Landspítali - háskólasjúkrahús, besti spítalinn við Hringbraut

Hans Guttormur Þormar
RSlUjTkB-0725.jpg
Auglýsing

Margt hefur verið ritað og mörgu haldið fram við val á stað­setn­ingu nýs spít­ala. Rökin gegn stað­setn­ingu og skipu­lagi við Hring­braut hafa m.a. verið mikil umferð­ar­aukn­ing og óþæg­indi sam­hliða því, allt of stórar bygg­ing­ar, stórt bygg­ing­ar­land, slæmt skipu­lag og mik­ill kostn­aður þegar til lengri tíma er lit­ið. Síð­ast en ekki síst hafa menn eilíf­lega haldið því fram að aðrar stað­setn­ingar hafi ekki verið skoð­aðar nægi­lega vel, t.d. Víf­il­staðir eða Elliða­ár­vog­ur. Sömu menn hafa hins vegar kosið að horfa fram­hjá þeim gríð­ar­lega ábata sem felst í upp­bygg­ingu Land­spít­ala við Hring­braut.

Umferð



Und­an­farið hefur mikið farið fyrir mönnum sem telja sig hafa reiknað út óskap­legan umferð­ar­legan sparnað af því að hafa spít­al­ann ann­ars stað­ar, t.d. í Elliða­ár­vogi. Þeir hafa haldið því fram að með því að reikna fjölda áætl­aðra ferða, miðað við ímyndað „mið­svæði höf­uð­borg­ar­inn­ar“ (að teknu til­liti til nálægðar mann­fjölda við svæð­ið), sé þjóð­hags­lega hægt að spara fleiri millj­arða árlega.

Það væri fróð­legt að nota sama reikni­líkan og reikna sparn­að­inn sem fælist í því að flytja Háskóla Íslands og Háskól­ann í Reykja­vík niður í „mið­svæð­ið“ en í þessum tveimur skólum eru núna sam­tals um 18 þús­und nem­endur og starfs­menn. Sá þjóð­hags­legi sparn­aður myndi skv. þessum sömu for­sendum senni­lega nægja fyrir fram­lögum rík­is­ins til háskóla á Íslandi árlega!!!

Auð­vitað eru málin ekki svona ein­föld, og það að taka eina og eina breytu út fyrir sviga og beita henni fyrir sig nær ekki nokk­urri átt. Það heitir að sjá ekki skóg­inn fyrir trján­um.

Auglýsing

Screen.Shot.2015.05.12.at.14.43.42

 

Á með­fylgj­andi köku­riti er fjöldi starfs­manna og nem­enda í HÍ og HR (nú­ver­andi) settar í sam­hengi við fjölda starfs­manna, sjúk­linga og aðstand­enda á LSH miðað við að öll starf­semin væri á Hring­braut. Þrátt fyrir að gert sé ráð fyrir að allir starfs­menn LSH færu til vinnu á sama tíma (væru ekki vakta­vinn­u), þá er sam­an­lagður fjöldi þeirra sem koma á LSH ekki nema 26 pró­sent af þessum þremur stofn­un­um/há­skól­um. Þá á eftir að telja Íslenska Erfða­grein­ingu, Alvogen, flug­völl­inn og Þjóð­minja­safnið svo eitt­hvað sé nefnt. Ef við horfum enn lengja niður í mið­bæ/vest­urbæ og gerum ráð fyrir að helm­ing­ur­inn af þeim sem þar vinna fari nú þegar um Hring­braut­ar­svæðið erum við að tala um 3000 manns í við­bót að lág­marki í þessa útreikn­inga.

Þetta þýðir ein­fald­lega að sú 5-15 pró­senta aukn­ing sem verður á heild­ar­um­ferð um svæðið við það að allar deildir LSH sam­ein­ist á Hring­braut hefur engin úrslita­á­hrif á umferð á svæð­inu. Þessa smá aukn­ingu og fram­tíð­ar­aukn­ingu næstu ára­tuga má ein­fald­lega end­ur­heimta með því að fækka bíla­stæðum við HÍ og HR og setja gjald­mæli við þau sem eftir standa. Bara 10 pró­senta fækkun bíla­um­ferðar frá Háskól­unum tveimur myndi vega vel upp á móti aukn­ingu umferðar vegna nýs spít­ala við Hring­braut, þótt til lengri tíma sé lit­ið.

