Auglýsing

Í eins árs afmæl­is­út­gáfu Kjarn­ans, sem kom út 21. ágúst, var boðað að framundan væru mestu breyt­ingar sem orðið hafa á starf­semi Kjarn­ans frá byrj­un. Í dag stígum við fyrsta skrefið í þeim breyt­ingum með því að kynna til leiks nýjan og öfl­ugan frétta­vef Kjarn­ans. Á honum mun rit­stjórn Kjarn­ans sinna dag­legri frétta­þjón­ustu sam­kvæmt sömu við­miðum og við höfum starfað eftir hingað til, með áherslu á gæði og dýpt. Og við ætlum að vera þræl­skemmti­leg líka.

Nýi frétta­vef­ur­inn mun bjóða upp á reglu­legar fréttir af öllu því sem rit­stjórn Kjarn­ans telur að skipti mestu máli hverju sinni á inn­lendum og erlendum vett­vangi, dag­legar frétta­skýr­ing­ar, hlað­vörp, mynd­bönd, pist­la, aðsendar grein­ar, fullt af föstum liðum og allskyns aðra skemmti­lega efn­is­flokka.  Áfram sem áður mun stór hópur vand­aðra pist­la- og greina­höf­unda sjá okkur fyrir efni auk þess sem til stendur að fjölga þeim enn meira.

„Tug­þús­undir Íslend­inga hafa þegar ákveðið að vera hluti af Kjarna­sam­fé­lag­inu með því að fylgja okkur þetta fyrsta tæpa eina og hálfa ár. Það er okkar von að þeim muni fjölga hratt með þeirri stór­sókn sem Kjarn­inn er nú að ráð­ast í."

Auglýsing

Í dag fór líka í fyrsta sinn dag­legur frétta­póstur Kjarn­ans til þeirra sem skráðir eru á póst­lista Kjarn­ans. Allir sem eru skráðir á hann munu fá slíkan póst klukkan 8:30 á hverjum virkum morgni héðan í frá. Í frétta­póst­inum er farið yfir það helsta sem er að ger­ast í íslensku sam­fé­lagi, á www.kjarn­inn.is og úti í hinum stóra heimi. Þetta er ein­stök þjón­usta á Íslandi og við bindum miklar vonir við að Kjarna­sam­fé­lagið taki henni opnum örm­um.

Á næstu vikum munum við síðan kynna enn fleiri breyt­ingar sem verða á starf­semi Kjarn­ans. Þær miða allar að því að fjölga þeim leiðum sem við höfum til að koma efni til les­enda okkar og breikka starf­semi Kjarn­ans. Með öðrum orðum þá er Kjarn­inn að gefa veru­lega í.

Sam­hliða þessum breyt­ingum mun útgáfu viku­legs staf­ræns frétta­tíma­rits í gegnum app verða hætt. Tíma­ritið hefur verið okkar aðal­út­gáfa fram til þessa og komið út alls 58 sinn­um. Í stað þess að koma í stórum skammti á hverjum fimmtu­degi ætlum við héðan í frá að vera hluti af dag­legu fjöl­miðla­neyslu­mynstri les­enda okk­ar. Kjarn­inn er nefni­lega fyrst og síð­ast staf­rænn efn­is­fram­leið­andi.  Þær leiðir sem hann nýtir hverju sinni til að koma efn­inu til þeirra sem vilja lesa, hlusta eða horfa á það geta verið síbreyti­leg­ar.

Í dag erum við að ráð­ast í eina slíka breyt­ingu. Það er því miður stað­reynd að íslenskt fjöl­miðla­lands­lag glímir við sífellt auk­inn skort á trú­verð­ug­leika. Les­endur virð­ast ein­fald­lega ekki trúa því að margir miðl­anna séu með það sem leið­ar­ljós að segja þeim satt heldur ráði aðrir hags­munir för í fram­setn­ingu þeirra. Þess vegna hefur þörfin fyrir gagn­rýna, heið­ar­lega og fram­sýna frétta­mennsku lík­lega aldrei verið jafn mikil og í þeim sam­tíma sem við erum að lifa.

