Óorð og áróðursstríð

0af39b9e4b77e678244e41715cb3b426v2_max_440x330_b3535db83dc50e27c1bb1392364c95a2-1.jpg
Auglýsing

Á You Tube er hægt að hlusta á ræðu sem þýski rit­höf­und­ur­inn Thomas Mann hélt hjá BBC í London í nóv­em­ber 1941. Hann beinir orðum sínum til lands­manna í Þýska­landi Hitlers. Talar um fjöldamorð og ofsóknir nas­ista og biður þjóð­verja um að opna augun og sjá hvað er raun­veru­lega að ger­ast í kringum þá. Áhrifa­rík orð Manns virð­ast nálæg þótt tími hans sé hluti af sög­unni.

Helga Brekkan, kvikmyndagerðarkona. Helga Brekk­an, kvik­mynda­gerð­ar­kona.

Í dag er talað um stríðið um flug­völl­inn í Donetsk sem "Stal­ingrad” Ukra­ínu.

Auglýsing

En áður en sú frá­sögn fer í sögu­bæk­urnar á hún eftir að kosta enn fleiri manns­líf.  Völl­ur­inn heitir Sergei Prokofiev International Air­port eftir tón­skáld­inu sem fædd­ist í Donetsk. Flug­völl­ur­inn var end­ur­byggður og bættur  árið 2012 vegna heims­meist­ar­keppni í fót­bolta. Nú er hann í rúst eftir margra mán­aða umsátur og flug­turn­inn fall­inn.  Frá­sögnir rúss­neskra rík­is­fjöl­miðla frá flug­vell­inum í Donetsk eru gjör­ó­líkir þeim sem vest­ræni fjöl­miðlar sýna. Íbúar á svæð­inu birta einnig eigin myndir og drónar hafa kvik­myndað eyði­legg­ing­una úr lofti.

Svokölluð heim­ild­ar­mynd



Í síð­ustu viku sýndi rúss­neska ríks­sjón­varps­stöð­inni Rossia 1  "Projekt Úkra­ína” .

Í þess­ari svoköll­uðu "heim­ilda­mynd” var millj­ónum rúss­neskra áhorf­enda meðal ann­ars sagt að úkra­ínska þjóðin væri upp­finn­ing vest­rænna leyni­þjón­usta. Að úr Rúss­unum sem lifðu í syðri hluta lands­ins væri verið að skapa nýjan þjóð­flokk.

htt­p://yout­u.be/i­jmuQwQRAGc

Áróður og lygar eru dag­legt brauð í rík­is­fjöl­miðlum Rúss­lands. Meiri­hluti íbú­anna sér aðeins rík­is­stöðv­arn­ar, sem eftir mót­mælin á Mai­dan í Kiev hafa skrúfað áróð­urs­vélar sínar í botn. Stjórn­völd í Kreml gera allt til að íbúar Rúss­lands fari ekki út að mót­mæla.  Þjóð­ern­is­kennd er blásin upp og óvina­þörfin nærð með  full­yrð­ingum um að vest­ur­lönd vilji í stríð gegn Rúss­landi.

Ekk­ert lát virð­ist vera á fjár­fram­lögum til áróðusmask­ínu Kreml þrátt fyrir slæmt efna­hags­á­stand. Rúblan fellur eins og olíu­verðið og við­skipta­þving­anir vest­ur­landa vegna stríðs­rekst­urs Rúss­lands í Úkra­ínu hafa áhrif.

Áróð­urs­stöðvar Rúss­lands hafa sína skýr­ingu á fjár­málakrís­unni og segja hana verk fjand­sam­legra vest­rænna ríkja einkum Banda­ríkj­anna. Sumar fréttir eru svo fjar­stæðu­kenndar að  manni stekkur bros , sem hverfur fljótt.

Dreifir áróðri í 34 löndum á 30 tungu­málum



En það eru fleiri en rúss­neska þjóðin sem fær sinn skerf af áróð­ur­sköku Kreml. Með fjöl­miðlum eign­ar­halds­fé­lags­ins Rossiya Segodnja "Rúss­land í dag” dreifir stjórn Rúss­lands áróðri sínum í 34 löndum á 30 tungu­mál­um. Móð­ur­stöðin Russia Today var stofnuð af Kreml árið 2005 og lýsti Valdimir Pútín því þá yfir að ástæðan væri að "berj­ast gegn yfir­ráðum eng­il­sax­neskra frétta­neta".

Russia Today sendir út allan sól­ar­hring­inn á ensku, spænsku, arab­ísku og rúss­nesku. Sam­kvæmt þeirra eigin tölum ná send­ingar þeirra ti yfir 700 millj­ónum áhorf­enda í meira en 100 lönd­um.

Vegna stríðs Rúss­lands gegn Úkra­ínu hefur Kreml hækkað áróð­urs­fram­lagið um 41 pró­sent að 262 millj­ónum evra.

Nýjasta flagg­skipið í áróð­urs­flot­anum er Spútnik. Það birt­ist á net­inu á átta tungu­mál­um, þar á meðal kín­versku. Lygar og áróður eru þar ­sem á RT sett fram sem um fréttir og rann­sókn­ar­blaða­mennsku væri að ræða.

