Iðnaðarfjörður í boði Reykjavíkur

Einar Tönsberg
14357008609_02a6087907_z.jpg
Auglýsing

Mikil vinna hefur verið lögð í nýtt skipu­lag fyrir höf­uð­borg­ar­svæðið er ber yfir­skrift­ina Höf­uð­borg­ar­svæðið 2040. Sjö sveit­ar­fé­lög mynda höf­uð­borg­ar­svæðið sam­kvæmt skipu­lag­inu og er eitt þeirra Kjós­ar­hrepp­ur.

Lyk­il­at­riði í stefn­unni er að vöxtur svæð­is­ins verði hag­kvæmur og ekki verði gengið á umhverf­is­gæði þeirra sem þar búa fyr­ir.

Auglýsing


Í skýrsl­unni er talað um að gera umhverfið þannig úr garði að það auki vellíð­an, bæti and­lega heilsu og hvetji til hreyf­ing­ar. Umhverfi er talið heilsu­vænt ef það t.d. tryggir hreint vatn og loft, er almennt ómengað og kveiki jákvæðar hugs­anir og til­finn­ing­ar. Talað er um gott rækt­ar­land sem verð­mæti og að mik­il­vægt sé að öfl­ugur land­bún­aður sé innan 50 km frá mark­aði.



Stefna Reykja­vík­ur­borgar í upp­bygg­ingu á iðn­að­ar­svæð­inu á Grund­ar­tanga brýtur öll þessi fögru fyr­ir­heit. Þaðan berst nú þegar mikil meng­un, allt í senn loft,- sjón- og hljóð­meng­un, og svæðið hefur mjög nei­kvæð áhrif á and­lega heilsu margra Kjós­verja.

Risa­vaxin kís­il­verk­smiðja

Reykja­vík­ur­borg, í gegnum eign­ar­ar­hald sitt í Faxa­flóa­höfn­um, kepp­ist nú við að bæta við allskyns meng­andi iðn­að­ar­starf­semi á Grund­ar­tanga, meðal ann­ars risa­vax­inni kís­il­verk­smiðju. Kapp­semin er slík að tvö fyr­ir­tæki sem komu fyrir skömmu á svæðið fengu að starfa án starfs­leyfis í drjúgan tíma og ýmsar íviln­anir eru í boði fyrir fyr­ir­hug­aða kís­il­verk­smiðju. Firð­inum er gjör­sam­lega fórnað fyrir iðnað og það í boði Reyk­vík­inga, þó mig gruni að fæstir Reyk­vík­ingar viti að ábyrgðin er á þeirra herð­um.



Land­bún­aður í Hval­firði á einnig undir högg að sækja. Þið getið ekki ímyndað ykkur hvað bændur hér eru orðnir þreyttir á spurn­ing­unni „Er ekki örugg­lega í lagi með þetta kjöt? - nær meng­unin nokkuð hing­að?“



Íbúar í Kjós­inni eru líka orðnir vanir spurn­ingum á borð við „Sjást verk­smiðj­urnar frá þér?“ og „Heyrir þú nið­inn frá svæð­in­u?“ Því jú, nið­ur­inn, ljósa­dýrðin og meng­un­ar­skýin eru orðin hluti af líf­inu hér í Kjós­inni. Þessu er best lýst sem einu stóru fokk­merki yfir fjörð­inn.



Jarðir næst verk­smiðj­unum eru óbyggi­legar og verð­litl­ar. Örlög þeirra er að Faxa­flóa­hafnir (Reyk­vík­ing­ar) kaupa löndin fyrir slikk og nota þau undir meiri iðn­að, stækka iðn­að­ar­svæð­ið. Þannig er svæðið sem fer undir nýja kís­il­verk­smiðju til­kom­ið. Og sá nýi iðn­aður nær þannig með tíð og tíma að gera næstu land­ar­eignir í kringum sig verð­laus­ar, og svo koll af kolli þar til iðn­að­ur­inn stendur uppi sem algjör sig­ur­veg­ari í firð­inum og ein­hver frekur kall verður voða mont­inn.

Hvað er verið að fela?

Meng­un­ar­mæl­ingar sem stór­iðjan sjálf sér um að fram­kvæma eru svo tak­mark­aðar og til­gangs­lausar að maður getur ekki orðið annað en tor­trygg­inn. Af hverju má ekki setja upp fleiri mæla? Af hverju má ekki mæla mengun yfir vetr­ar­tím­ann? Hvað er verið að fela? Ef fyr­ir­tækin hafa góða sam­visku ætti það að vera kapps­mál fyrir þau að hafa góðar og nákvæmar mæl­ing­ar, þannig ynnu þau traust nágranna sinna. En nei, það ku vera svo dýrt og flók­ið. Svo kemur eld­gos á Íslandi og svona mælar spretta upp um allar sveit­ir, meira að segja hægt að fylgj­ast með þeim í raun­tíma á net­inu. Af hverju er ekki svona mæla­net í kringum stór­iðj­una þar sem hægt er að sjá nið­ur­stöður í raun­tíma á vef Umhverf­is­stofn­unar eða Veð­ur­stof­unn­ar?



Það er ekki einu sinni til við­bragðs­á­ætlun ef meng­un­ar­slys á sér stað á Grund­ar­tanga. En þetta eru víst allt svo fín fyr­ir­tæki að það verður ekk­ert slys. Ég meina, Norð­urál sponserar jú yngri flokka Skaga­manna í knatt­spyrnu. Þau börn fá að hlaupa sem aug­lýs­ing fyrir þetta góða fyr­ir­tæki. Nema hvað, það verða slys, alvar­leg slys. Nú síð­ast árið 2006 og í kjöl­farið veikt­ust gras­bítar á svæð­inu. Slysið var til­kynnt Umhverf­is­stofnun en íbúar fengu ekk­ert að vita fyrr en löngu seinna. Á meðan smjött­uðu leik­skóla­börn í Hval­fjarð­ar­sveit á sandi úr sand­kass­an­um.

