Í deigl­unni er her­ferð gegn land­inu. Hún hefur ýmsar birt­ing­ar­mynd­ir:

• Lands­net ræðir um raf­línur yfir hálend­ið;
• Atvinnu­mála­nefnd Alþingis vill fleiri virkj­an­ir;
• Orku­stofnun setur inn á 3. áfanga Ramma­á­ætl­unar fjölda virkj­ana bæði í vernd­ar­flokki og bið­flokki;
• Lands­virkjun ræðir um bygg­ingu fleiri virkj­ana;
• Fjár­festar stagl­ast á um sæstreng;
• Ráð­herrar tala um meiri stór­iðju;
• Bankar eru með orku­deildir þar sem spek­úlerað er með orku­fram­tíð­ir.

Til þess að ná þessu öllu fram þarf að fara í stórar virkj­ana­fram­kvæmd­ir. Fólk virð­ist vilja virkja allt, alveg sama hvar það er.  Skítt með nátt­úr­una eða nátt­úru­vernd. En til hvers að byggja öll þessi orku­ver?

• Átta­tíu pró­sent orkunnar fer nú þegar til stór­iðju á spott­prís (um 30% af orku­verði til stór­iðju í Evr­ópu).
• Flest þess­ara stór­iðju­fyr­ir­tækja borga engan skatt á Íslandi (t.d. Alcoa) vegna skattaí­viln­ana sem fávísir ráða­menn sömdu um og hag­ræð­inga sem stór­fyr­ir­tæki nýta sér í fjár­flutn­ing­um. 
• Íslend­ingar eiga ekki 1% í þessum fyr­ir­tækj­um, þannig að allur arður fer úr landi.

Það fer ekki fram­hjá neinum að í þess­ari umræðu virð­ast fáir vera að velta fyrir sér virði ósnort­innar nátt­úru, nema útvi­star­fé­lög og nátt­úru­vernd­ar­fé­lög. Hvernig komumst við sem þjóð á þann stað að teng­ingin við nátt­úr­una er rof­in? Er meiri­hluta ráða­manna og þjóð­fé­lags­ins alveg sama um nátt­úru Íslands – jafn­vel þjóð­ern­issinn­uðum Fram­sókn­ar­mönn­um?

Sem betur fer er fólk að vakna til vit­undar og í dag fimmtu­dag­inn 16. apríl verður haldin skemmti­leg stór­há­tíð í Háskóla­bíói kl. 20 undir heit­inu Para­dís­armiss­ir? Hátið til verndar hálendis Íslands.  Ég hvet alla til að koma. Nú þegar hafa yfir 2000 manns ,,lækað” við­burð­inn á fés­bók. Nú er að duga eða drep­ast. Kom­andi kyn­slóðir munu líta til baka og velta fyrir sér hvað við vorum að hugsa ef okkur tekst ekki að vernda ger­semar þessa fal­lega lands okk­ar.

Höf­undur er pró­fessor í jarð­vís­inda­deild Háskóla Íslands og með­limur í stjórn Fram­tíð­ar­lands­ins.