Frumkvöðull í Háskóla Íslands

MG_9516.jpg
Auglýsing

Á mánu­dag­inn 13. apríl ganga starfs­menn og nem­endur Háskóla Íslands til kosn­inga um hver muni leiða Háskóla Íslands næstu árin. Nýs rekt­ors bíða spenn­andi og vanda­söm verk­efni, eins og að tryggja fjár­mögnun háskól­ans og efla rann­sókn­ar­starf. Tryggja þarf að Háskóli Íslands standi jafn­fætis rann­sókn­ar­há­skólum í þeim lönd­um, sem við viljum bera okkur saman við. Af þeim sem gefið hafa kost á sér teljum við Jón Atla vera bestan til þess fallin að taka það hlut­verk að sér.

Jón Atli er frum­kvöð­ull og aðkoma hans að verk­efnum á því sviði ber vott um það. Hann stund­aði dokt­ors­nám raf­magns­verk­fræði við Pur­du­e-há­skóla með áherslu á staf­ræna mynd­grein­ingu og fjar­könn­un. Sem pró­fessor við raf­magns- og tölvu­verk­fræði­deild Háskóla Íslands hafa rann­sóknir hans hlotið verð­skuld­aða athygli á alþjóða­vett­vangi. Jón Atli hefur þar að auki komið víða við á ferli sínum og setið í nefndum og ráðum sem hlúa að rann­sóknum og tækni­þróun á Íslandi.

Rann­sóknir Jóns Atla hafa m.a. stuðlað að fram­þróun í landupp­lýs­inga­kerfum og lækn­is­fræði svo dæmi séu tek­in. Hann stofn­aði fyr­ir­tækið Oxymap ásamt Ein­ari Stef­áns­syni pró­fessor í augn­lækn­is­fræði og fleir­um. Upp úr þver­fag­legu sam­starfi hafa fær­ustu vís­inda­menn skól­ans þróað tæki til grein­inga á augn­sjúk­dóm­um. Þetta er dæmi um hvernig rann­sóknir við Háskóla Íslands geta stuðlað að fram­þróun og bætt lífs­skil­yrði fólks um allan heim.

Auglýsing

Það er Jóni Atla metn­að­ar­mál að efla rann­sóknir og kennslu í Háskóla Íslands og að starfið þar stand­ist sam­an­burð á alþjóða­vísu. Fram­boð á dokt­ors­námi við Háskóla Íslands hefur auk­ist í hröðum skrefum á und­an­förnum árum og sem aðstoð­ar­rektor vís­inda og kennslu hefur Jón Atli leitt starf sem miðar að því að sam­m­ræma gæða­mál innan skól­ans þannig að ekki sé slakað á í kröfum til náms­ins. Honum er annt um að efla rann­sóknir og treysta rann­sókn­ar­inn­viði.

Við teljum að fram­sýni, bak­grunn­ur, og for­ystu­hæfi­leikar Jóns Atla Bene­dikts­sonar séu lyk­ill­inn að sókn Háskóla Íslands til efl­ingar rann­sókna og nýsköp­un­ar. Öfl­ugur háskóli eflir inn­viði sam­fé­lags­ins, fjölgar atvinnu­tæki­færum og bætir lífs­skil­yrði á Íslandi.

Höf­undar eru raf­magns- og tölvu­verk­fræð­ingar frá Háskóla Íslands. Georg Lúð­víks­son er stofn­andi og for­stjóri Meniga, Ásgeir Örn Ásgeirs­son er stofn­andi og tækni­stjóri Meniga og Guð­mundur Haf­steins­son er Prod­uct Mana­gement Director hjá Google Inc.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Meira úr sama flokkiÁlit
None