Ísland endurmeti stöðuna - Bjarga má þúsundum manna

Auglýsing

Upp­lýs­ing­arnar sem nú liggja fyrir um stöðu flótta­manna frá Sýr­landi og stríðs­hrjáðum svæðum í nágrenni eru slá­andi. Vand­inn er yfir­þyrm­andi og óhjá­kvæmi­legt að öll þróuð ríki heims­ins, ekki síst þau sem búa við vel­meg­un, end­ur­meti stöðu sína og leggi fram hjálp­ar­hönd.

Sænski pró­fess­or­inn Hans Ros­l­ing, sem kom til Íslands fyrr á árinu, fjallar um stöðu mála með áhrifa­miklu mynd­bandi sem nálg­ast má á inter­net­inu. Þar staðan útskýrð, og í því sést meðal ann­ars að aðeins lítið brot vand­ans er sýni­legt í Evr­ópu­ríkj­um, meðal ann­ars með miklum straumi fólks yfir Mið­jarð­ar­haf­ið.

https://www.youtu­be.com/watch?v=0_QrI­ap­iNOw

Auglýsing

Ang­ela Merkel, kansl­ari Þýska­lands, er í hópi þeirra stjórn­mála­manna sem hefur sagt að vand­inn sem snýr að þessu fólki sem nú flýr hörm­ungar í millj­ón­a­tali sé lang­sam­lega stærsta mál sem hún hefur staðið frammi fyrir sem þjóð­ar­leið­togi í Evr­ópu. Öll önnur vanda­mál eru smán­ar­vanda­mál sem varla tekur því að eyða orku í.

Eftir að hafa lesið nýj­ustu skýrslu frá teymi Sam­ein­uðu þjóð­anna sem fylgist með gangi mála í Sýr­landi, þá getur maður ekki annað en þrýst á yf­ir­völd um að bregð­ast taf­ar­laust við stöðu mála og hjálpa til.

Millj­ónir manna ­þjást nú alla daga, meðal ann­ars vegna þess að stjórn­mála­menn og alþjóða­stofn­anir hafa ekki komið upp nægi­lega skil­virkri keðju neyð­ar- og hjálp­ar­starfs. Í henni skiptir mestu að allir séu til­búnir að leggja eitt­hvað af mörk­um, eins hratt og kostur er. Í þessu til­viki, þurfa allir að leggja mjög mikið af mörk­um, ann­ars munu millj­ónir manna drep­ast.

Eins og oft þegar að kemur að svona stórum vanda­mál­um, þá er oft erfitt að koma fram með lausnir eða mæla með réttu hversu stór hjálp­ar­höndin getur verið hjá hverri þjóð.

Það ætti að gefa ein­hverja vís­bend­ingu um hvernig þetta mál horfir við alþjóða­sam­fé­lag­inuu í augna­blik­inu að þjóðir heims­ins, meðal ann­ars í Evr­ópu, hafa verið hvattar til þess að setja upp flótta­manna­búðir vítt og breitt til þess að koma fólki í skjól. Þetta er ekki aðeins við landa­mæri, heldur einnig á opnum svæðum inn í borgum og bæj­um.

Spurn­ingin er; Hvað getur smá­ríki eins og Íslands gert? Það er vissu­lega til eft­ir­breytni að taka móti 50 flótta­mönnum, eins og til stend­ur, en í ljósi umfangs vand­ans ætti talan að vera marg­falt hærri. Lík­lega væri fimm þús­und ágætis byrj­un. Nóg er til af pen­ing­um, svo mikið er víst (og meira á leið­inn­i), og aðstaðan er líka fyrir hendi. Það þarf bara að for­gangs­raða rétt að þessu sinni, og láta öll létt­væg dæg­ur­mál liggja óhreyfð um stund.

