Er ég sá eini sem heyrir yfir­gengi­lega mikið sagt um of lít­inn pen­ing í heil­brigð­is­kerf­inu?

Er ég sá eini sem las frétt­ina um maurana í Land­spít­al­an­um?

Er ég sá eini sem finnst það ótrú­lega skringi­legt að byrj­un­ar­laun presta séu hærri en lækna?

Nú hyggur starfs­hópur á vegum inn­an­rík­is­ráðu­neyt­is­ins á það að end­ur­greiða Þjóð­kirkj­unni þær 660 millj­ónir sem hún skar niður umfram aðrar stofn­anir eftir efna­hags­hrun­ið. Ekki einu sinni fara þessar millj­ónir í laun presta. Þau eru nógu há fyr­ir; 585.000 krónur á mán­uði, byrj­un­ar­laun. Þessar millj­ónir fara í „bætta aðstöðu” fyrir starfs­menn kirkj­unn­ar.

Sig­urður Bjart­mar Magn­ús­son.

Það ætti að vera borð­leggj­andi að þessar 660 millj­ónir ættu frekar að fara í heil­brigð­is­kerf­ið. Finnum einn ein­stak­ling sem er hvorki prestur né sér­hags­mun­að­ili í þessu máli sem telur þessar 660 millj­ónir frekar eiga heima í Þjóð­kirkj­unni en í heil­brigð­is­kerf­inu. Að þessi pen­ingur eigi frekar heima í stofn­un­inni sem 62% þjóðar er and­víg að sé tengd rík­inu. Ég dreg ekki úr starfi kirkj­unn­ar. Ég geri mér grein fyrir mik­il­vægi sálu­hjálp­ar­að­stoð hennar og ann­arra starfa. Ég vel kirkj­una ekki eina og sér af öllum stofn­unum til að rægja af engum sök­um. Ef meiri­hluti þjóð­ar­inn­ar, 62%, styður aðskilnað ríkis og kirkju, þá á hann að láta heyra í sér.

Fjársvelti er mikið í heil­brigð­is­kerf­inu og spít­alar upp­fullir af ævafornum tækjum og tól­um. Spít­alar og slíkar stofn­anir eiga að vera í algjörum for­gangi hvað varðar kaup á nýjum bún­aði. Hvernig getur mann­eskjum dottið það í hug að dæla hvorki meira né minna en 660 millj­ónum í Þjóð­kirkj­una þegar jafn­mikil óánægja er með ástandið í heil­brigð­is­kerf­inu?

Leyfum lækn­unum í verk­fall­inu að gelta að vild um hærri laun. En dokum aðeins við  – voru prest­arnir að biðja um betri stóla og Iittala-glös? Látum þá fá 660 millj­ón­ir!

Hvort viljum við betri og nýrri búnað á spít­ala eða ánægð­ari presta með gylltar bibl­í­ur?