„Sjúkra­lið­ar, lög­reglu­menn og félagar í SFR eru brjál­aðir yfir því að ríkið bjóði þeim minni kjara­bætur en öðrum stétt­u­m.“ Svo segir í frétt RÚV. Enn eitt alvar­lega verk­fallið hjá starfs­fólki í almanna­þjón­ustu gæti haf­ist innan tíð­ar, vegna þess að stjórn­völd hafa haldið þannig á kjara­samn­ingum að sumir hópar fá meira en aðr­ir.

Ríkið er sagt vera að bjóða fyrr­nefndnum stéttum 17 til 20 pró­sent hækkun yfir nokk­urra ára samn­ings­tíma, á meðan aðrar stéttir hafi fengið um 30 pró­sent hækk­un.

Það verður að telj­ast und­ar­legt hjá stjórn­völdum að vilja skapa til ill­anda, eftir það sem á undan er geng­ið, með því að segja ítrekað við ein­staka hópa að þeir eigi ekki skilið að fá það sama og aðr­ir. Án þess að fyrir liggi góðar rök­semdir fyrir því.

Það stytt­ist í kosn­ing­ar, og miðað við hvernig fylgið hefur þró­ast hjá á stjórn­ar­flokk­un­um, í gegnum síð­ustu verk­falls­tíma­bil, þá verður að telj­ast skrítið að stjórn­völd vilji ekki semja strax á sömu for­sendum og mark­aðar hafa verið í öðrum samn­ing­um.  Þó fylgið megi ekki ráða för, þá er það ákveðin vís­bend­ing um að samn­inga­tækni stjórn­valda hafi verið afleit og almenn­ingur sjái það skýrt og greini­lega.