Eitt af því sem var umdeilt á kjör­tíma­bil­inu frá 2009 til 2013 var fjár­fest­inga­á­ætlun þáver­andi rík­is­stjórn­ar, þar sem gert var ráð fyrir tug­millj­arða fjár­fest­ingum í ýmsum verk­efnum víða um land­ið, meðal ann­ars vega­fram­kvæmd­um. Stóð til að fjár­magna þessi verk­efni með veiði­gjöldum meðal ann­ars. Áætl­unin náði tölu­vert langt inn í fram­tíð­ina, en hún var kynnt sér­stak­lega, árið 2012, fyrir árin 2013 til 2015.

Skemmst er frá því að segja, að þessi fjár­fest­inga­á­ætlun varð ekki að veru­leika, og var raunar slegin af nán­ast í heilu lagi um leið og ný rík­is­stjórn Fram­sókn­ar­flokks og Sjálf­stæð­is­flokks var tekin við, eftir kosn­ing­arnar 2013.

Í dag var blaða­manna­fundur þar sem greina mátti svipuð stef, þegar rætt var um hús­næð­is­mála­flokk­inn og fleira. Orð­rétt segir m.a. í til­kynn­ingu frá rík­is­stjórn­inni: „Stefnt er að því að byggja  2.300 íbúðir á árunum 2016-2019, að hámarki 600 íbúðir á ári. Að því loknu verður metin þörf fyrir frek­ari upp­bygg­ingu félags­lega hús­næð­is­kerf­is­ins til fram­tíð­ar. Áhersla verður á íbúðir af hóf­legri stærð og að tryggð verði félags­leg blöndun í leigu­í­búð­un­um.“

Það er eins og stjórn­mála­menn gleymi því stund­um, að allt þeirra starf markast af fjár­heim­ildum í fjár­lögum ár hvert, og síðan póli­tísku umboði. Í þess­ari til­kynn­ingu er rík­is­stjórnin að kynna mögu­lega útgjalda­liði á fjár­lögum á árunum 2017, 2018 og 2019. Þetta kall­ast að lofa upp í erm­ina á sér, enda alls óvíst að þessi áform geti orðið að veru­leika. Það eru t.d. kosn­ingar vorið 2017 og því allt eins víst að þessi hús­næð­is­stefna rík­is­stjórn­ar­innar verði jafn mark­laus og fjár­fest­inga­á­ætlun rík­is­stjórn­ar­innar þar á undan reynd­ist vera þegar upp var stað­ið. Þrátt fyrir að í báðum til­fellum hafi stjórn­mála­menn baðað sig í kast­ljósi fjöl­miðla - að því er virð­ist í kosn­inga­ham.