Umferð­ar­þung­inn er mestur frá 1. sept­em­ber til 1. maí (vegna skól­anna) milli 8-8:30 og 9-9:30 og svo aftur seinni part­inn milli 4-4:30 og 5-5:30. Þetta eru 2-2 1/2 tími. Ég veit ekki betur en á þeim tíma sé sama umferð­ar­teppan í kringum Ártúns­brekku og inn­/útaf Breið­holts­braut, við Grens­ás­veg, auk þess sem Bústaða­vegur og Kringlu­mýr­ar­braut eru þétt pökk­uð.   Að auki benda allar grein­ingar Reykja­vík­ur­borgar til þess að umferð við nýjan spít­ala við Hring­braut verði ekki vanda­mál.

Að setja hlut­ina í sam­hengi - Besti spít­al­inn



Í fyrsta lagi:

Það að koma starf­semi LSH fyrir á einum stað er lang­mik­il­væg­asta verk­efn­ið, um það geta allir verið sam­mála. Hvert ár sem líður án þess að það sé gert veldur millj­arða­tapi fyrir sam­fé­lag­ið.

Í öðru lagi:

Þeim rökum að nálægð við Háskóla Íslands hafi eitt­hvað með stað­setn­ing­una að gera, hefur af and­stæð­ingum stað­setn­ing­ar­innar við Hring­braut bara verið ýtt út af borð­inu, t.d. með orð­un­um: „Ég sé ekki að það hafi neitt með þetta að ger­a“.

Það athygl­is­verða við þetta er einmitt, að til að byggja upp full­kom­inn virki­lega góðan spít­ala, sem getur veitt bestu mögu­lega þjón­ustu þá þarf sterka og nána teng­ingu við háskóla. Nán­ast öll bestu sjúkra­hús í Evr­ópu og Banda­ríkj­unum hafa nána teng­ingu við háskóla og háskólar eru í nán­asta umhverfi þeirra, oft í sam­eig­in­legu hús­næði. Um 150 starfs­menn Land­spít­al­ans eru einnig starfs­menn Heil­brigð­is­vís­inda­viðs HÍ. Þar að auki er mik­ill fjöldi stunda­kenn­ara sem bæði sinnir kennslu inni á Land­spít­al­anum og við HÍ og HR.

Fyr­ir­lestrar sem haldnir eru á Land­spít­al­anum eru sóttir af starfs­fólki og nem­endum háskól­anna og LSH og jafn­framt koma starfs­menn Land­spít­ala á fyr­ir­lestra við HÍ og HR. Þar eru kynntar nýjar með­ferð­ir, nýjar hug­mynd­ir, ný lyf, ný tæki, nýjar upp­götv­anir og mögu­leikar á nýj­ustu tækn­i/þekk­ingu fyrir sjúk­linga og með­höndlun þeirra. Þarna mynd­ast einn suðu­pottur skap­andi hugs­unar og fram­fara sem þetta þjóð­fé­lag þarf svo mikið á að halda. Ég má ekki til þess hugsa að slíkt tæki­færi gangi okkur úr greip­um.

Sú mik­il­væga vís­inda­starf­semi, nýsköpun og tækni­þróun sem á sér stað með sam­starfi þess­ara aðila, má ekki eyði­leggja með umferð­ar­hnútarökum eða enda­lausri skipu­lags­deilu. Besti spít­al­inn verður til í námunda við háskólaum­hverf­ið, svo ein­falt er það. Menn verða aldrei á eitt sáttir við stað­setn­ingu, útlit og bygg­ingu húsa eða hverfa. Því mið­ur, en nú er mál að linni.

