Nú þegar hlut­haf­ar, Sam­keppn­is­eft­ir­litið og Fjár­mála­eft­ir­litið hafa blessað sam­ein­ingu MP banka og Straums fjár­fest­ing­ar­banka er komið að því að velja bank­anum nýtt nafn. Kosið verður í stjórn næst­kom­andi mánu­dag á fyrsta hlut­hafa­fundi bank­ans. Mis­jafn­lega fyndnir brand­arar hafa verið sagðir um hvað sam­ein­aður banki gæti heit­ið. Strumpur banki er ein til­laga. Það verður að telj­ast ólík­leg nafna­gjöf.

Þetta er ekki í fyrsta sinn sem ráð­ist er í nafna­breyt­ingar innan MP banka. Eftir eig­enda­skipti árið 2011 stóð til að skipta út MP, upp­hafs­stöfum Mar­geirs Pét­urs­sonar stofn­anda bank­ans, fyrir eitt­hvað allt annað enda Mar­geir ekki lengur hlut­hafi. Skúli Mog­en­sen, sem fór fyrir hópi hlut­hafa við kaup á MP banka, keypti þá í nafni fjár­fest­inga­fé­lags síns, Tít­an, lénið versl­un­ar­banki.is og verzl­un­ar­banki.­is. Eftir nokkra und­ir­bún­ings­vinnu var þó fallið frá breyt­ingum og þess í stað ákveðið að kynna til sög­unnar nýtt vöru­merki og yfir­lagn­ingu. MP banki heitir því ennþá MP banki.

Títan fjár­fest­ing­ar­fé­lag er ekki lengur skráður eig­andi lén­anna versl­un­ar­banki.is og verzl­un­ar­banki.­is. Í dag á eng­inn lén­ið, sam­kvæmt skrán­ingu Isnic. Það er því ólík­legt að leitað verður í fyrri vinnu við nafna­breyt­ingar á MP banka, þegar nafn­inu verður að öllum lík­indum breytt á næstu vikum eða mán­uð­um.