrri neyslu­hegð­un. Sam­kvæmt Neyslu og lífstíl­skönnun Capacent sækja eða skoða 82 pró­sent þjóð­ar­innar sjón­varp eða mynd­bönd á net­inu og 54 pró­sent hennar sækir sér kvik­myndir og/eða sjón­varps­þætti þang­að.

RÚV fær að tapa milljón á dag þrátt fyrir millj­arða­aug­lýs­inga­tekjur

Ofan á allt þetta eru lands­menn líka rukk­aðir um tæpar 20 þús­und krónur á ári í skatt til að starf­rækja RÚV. Fyrir utan þá með­gjöf er RÚV á aug­lýs­inga­mark­aði og tekur til sín 20 til 25 pró­sent af þeim tekjum sem hann skapar árlega. Samt tapar RÚV milljón krónum á dag sam­kvæmt nýj­ustu upp­lýs­ing­um. Og hver borgar það tap? Jú, það gera eig­endur RÚV, skatt­greið­end­ur. Það er vert að taka fram að ég er þeirrar skoð­unar að RÚV eigi að vera til. Fyr­ir­tækið á hins vegar að sníða sér stakk eftir vexti og vera ein­fald­lega í þeirri stærð sem fjár­fram­lög rík­is­ins heim­ila því. RÚV á ekk­ert erindi á aug­lýs­inga­mark­að. Á meðan að svo er þá skap­ast bara enn ein hindrun fyrir frjálsa fjöl­miðla til að þríf­ast í örsam­fé­lag­inu okk­ar.

Og því spyr ég aft­ur...er þetta í lagi? Er í lagi að hið opin­bera nið­ur­greiði stóra fjöl­miðla með þeim afleið­ingum að kostn­aður skatt­greið­enda vegna þeirra hleypur á tugum millj­óna króna og mark­aðs­ráð­andi staða þeirra styrk­ist sam­hliða ár frá ári? Er í lagi að ríkið stuðli að því að fjöl­miðla­fyr­ir­tæki í þess eigu taki til sín aug­lýs­inga­tekjur sem gætu nýst öllum hinum fjöl­miðla­fyr­ir­tækjum lands­ins við að skapa sér til­veru­grund­völl?

Mitt svar er nei. Mér finnst þetta út í hött. Hvað finnst þér?

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ráðherrar þeirrar ríkisstjórnarinnar sem sat að völdum þegar eftirlaunalögin voru samþykkt.
Tíu hlutir sem hægt væri að gera fyrir kostnað vegna eftirlauna ráðherra og þingmanna
257 fyrrverandi þingmenn og 46 fyrrverandi ráðherrar fá eftirlaun á grundvelli umdeildra eftirlaunalaga sem voru í gildi á árunum 2003 til 2009. Alls kostaði þetta 876 milljónir króna í fyrra. Hér eru tíu hlutir sem hægt væri að gera fyrir það fé á ári.
Kjarninn 22. janúar 2022
Jepplingur á ferð í Laugarnesi í Reykjavík. Bílar af þessari stærðargráðu og stærri hafa orðið æ algengari á götunum undanfarin ár.
Bílarnir á götunum þyngjast og þyngjast
Nýskráðir fólksbílar á Íslandi árið 2021 voru að meðaltali um 50 prósentum þyngri en bílarnir voru árið 1990. Þetta er alþjóðleg þróun – sem sumir segja að sé helst leidd af bílaframleiðendum sem vilja selja almenningi stærri og dýrari bíla ár frá ári.
Kjarninn 22. janúar 2022
Nokkrir valkostanna sem eru til skoðunar gera ráð fyrir jarðgöngum í gegnum Reynisfjall og að vegurinn liggi meðfram Víkurfjöru.
Sér ekki hvað nýr valkostur um Mýrdal á að leysa
Oddviti Mýrdalshrepps telur að nýjum valkosti Vegagerðarinnar við færslu hringvegarins í Mýrdal myndi fylgja umtalsvert meira jarðrask en láglendisvegi og jarðgöngum.
Kjarninn 22. janúar 2022
Tæknivarpið
Tæknivarpið
Tæknivarpið – Microsoft kaupir Blizzard og frábær CES
Kjarninn 22. janúar 2022
Katrín Jakobsdóttir forsætisráðherra.
Stefnt að því að koma Íslandi í efstu sætin á Regnbogakortinu
Forsætisráðherra hefur lagt fram framkvæmdaáætlun í málefnum hinsegin fólks í 17 liðum fram í samráðsgátt stjórnvalda. Á meðal aðgerða er að stjórnendur hjá ríkinu og lögreglumenn fái fræðslu um málefni hinsegin fólks.
Kjarninn 21. janúar 2022
N1 Rafmagn er dótturfélag N1, sem er eitt dótturfélaga Festi hf., sem er að uppistöðu í eigu íslenskra lífeyrissjóða.
N1 reiknar með því að útskýra rafmagnsendurgreiðslur betur eftir helgi
N1 Rafmagn, sem áður hét Íslensk orkumiðlun, hefur verið orkusali til þrautavara frá 1. júní 2020. Fyrirtækið hefur ekki útskýrt hvers vegna það hyggst einungis endurgreiða neytendum mismun tveggja taxta frá 1. nóvember 2021.
Kjarninn 21. janúar 2022
Tímasetning uppsagnar tilfallandi og greiðslur til hluthafa „eðlilegur hluti af fyrirtækjarekstri“
Sjóvá vísar því á bug að samningi við FÍB um vegaþjónustu hafi verið sagt upp í hefndarskyni. Tímasetningin hafi verið tilfallandi. Markaðsstjóri Sjóvá segir greiðslur til hluthafa „eðlilegan hluta af fyrirtækjarekstri“.
Kjarninn 21. janúar 2022
Í austurvegi
Í austurvegi
Í austurvegi – Kínverska fjárfestinga- og innviðaverkefnið Belti og braut
Kjarninn 21. janúar 2022
Meira úr sama flokkiÁlit
None