Upp­bygg­ingu ferða­manna­iðn­aðs fórnað

Ferða­manna­iðn­að­ur­inn er sú atvinnu­grein sem er í mestum vexti á Íslandi. Það er mikil fjölgun á ferða­mönnum á hverju ári sem leggja leið sína til Íslands. Ferða­manna­iðn­að­ur­inn er börnum okkar miklu verð­mæt­ari en stór­iðja og sala á ódýrri orku til meng­andi verk­smiðja. Fólk kemur hingað meira að segja til þess að upp­lifa ósnortna nátt­úru. Upp­bygg­ing Reykja­vík­ur­borgar á meng­andi iðn­aði á Grund­ar­tanga drepur öll sókn­ar­færi á ferða­manna­iðn­aði við Hval­fjörð. Hvað ætti slag­orðið fyrir svæðið að vera? „Mengun í fal­legri nátt­úru“? Þó að Faxa­flóa­höfnum þyki Grund­ar­tangi eitt besta hafn­ar­svæðið á Stór-Reykja­vík­ur­svæð­inu myndi þeim aldrei detta í hug að bjóða skemmti­ferða­skipum að leggj­ast til hafnar þar.



Til að kór­óna allt þá þarf að leggja nýjar háspennu­línur í Kjós til að þjón­usta orku­þörf Grund­ar­tanga­svæð­is­ins. Ha? Nei, sko, þetta er undir því yfir­skini að auka þurfi afhend­ingar­ör­yggi á raf­orku fyrir lands­menn, en allir vita að þetta er bara til að tryggja stór­iðj­unni djús­inn sinn. Kjósin verður bara að þola það að vera ekki bara með meng­andi iðn­að­ar­poll hinum megin við fjörð­inn heldur líka möstur sem bera ódýra orku til svæð­is­ins. Kjós­verjar mega svo til­biðja möstrin án end­ur­gjalds.



Ég hvet Kjós­ar­hrepp til að sam­þykkja ekki svæð­is­skipu­lag höf­uð­borg­ar­svæð­is­ins. Það er í hróp­andi ósam­ræmi við upp­bygg­ingu Reykja­vík­ur­borgar á iðn­að­ar­svæð­inu á Grund­ar­tanga.  Kjós­verjar eiga sama rétt á meng­un­ar­lausu umhverfi og aðrir á Stór-Reykja­vík­ur­svæð­inu.



Höf­undur er tón­list­ar­maður og jarð­fræð­ing­ur.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Kristbjörn Árnason
80 milljarða skattsvik á ári
Leslistinn 6. júlí 2020
Huawei á undir högg að sækja beggja vegna Ermasunds
Kínverski fjarskiptarisinn Huawei hefur mætt andstöðu franskra og breskra yfirvalda í kjölfar viðskiptaþvingana Bandaríkjanna gegn fyrirtækinu.
Kjarninn 6. júlí 2020
Lilja D. Alfreðsdóttir, mennta- og menningarmálaráðherra.
Úthlutar 400 milljónum til einkarekinna fjölmiðla
Mennta- og menningarmálaráðherra hefur undirritað reglugerð um stuðning við einkarekna fjölmiðla.
Kjarninn 6. júlí 2020
Icelandair flutti rúmlega 18 þúsund farþega í júní
Icelandair flutti rúmlega 18 þúsund farþega í júnímánuði, en flutti 553 þúsund farþega í sama mánuði í fyrra. Mun minni samdráttur hefur orðið í fraktflutningum hjá félaginu.
Kjarninn 6. júlí 2020
Katrín Jakobsdóttir, forsætisráðherra.
Katrín: Ég vonast til þess að við finnum lausn á þessu máli
Forsætisráðherrann hefur tjáð sig um þá ákvörðun Íslenskrar erfðagreiningar að hætta að skima fyrir COVID-19 sjúkdómnum.
Kjarninn 6. júlí 2020
Veirufræðideildin ekki í stakk búin til að taka við fyrr en í lok ágúst
Karl G. Kristinsson, yfirlæknir á sýkla- og veirufræðideild Landspítala, segist vonast til þess að Kára Stefánssyni snúist hugur varðandi aðkomu Íslenskrar erfðagreinar að landamæraskimunum. Deildin sé ekki tilbúin til að taka verkefnið að sér strax.
Kjarninn 6. júlí 2020
Kári Stefánsson
Íslensk erfðagreining mun hætta öllum samskiptum við sóttvarnalækni og landlækni
„Okkar skoðun er sú að öll framkoma þín og heilbrigðismálaráðherra gagnvart ÍE í þessu máli hafi markast af virðingarleysi fyrir okkur,“ segir í opnu bréfi Kára Stefánssonar til Katrínar Jakobsdóttur.
Kjarninn 6. júlí 2020
Kjarnafæði og Norðlenska renna saman í eitt eftir tveggja ára viðræður
Norðlenska og Kjarnafæði hafa náð samkomulagi um samruna félaganna tveggja. Hátt í 400 manns vinna hjá þessum fyrirtækjum í dag. Samruninn er háður samþykki Samkeppniseftirlitsins og um 500 bænda, sem eiga Norðlenska í sameiningu.
Kjarninn 6. júlí 2020
Meira úr sama flokkiÁlit
None