Í þriðja lagi:

Öll starf­semi sem flytur með sér fólk styrkir inn­við­ina á svæð­inu. Starfs­menn og gestir þurfa að fá sér að borða, setj­ast niður yfir kaffi­sopa eða bíða eftir ást­vini sem er til athug­un­ar. Með til­komu fleira fólks opn­ast mögu­leik­inn á fleiri stöðum sem standa undir sér í rekstri allan árs­ins hring, með til­heyr­andi auðgun mann­lífs, bæði á Land­spít­al­an­um, háskóla­svæð­inu og von­andi alla leið niður í mið­bæ. Þannig að þó ein­hverjum finn­ist bygg­ing­arnar ljótar og skipu­lagið stór­kalla­legt eða umferðin þung, þá er það fólkið á spít­al­anum og nálægum bygg­ingum sem er horn­steinn­inn og það er það sem byggir upp Land­spít­ala-há­skóla­sjúkra­hús sem besta sjúkra­hús sem við höfum átt.

Ég vil því nota tæki­færið og hvetja núver­andi heil­brigð­is­ráð­herra til dáða og að láta ekki háværar for­tölur tefja fram­tíð­ar­upp­bygg­ingu við Hring­braut .

Höf­undur er fram­kvæmda­stjóri Líf­eind­ar.

 

 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Eldishús með Aviary Pro 10 varpkerfi frá Hellmann sambærilegt kerfum sem verða í notkun að Vallá.
Stjörnuegg vill fjölga fuglum í allt að 95 þúsund að Vallá
Fyrirtækið Stjörnuegg hf. áformar breytingar á eldishúsum sínum að Vallá á Kjalarnesi sem yrðu til þess að hægt væri að koma þar fyrir 95 þúsund fuglum í stað 50 þúsund nú. Slíkum fjölda fylgja um 3.500 tonn af hænsnaskít á ári.
Kjarninn 11. júlí 2020
Kristján Þór Júlíusson, sjávarútvegs- og landbúnaðarráðherra.
Kvótaþak óbreytt í tillögum – sem og hvað aðilar þurfi að eiga hvor í öðrum til að teljast tengdir
Lokaskýrsla verkefnastjórnar um bætt eftirlit með fiskveiðiauðlindinni hefur litið dagsins ljós og hefur hún verið afhent Kristjáni Þór Júlíussyni, sjávarútvegsráðherra. Einn stjórnarmeðlimur setur sérstakan fyrirvara við skýrsluna.
Kjarninn 10. júlí 2020
Pottersen
Pottersen
Pottersen – 39. þáttur: Naumlega sloppið!
Kjarninn 10. júlí 2020
Ingimundur Bergmann
Hótelhald, búfjárhald og pólitík
Kjarninn 10. júlí 2020
Páll Matthíasson, forstjóri Landspítalans.
„Allir eru á dekki“ við að tryggja áfram landamæraskimun
Starfsfólk Landspítalans hefur brugðist við „af ótrúlegri snerpu og atorku“ með það að markmiði að tryggja að skimun á landamærum geti haldið áfram eftir 13. júlí. „Allir eru á dekki,“ segir Páll Matthíasson, forstjóri spítalans.
Kjarninn 10. júlí 2020
Skiljum ekkert eftir
Skiljum ekkert eftir
Skiljum ekkert eftir – Börnin
Kjarninn 10. júlí 2020
Félag leikskólakennara skrifar undir nýjan kjarasamning
Þrjú aðildarfélög KÍ hafa skrifað undir kjarasamninga við samninganefnd Sambands íslenskra sveitarfélaga: Félag leikskólakennara, Skólastjórafélag Íslands og Félag stjórnenda leikskóla.
Kjarninn 10. júlí 2020
Farþegaskipið Boreal heldur frá Reykjavíkurhöfn á morgun. Það tekur um 200 farþega en í fyrstu siglingunni verða á bilinu 50 til 60 farþegar sem allir koma með flugi frá París á morgun.
Ekki fást upplýsingar um sóttvarnaráðstafanir frá umboðsaðila Boreal
Fyrsta farþegaskip sumarsins heldur frá Reykjavíkurhöfn á morgun. Starfsfólk skipafélags tjáir sig ekki um sóttvarnaráðstafanir sem gerðar hafa verið vegna farþega sem hyggjast sigla, en þeir koma með flugi frá París á morgun.
Kjarninn 10. júlí 2020
Meira úr sama flokkiÁlit
None