Í stuttu máli: Þró­un­ar­að­stoð Íslands gegnum rík­is­sjóð kostar rétt rúma fjóra millj­arða króna á þessu ári.  Í því felst stuðn­ingur Utan­rík­is­ráðu­neytis við alþjóð­legar stofn­an­ir, borg­ara­sam­tök og háskóla S.Þ. á Íslandi (60%) og stuðn­ingur við fátæk ríki í Afr­íku gegnum Þró­un­ar­sam­vinnu­stofnun (40%).

Þetta er tals­vert fé.

Það jafn­gildir um það bil 1000 krónum á hvern Íslend­ing  á mán­uði.

Er það mikið eða lít­ið?

Það er mikið – ef maður miðar við að stór hluti jarð­ar­búa þarf að draga fram lífið á 100 krónum á dag. Þá er þús­und­kall dágóð summa.

En þús­und­kall er lítið ef miðað er við fram­lög ann­arra þjóða á hvern ein­stak­ling til þró­un­ar­sam­vinnu. Þar erum við í neðsta sæti á löngum lista ,,vel­meg­un­ar­þjóða“. Langneðst.

Þjóð­verjar eru næst neðstir og gefa tvö­falt meira en við á hvern ein­stak­ling, eða næstum 2000 krónur á mán­uði. Danir og Svíar eru með kringum 5000-6000 á mann, og Norð­menn sem eru efstir allra, eru með kringum 10.000 krónur á mann á mán­uði  þró­un­ar­að­stoð.

Þús­und­kall á mán­uði setur okkur sem sagt í lang neðsta sæt­i.  Þús­und­kall jafn­gildir um það bil tveimur kaffi­bollum á veit­inga­stað í mið­borg Reykja­víkur svo maður setji  fram­lagið í kunn­ug­legt sam­hengi.

En hlut­fall af þjóð­ar­fram­leiðslu?

Stefán Jón Haf­stein.

En hvernig stendur Ísland ef við notum þessa hefð­bundnu tölu sem alltaf er vitnað í: Hlut­fall af þjóð­ar­fram­leiðslu?

Þá erum við með 0,21% af þjóð­ar­fram­leiðslu. Með­al­tal OECD ríkja er kringum 0.30% svo við erum tals­vert fyrir neðan það. Og þau lönd sem standa okkur næst menn­ing­ar­lega og efna­hags­lega eru satt að segja öll vel fyrir ofan með­al­talið.  Allt frá því að vera með rúm­lega tvisvar sinnum hærra hlut­fall en við og upp í fimm­falt hærra hlut­fall.

Hvert er mark­mið­ið?

Hvert hefur verið mark­mið Íslands í þró­un­ar­sam­vinnu ára­tugum saman hvað varðar fram­lög sem hlut­fall af þjóð­ar­fram­leiðslu?  Við erum mjög langt frá því yfir­lýsta mark­miðið að verja 0,7% af þjóð­ar­fram­leiðslu til þró­un­ar­að­stoðar (Norð­menn, Svíar og Lúx­em­borg eru nálægt einu pró­sent­i).  Og nú stefnir í að við lækkum enn á þessum lista því á næsta ári verðum við með 0,2% af þjóð­ar­fram­leiðslu til þró­un­ar­mála.

Það er hins vegar athygl­is­vert að Ísland er mjög ofar­lega á tveimur listum sem skipta máli í þessu sam­heng­i.  Á vel­ferð­ar­lista Sam­ein­uðu þjóð­anna mælist vel­sæld svo mikil á Íslandi að við erum í 13. sæti af öllum ríkjum jarðar (Human develop­ment index). Og á lista yfir gjaf­mildi til góð­gerð­ar­mála eru Íslend­ingar í 14. sæti (World giv­ing index).

Ef fólk hefur áhyggjur af vilja Alþingis þá er það óþarft. Fyrir aðeins einu og hálfu ári var sam­þykkt með 62 atkvæðum af 63 að fram­lög Íslands sem hlut­fall af þjóð­ar­fram­leiðslu myndu hækka hratt og fara upp í 0,7% (í stað 0.21% núna) árið 2019. Það eru samt allar líkur á því að við förum í öfuga átt á næsta ári og hlut­fallið verði 0.20%.