Í næstu viku fara fram kosn­ingar til Stúd­enta­ráðs. Stúd­entum Háskóla Íslands gefst þá tæki­færi til að kjósa þá full­trúa sem þeir treysta til að gæta hags­muna þeirra í Stúd­enta­ráði og í lok næstu viku verður ljóst hverjir munu eiga sæti í nýju Stúd­enta­ráði.

Vaka og Röskva bjóða fram lista á öllum fræða­sviðum Háskól­ans, og sama hversu margir taka þátt í kosn­ing­unum er ljóst að 27 af fram­bjóð­endum fylk­ing­anna munu hljóta kosn­ingu. En hvers vegna skiptir máli að kjósa, og hver er eig­in­lega mun­ur­inn á fylk­ing­unum tveim­ur?

Róum öll í sömu átt

Iðunn Garð­ars­dótt­ir.

Fylk­ing­arnar tvær stefna vissu­lega að sama mark­miði: Bættum hag stúd­enta. Hags­muna­bar­átta stúd­enta er gríð­ar­lega mik­il­væg, og bar­átta sem spannar mjög vítt svið. Stúd­entar eru stór hópur sem eiga ríkra hags­muna að gæta og það eru þeir sjálfir sem þurfa að gæta þess­ara hags­muna. Því er ljóst að við róum öll í sömu átt. Stóra spurn­ingin er hverjum þú treystir best til að kom­ast á áfanga­stað.

Stúd­entar hafa nefni­lega alla burði til að vera rót­tækir og láta í sér heyra. Stúd­enta­fylk­ingar eiga ekki að hreykja sér af því að vera ópóli­tískar, heldur einmitt að vera póli­tískar því póli­tík varðar alla ein­stak­linga sam­fé­lags­ins. Stúd­entar eiga að fara í setu­verk­föll, mót­mæla og vera leið­andi í umræð­unni í sam­fé­lag­inu.

Stúd­enta­fylk­ingar eiga að veita stjórn­völdum aðhald 

Mik­il­væg­asta hlut­verk stúd­enta­fylk­inga er að veita stjórn­völdum aðhald. Núver­andi rík­is­stjórn Íslands er hægri­st­jórn og rík­is­stjórn Fram­sókn­ar- og Sjálf­stæð­is­flokks vinnur mark­visst að því að stuðla að ójöfn­uði í sam­fé­lag­inu og vegur þar með að jafn­rétti á öllum sviðum sam­fé­lags­ins. Rauði þráð­ur­inn í stefnu Röskvu er jafn­rétti og full­trúum Röskvu er óhætt að treysta til að standa vörð um hags­muni stúd­enta og veita rík­is­stjórn­inni aðhald.

Við þurfum Stúd­enta­ráð sem lætur í sér heyra þegar skattar á bækur og mat­vörur hækka. Við þurfum Stúd­enta­ráð sem beitir sér af hörku fyrir umhverf­is­málum og femín­isma. Við þurfum Stúd­enta­ráð sem veitir stjórn­völdum aðhald. Við þurfum Stúd­enta­ráð sem þorir að láta í sér heyra og er ekki hrætt við að styggja ráða­menn þjóð­ar­inn­ar. Við þurfum Stúd­enta­ráð sem er ekki hrætt við póli­tík. Við þurfum Stúd­enta­ráð sem neitar ekki fyrir tengsl sín við stjórn­mála­flokka heldur gengst við þeim. Við þurfum Stúd­enta­ráð sem berst fyrir hags­munum stúd­enta af heil­ind­um.

Þess vegna skiptir máli að kjósa.

Höf­undur er laga­nemi og Háskóla­ráðs­full­trúi fyrir hönd Röskvu