Þekkt eru náin tengsl Kremls við hægri öfga­sam­tök í Evr­ópu eins og til dæmis Marin Le Pen sem hefur fengið fjár­magn frá Rúss­landi. Einnig við Jobbik í Ung­verja­landi og gríska nýnas­ista­flokk­inn Gyllta dög­un. Sam­band á milli breska Ukip og Kreml er óstað­fest en leið­togi þeirra, Nigel Fara­ge, segir Pútin vera þann þjóð­ar­leið­toga sem hann dái mest.

Peg­ida nýtur stuðn­ings Rússa



Þýsku sam­tökin sem kalla sig Peg­ida og hafa mar­serað í Dres­den og víðar gegn inn­flytj­endum njóta stuðn­ings rúss­neskra stjórn­valda. Sam­kvæmt nýjum könn­unum eru ras­istar sem hrópa "Lyga­pressa“ um þýska fjöl­miðla margir dyggir áhorf­endur Russia Today. Það er merki­legt að sjá þar fólk tala um lyga­pressu og benda á Pútín sem boð­bera sann­leik­ans.

"Allir ljúga nema Russia Toda­y," hróp­aði Peg­ida-sinni í Dres­den þegar hann neit­aði að tala við frétta­mann Zdf. Næsti maður við gekk um með plakat af Pútín. “Pútín bjarg­aðu okk­ur!”

Þann 21. jan­úar kom til átaka í Leipzig þar sem með­limir Leg­ida réð­ust m.a. á blaða­menn og skemmdu ljós­mynda­vélar þeirra. Undir hrópum um Lyga­pressu.

Orðið Lügen­presse, eða Lyga­pressa, var fyrst notað um blöð óvina í fyrri heim­styrj­öld. Nas­istar not­uðu það stöðugt yfir blöð gyð­inga, komm­ún­ista og allra sem gagn­rýndu þá. Eftir lok stríðs­ins 1945 flaut orðið áfram í köldu stríði þar til það sökk. Nú hafa Peg­ida sam­tökin veitt það upp af botni sög­unnar og kyrja ásamt rasískum slag­orðum í hóp­göng­um.

Þann 13. jan­úar 2015 var "óorð árs­ins ” valið af nefnd þýskra mál­fræð­inga. Með því að velja óorð árs­ins vilja þeir vekja athygli á dul­bú­innni eða æru­meið­andi mál­notkun sem og að auka  tungu­mála­næmi þjóð­ar­inn­ar. Um 1250 til­lögur með fleiri en 730 mis­mun­andi orðum bár­ust og hlaut Lügen­presse hinn vafa­sama heiður "óorð árs­ins" 2014 í Þýska­landi.

 

 

 

 

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Bjarni Benediktsson er fjármála- og efnahagsráðherra.
Frumvarp um Þjóðarsjóð lagt aftur fram – Yrði stofnaður um áramót
Frumvarp um stofnun Þjóðarsjóðs, sem á að taka við arðgreiðslum frá orkufyrirtækjum ríkisins, hefur verið lagt aftur fram. Ekki hefur verið einhugur um hvort að um sé að ræða góða nýtingu á fjármagninu, sem getur hlaupið á hundruð milljörðum á fáum árum.
Kjarninn 16. október 2019
Þjóðlegir þræðir
Þjóðlegir þræðir
Þjóðlegir þræðir - Þjóðbúningamafían
Kjarninn 16. október 2019
Þórður Snær Júlíusson
Ofurstéttin sem er að eignast Ísland
Kjarninn 16. október 2019
Samningar sagðir vera að nást milli Breta og Evrópusambandsins
Fundað hefur verið stíft í Brussel og einnig í London, síðustu daga. Reynt er til þrautar að ná samningi um forsendur útgöngu Breta úr Evrópusambandinu.
Kjarninn 16. október 2019
Flokkar Bjarna Benediktssonar og Loga Einarssonar mælast nánast jafn stórir í nýrri könnun Zenter.
Samfylkingin mælist næstum jafn stór og Sjálfstæðisflokkur
Frjálslyndu miðjuflokkarnir þrír í stjórnarandstöðu mælast með meira samanlagt fylgi en ríkisstjórnarflokkarnir þrír í nýrri könnun. Fylgisaukning Miðflokksins, sem mældist í könnun MMR í síðustu viku, er hvergi sjáanleg.
Kjarninn 16. október 2019
AGS segir hættumerkin hrannast upp í heimsbúskapnum
Alþjóðagjaldeyrissjóðurinn segir að nú séu hagvaxtarhorfur í heimsbúskapnum svipaðar og voru fyrir fjármálakreppuna 2007 til 2009.
Kjarninn 15. október 2019
Rauður dagur á markaði - Arion banki fellur enn í verði
Rauður dagur var í kauphöll Íslands í dag. Öll félögin lækkuðu nema eitt, Origo. Virði þess félags hækkaði um tæplega 2 prósent í dag, í viðskiptum upp á 677 þúsund.
Kjarninn 15. október 2019
Landsvirkjun hækkar raforkuverð um 2,5 prósent
Heildsöluverð á raforku hjá Landsvirkjun mun hækka um 2,5 prósent um næstu áramót.
Kjarninn 15. október 2019
Meira úr sama flokkiÁlit
None