Í þessu vanda­máli verður að hugsa út fyrir box­ið, og það er vel hægt. Reykja­vík­ur­borg gæti til dæmis lagt fram meira og minna öll íþrótta­hús borg­ar­inn­ar, umbreytt þeim í flótta­manna­búð­ir, með sturtu- og hrein­læt­is­að­stöðu. Skóla­börn þyrftu að finna sér annað svæði á meðan og íþrótta­fé­lögin sömu­leið­is. Það eru ekki nein vanda­mál og alls ekki afsökun fyrir því að grípa ekki til aðgerða sem þess­ara. Þetta er einnig í takt við það sem þjóðir í Evr­ópu eru hvattar til að gera; nýta pláss sem er til staðar og koma upp lág­marks­að­stöðu og skjóli.

Við­líka hug­myndir mætti nefna, þar sem einka­fyr­ir­tæki, sem eru í aðstöðu til, geta lagt sitt af mörkum með aðstöðu, atvinnu eða pen­inga­fram­lagi. Sér­tækar lausnir þar sem frum­kvæði þeirra sem geta lagt til hjálp­ar­hönd er alltaf ómet­an­legt á svona stund­um. Þetta gæti verið tíma­bundin aðstoð,  neyð­ar­að­stoð.

Hvernig sem á málið er litið er mik­il­vægt að strax verði horfið frá því að hjálpa ein­ungis örfáum tug­um og fram­lag Íslands verði end­ur­hugsað frá grunni, og marg­faldað að umfangi.

Bás hjá frambjóðanda Danska þjóðarflokksins
10 staðreyndir um Dansk Folkeparti
Danski þingflokksforsetinn Pia Kjærsgaard hefur verið áberandi í umræðunni í síðustu viku vegna hlutverks hennar á fullveldishátíðinni. Pia er þekktust fyrir tengingu sína við flokkinn Dansk Folkeparti, en Kjarninn tók saman tíu staðreyndir um hann.
Kjarninn 22. júlí 2018
Sá mikli uppgangur sem á sér stað á Íslandi útheimtir mikið af nýju vinnuafli. Það vinnuafl þarf að sækja erlendis.
Erlendir ríkisborgarar orðnir 23 prósent íbúa í Reykjanesbæ
Erlendum ríkisborgurum heldur áfram að fjölga á Íslandi. Án komu þeirra myndi íbúum landsins fækka. Mjög mismunandi hvar þeir setjast að. Í Reykjanesbæ voru erlendir ríkisborgarar 8,6 prósent íbúa í lok árs 2011. Nú eru þeir 23 prósent þeirra.
Kjarninn 22. júlí 2018
Klámið í kjallarageymslunum
Í geymslum danska útvarpsins, DR, leynast margar útvarps- og sjónvarpsperlur. Danir þekkja margar þeirra en í geymslunum er einnig að finna efni sem fæstir hafa nokkurn tíma heyrt minnst á, hvað þá heyrt eða séð.
Kjarninn 22. júlí 2018
Ljósmæðrafélagið hefur aflýst yfirvinnubanninu sínu.
Verkfalli ljósmæðra aflýst
Ljósmæðrafélag Íslands hefur samþykkt að aflýsa yfirstandandi yfirvinnubanni í ljósi þess að ríkissáttarsemjari hefur lagt fram miðlunartillögu.
Kjarninn 21. júlí 2018
Björn Leví Gunnarsson
Réttar skoðanir?
Kjarninn 21. júlí 2018
Guðmundur Andri Thorsson
Um kurteisi
Kjarninn 21. júlí 2018
Guðni Th. Jóhannesson, forseti Íslands
Skrifstofa forseta útskýrir fálkaorðuveitingu Piu
Samkvæmt fréttatilkynningu frá skrifstofu forseta Íslands er fálkaorðuveiting Piu útskýrð í ljósi reglna, samninga og hefða sem gilda hér á landi um slíkar orðuveitingar, líkt og annars staðar í Evrópu.
Kjarninn 21. júlí 2018
Donald Trump Bandaríkjaforseti
Vill auka tolla á kínverskar vörur en aflétta banni á rússneskt fyrirtæki
Bandaríkjastjórn viðraði í gær hugsanleg áform um að leggja tolla á allan kvínverskan innflutning annars vegar og aflétta viðskiptabanni við rússneskt álfyrirtæki hins vegar.
Kjarninn 21. júlí 2018
Meira úr sama flokkiLeiðari
None