Þrátt fyrir að Kjarn­inn sé ungur fjöl­mið­ill – hann var stofn­aður fyrir 16 mán­uðum – þá hefur okkur sem að honum stöndum tek­ist að byggja upp mik­inn trú­verð­ug­leika og traust. Mæl­ingar í háskóla­sam­fé­lag­inu hafa til að mynda sýnt að okkur sé lang­best treyst á meðal einka­miðla lands­ins og að fæstir innan þess van­treysti okk­ur. Sá árangur gefur okkur byr til að ráð­ast í þann mikla vöxt sem er framundan hjá okkur og hefst í dag. Verk Kjarn­ans verða hins vegar dæmd af les­endum okk­ar.

Trún­aður Kjarn­ans verður ein­ungis gagn­vart ykk­ur,  því þar liggja hags­munir fjöl­mið­ils­ins. Tug­þús­undir Íslend­inga hafa þegar ákveðið að vera hluti af Kjarna­sam­fé­lag­inu með því að fylgja okkur þetta fyrsta tæpa eina og hálfa ár. Það er okkar von að þeim muni fjölga hratt með þeirri stór­sókn sem Kjarn­inn er nú að ráð­ast í.

Vel­komin í Kjarna fram­tíð­ar­inn­ar.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Bjarni Benediktsson, fjármála- og efnahagsráðherra, og Þorgerður Katrín Gunnarsdóttir, formaður Viðreisnar.
Leggja fram ólíkar breytingar á erfðafjárskatti
Fjármálaráðherra og þingmenn Viðreisnar hafa lagt fram tvö ólík frumvörp um breytingar á lögum um erfðafjárskatt. Mikill munur er á frumvörpunum en annað tekur meðal annars mið af skattstofni dánarbúsins en hitt af arfgreiðslum hvers erfingja fyrir sig.
Kjarninn 18. október 2019
Kristbjörn Árnason
Koxgráa spillingar þjóðfélagið Ísland!
Leslistinn 18. október 2019
Punktur Punktur
Punktur Punktur
Punktur Punktur – Nr. 5 Guðmundur Atli Pétursson - ljósahönnuður hjá RÚV.
Kjarninn 18. október 2019
Guðmundur Ingi Guðbrandsson
Stóraukin áhersla á náttúruvernd
Kjarninn 18. október 2019
Molar
Molar
Molar – Lækkanir, Austin Texas og Guðmundur Jaki
Kjarninn 18. október 2019
Seðlabankinn dæmdur til að veita blaðamanni Fréttablaðsins upplýsingar
Seðlabanki Íslands var í morgun dæmdur til að afhenda blaðamanni Fréttablaðsins upplýsingar um samning sem Már Guðmundsson, þáverandi seðlabankastjóri, gerði við Ingibjörgu Guðbjartsdóttur, fyrrverandi framkvæmdastjóra gjaldeyriseftirlits bankans.
Kjarninn 18. október 2019
Ísland á gráa listann vegna peningaþvættis
Ísland hefur verið sett á gráa lista FATF ásamt Mongólíu og Simbabve. Aðgerðir sem ráðist hefur verið í síðastliðið eitt og hálft ár reyndust ekki nægjanlegar.
Kjarninn 18. október 2019
Helgi Magnússon eignast allt Fréttablaðið – Jón Þórisson nýr ritstjóri
Fjárfestirinn Helgi Magnússon hefur keypt þann hluta í Torgi, útgáfufélagi Fréttablaðsins, sem hann átti ekki fyrir. Til stendur að sameina Fréttablaðið og Hringbraut.
Kjarninn 18. október 2019
Meira úr sama flokkiLeiðari
None